Crossover Kitchen 銅鑼灣

Crossover Kitchen 評價 相片

有晚同朋友食個一次，間見真係唔係咁得。

首先服務真係麻麻，見佢指左張枱有個預約牌，好心同個waiter講聲佢竟然話:「咁你坐唔坐丫」，因為趕住食完野去第度唯有算啦。

跟住要menu要等、叫野食要等、要等有野食黎，仲有既係要咩無咩，一係就唔齊，四個人食野俾2把餐刀，d waiters真係夠晒經典。

跟住d野食真係hea左d，蜜汁雞翼完全唔入味，係煎好先加蜜糖，個焗飯係cheese加千島醬......唔知係唔係我叫左d唔應該叫o既野食，d味道全部怪怪地。

成餐最正常係竟然係杯餐飲，最快有人serve係結賬個下。

咁樣都仲可以生存，可能係銅鑼灣人太多，供不應求所致。

前兩天同兩個best friend, 去Timesquare shopping, 路經銅鑼灣一期天橋，有個派傳單肥師奶，好有禮貌又好鬼Q介紹，有”暖泣泣陶板燒食，佢叫得真係好Q呀！佢話有簡餐廳新開，話好多野食，又話見D裝修好舒服，咁個friend話試下咪上去試下囉！如果唔係個肥師奶派傳單都唔知道果道有間新開餐廳叫crossover kitchen.上到去D裝修又真係幾靚，好舒服，打開餐牌又係幾多野簡，我地3個人，個waiter 介紹個2 人餐，好特意: 有pizza ，西餐有pizza 當然唔出奇，但特有個日式牛more皇陶板燒，有牛舌，牛肉，牛仔骨，什菌…. ，自已燒呀好好玩，天氣鬼死咁凍，唔洗成日2 3 個人都要去打邊爐? 我地仲叫左過越南春卷同四川宮保雞意粉，辣嫁！不過好野味，直得一試。

Pizza 味道都ok, 不過小妹鍾意食厚批，佢地個pizza 係薄批。

但個friend 話好食，個pizza 邊好脆。

食完個餐，個waiter 又問我地轉唔轉D特飲，話跟餐轉特飲有半價，平時$38，依家$19. 我同個friend 講，環境都幾好，平個pacific coffee 同star burg，咪叫杯chocolate lover &Honey Rose tea.後來見到佢地個Dessert menu 有火焰雪山，自已最鍾意，連肥都唔減啦！即order , 因為寫明大約要20分鐘，我地一邊吹水一邊等啦！20分鐘後，乘個雪山，係你面前落酒點火，好開心。

不過D酒味好重，如果唔食得辣，要都佢地落少D酒，雪山入面有朱古力雪糕，好好味！今次個Dinner都幾好，下次一試定要試其他野！佢總算裝修幾靚喇，又有大梳化坐，又有window seat, 價錢都算okay ! Sammy baby

太多人講依度食物質數唔掂, 我同意, 過年前同兩個朋友仔食過, 上菜速度勁慢, 我地三個人叫了以下食品。

註: 主菜可以轉為套餐。

三個小食牛脷 –薄到唔恨的牛脷, 只有四塊, 味道好一般。

蒜蓉什菇–錫紙包著什菇, 又係勁少, 得兩”住”仔, 好唔抵。

雞翼–兩隻雞中翼連雞尖, 完全無味道, 雞翼好容易就可以分開, 好似煮咗好耐, 外皮乾乾的。

Pizza –煙三文魚Pizza, 邊有點焦了, 其他地方還可以。

味道都係一般。

蕃茄牛尾配意粉–味道偏咸, 牛尾好大條骨, 無乜肉食, 