Gottu 銅鑼灣

Gottu 評價 相片

實在太耐無黎，原來山頭火已經無左，已沒有剛剛開業時的風味了。

要了蒜蓉叉燒拉麵(醬油湯)﹑叉燒拉麵(麵豉湯)﹑芝士蝦春卷。

蛋是糖心的，幾好，叉燒肥了點。

而個湯底就實在太鹹，芝士蝦春卷唔好食，好迷你，無口感。

尋日dinner 同朋友0係唔知食乜好0既情況下走上0黎求其試一間, 0係度叫0左個厚燒玉子同芝士蝦春卷share 食, 自己就食0左個鱈場蟹腳麵豉湯底拉麵; 朋友就要0左個燒叉燒麵豉湯底拉麵.d 小食幾唔得... 厚燒玉子一d 味都無, 莫講話係甜味, 佢連蛋味都無乜, 唯一好在夠熱.芝士蝦春卷又係無乜味, 只係食得出texture 上d 芝士同d 蝦膠係有分別.呢兩樣appetizers 我強烈建議大家去魚一丁/沙嗲王分別食佢0地0既煎蛋卷同脆蝦棒!拉麵就唔同喇... 湯底味濃, 夠鹹, 十足日本d 地道0野; 拉麵腍腍0地唔會太彈牙, 正好吸收d 湯; 食完會幾口渴, 呢方面有少少唔及Domon, 不過overall 真係好好食!鱈場蟹腳份量好少, 不過鮮味, 吮0下d 殼係有蟹汁的, 唔錯.d 叉燒都ok, 不過個人一向不太鍾意日式叉燒, 所以唔comment 太多喇.朋友d 燒叉燒同碗拉麵分開上_d extra 叉燒其實同碗入面有0個d 無分別, 只係約略燒過有少少燶味, 個人覺得幾麻麻.小店格局靜靜地, 唔錯... 又或者只係因為我0地幫襯時時間尚早吧.Overall 幾好, 因為d 拉麵真係好食, 有下次的.

第一次來食, 叫左個麵豉油燒义燒拉麵, 好快有得食啦~~個糖心蛋幾好食, 但可惜係涷左d, 湯底味道濃, 拉麵一般, 未算彈牙, 配料如紫菜粟米都多, 燒义燒係用網上, 好特別, 但係味道就只係一般,肥膏太多而且肉質好硬添......朋友的冷拉麵就無咩意思, 其實只係乾麵上枱, 個麵根本唔涷, 因為涷左就會硬晒...service一般, 坐位不好坐, 可能因為我們坐bar枱, 無位放手袋, 好麻煩.

享受完半天假期, 今晚突然想食拉面叫傻鬼同我去總統戲院1樓睇下邊間拉面好先. 最後傻鬼決定此店. 我就叫左一個套餐(包又燒拉面, 2件飯團, 小食選左玉子燒加$5要左罐汽水)$60.傻鬼散叫左燒又燒拉面. 其實就係一碗又燒拉面再燒多6塊又燒. 其實成碗拉面最欣賞佢地隻蛋, d蛋唔係全熟不過真係好滑好正, 拉面就麻麻地唔係太彈牙. 不過食完隻蛋, 2個人都飽到要即係走出去散步消化下.套餐既飯團及玉子燒就唔值一試....唔好食.

好好味牙,,d湯又唔似味x拉麵果d咁.,又唔係好貴咋喎

Gottu餐單提供日本菜等推介美食位於銅鑼灣區，餐廳座位數未知人均消費約$51-100，結賬可以用現金。

您對於銅鑼灣餐廳「Gottu」有何 comment？

Gottu餐廳詳細資料：

• Gottu地址:
  銅鑼灣謝斐道517號(總統戲院)1樓拉麵橫丁
  Gottu, 1/ F.,517 Jaffe Road, Causeway Bay
• Gottu電話:  
• Gottu價錢: $51-100
• 分類: 日本菜
• 座位: 未知
• 付款: 現金
• FB專頁: Gottu Facebook

更多Gottu相關資料:

• Gottu分店
• Youtube
• Facebook
• Twitter
• Google