Dodam Chicken 銅鑼灣

Dodam Chicken 評價 相片

朋友介紹利舞臺廣場有間好好食既韓式炸雞，今日就黎試下～餐廳喺利舞臺18樓，門面幾靚，入面環境都闊落受疫情影響，餐廳午市做外賣生意居多，筆者同男友獨霸一邊長梳化🙈最初以為炸雞只可散嗌，原來set lunch都有得揀炸雞，價錢仲更加貼地甜醬油炸雞(10/10): 炸雞賣相好吸引，聞落超香，一咬落去外皮超香脆，又有陣陣既甜豉油香味；雞肉係超級juicy，冇諗過炸雞都可以好食到呢個地步😂😂😂另外餐廳供應膠手套俾顧客食炸雞，食起上黎唔驚整到隻手痴立立，好方便🤗牛肋骨湯配飯 (7/10): 食炸雞始終有啲熱氣，所以另一個set lunch就揀咗有湯既牛肋骨鍋平衡下。

牛肋骨啲肉好易離骨，食得都輕鬆，味道相對炸雞當然偏淡，但欣賞佢唔係味精水，用黎中和下都唔錯食set lunch仲包小食同飲品，全部自取～總括黎講Dodam Chicken既炸雞俾到我好大驚喜，最難得係佢做set lunch都冇將貨就價，味道依然係咁出色，值得一再encore🤩🤩

最近因肺炎嚴重，冇得去旅行，但又好想食韓式炸雞，係Openrice見銅鑼灣利舞臺既<Dodam Chicken> 評價不錯，價錢又吾貴，一於同朋友仔去試下!!是夜來到，客人吾算多，因為政府實施4人以上不能聚集，所以餐廳都不能坐得太多客人，亦不能多於4人一枱，而且枱同枱之間亦要保持一定既距離，以確保冇甘容易被感染。

其實餐廳本身既枱同座位設計，已經非常闊落同開揚，所以感覺亦好舒適。

三重芝士脆雞: 主角芝士炸雞出場啦!!~芝士脆雞用鐵板盤子盛住，炸雞件份量好多，有十幾件，放滿整個鐵板!!炸雞入口非常香脆同鬆化，炸得外脆肉嫰，仲保留到肉汁係雞肉入面，入面既雞肉質地亦夠嫰滑。

炸雞包圍住中間既，係一個提子麥包，麵包入面係滿滿既芝士醬，韓式芝士味係鹹中帶微甜，將炸雞點滿濃郁既芝士醬汁，芝士醬拉曬絲甘，一啖咬落去，成口都係芝士醬同雞肉，真係非常惹味好食，一試難忘!!~最後我地連個提子包都食埋Yummy !!~芝士年糕拉麵: 餐廳另一招牌菜係芝士年糕拉麵。

呢個又係極度邪惡既菜，材料超豐富，有韓式年糕，芝士魚糕，韓國拉麵，蛋，韓式肉腸等等。

無論年糕定係拉麵，都充滿住濃濃既韓式甜辣醬汁味道，同混合埋勁多嘅半溶拉絲芝士，鹹鹹甜甜咁，入口味道感覺多層次。

本身有點怕辣既我，完全接受到呢種辣中帶甜而鹹既味道。

年糕咬落去非常煙韌好食，而且仲非常惹味。

不過拉麵就吾太多，如果拉麵份量再多d，會更加理想。

可能太好味嘅關係，反而覺得有d吾夠喉。

最後餐廳仲送左份韓式酸瓜比我地，可以清下d熱氣同解辣，非常細心吖!!~

今次嚟到銅鑼灣利舞台呢度搵嘢食 平時多數食嚟食去嗰幾間估唔到入邊原來仲有好多唔同嘅食肆經過見到間食炸雞嘅心頭一起就入咗去試吓啦🐥🐣入到去店員好明顯有一個係韓國人嚟嘅但係禮貌都好好仲主動介紹出邊嘅配菜 聽侍應講出邊嘅泡菜同埋麻油粉絲都係自己整嘅味道有少少唔同 麻油粉絲更加係非常好食 我哋不知不覺都食咗幾碗 大家記住試下三重芝士脆雞 $198🍗🍗🍗炸雞係以鐵板形式上嘅 底嗰度有好多嘅拉絲芝士 炸雞上面就有左少少芝士醬 炸雞中間就有個農夫包入面有好多溶咗嘅芝士 撈埋炸雞食 又邪惡又忍唔到口🤤🤤🤤 值得一讚嘅係鋪頭用嘅係無骨炸雞所以我哋食落去就唔使揀骨啦 啖啖肉！ jeng黃金鹹蛋脆雞$78🍗🍗🍗如果大家晏晝嚟呢度食嘅話建議大家可以食佢食晏晝餐呢個價錢但係炸雞嘅份量都幾多 我哋選擇咗無骨炸雞 炸雞頭鋪左少少鹹蛋黃粉甜甜地鹹鹹地幾開胃架都 值得一讚嘅係大家嘅份量幾多我哋兩個人叫咗兩份炸雞都真係食唔晒大家可以選擇兩個午餐share食總括嚟講呢間嘅炸雞店位置喺銅鑼灣都幾方便另外價錢亦都唔算貴尤其是係晏晝午餐更加係可以接受嘅價錢喺銅鑼灣來講 如果大家唔想成日食kfc叔叔同埋其他連鎖韓式餐廳嘅話都可以嚟呢度試吓

人在銅鑼灣好想吃炸雞 🤣利舞臺的「Dodam Chicken」是小編首選半年前買過一次外賣留下好印象皆因店家注重細節 當時對它所用的外賣膠盒之高質深表驚訝😂經過半小時車程仍然保持熱度和擺盤食物亦相當對味 還是韓國人當店員這次堂食非常期待好多菜都想點 有烤雞炸雞有年糕薄餅有湯品熱鍋也有不少酒精類特飲😍黃金鹹蛋脆雞(全份有骨)($198)近年大熱的鹹蛋黃食物😂可以選有骨無骨🥰貼心的提供了手套及小桶裝骨頭👍🏻雞十分香脆 吃下去有肉汁視覺嗅覺味覺都照顧到外層舖上滿滿的鹹蛋黃碎！有十塊雞左右似乎有半只雞那麼多😜好滿足芝士年糕拉麵($158)拉絲芝士熱騰騰上桌料給得大方配料有獅子狗、火腿、魚糕、蛋紅蘿蔔、泡菜甜甜辣辣好過癮 正宗韓國味年糕拉麵煙韌配上邪惡芝士你能抗拒嗎？😝牛排骨湯($188)鍋沸騰的送上 看湯上的bubbles很治癒牛排骨大概有五塊 牛肉味好強！全部骨肉分離😛入味又不紫配料有冬菇、粉絲、金針菇等冬天喝感覺好溫暖🥰店舖座位間隔寬闊 上菜速度及價錢合理大家到銅鑼灣不要錯過！

漏單，筷子要問兩次先有，水要問先有，飲完亦唔會浸俾你。

部隊鍋：份量係相片一半。

韓式海鮮煎餅：跟相片差太遠，相片的大葱亦沒有。

鹹蛋炸雞：還可以。

三樣嘢，510蚊。

基本上沒有下次。

Dodam Chicken餐單提供韓國菜, 韓式炸雞等推介美食位於銅鑼灣區，餐廳座位數118人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 23338365 查詢。

您對於銅鑼灣餐廳「Dodam Chicken」有何 comment？

Dodam Chicken餐廳詳細資料：

• Dodam Chicken地址:
  銅鑼灣波斯富街99號利舞臺廣場18樓A號舖
  Dodam Chicken, 18/ F., Shop A, Lee Theatre Plaza,99 Percival Street, Causeway Bay
• Dodam Chicken電話: 23338365
• Dodam Chicken價錢: $101-200
• 分類: 韓國菜, 韓式炸雞
• 座位: 118
• 付款: Visa,Master,AlipayHK,支付寶,現金,銀聯
• FB專頁: Dodam Chicken Facebook

更多Dodam Chicken相關資料:

• Dodam Chicken分店
• Youtube
• Facebook
• Twitter
• Google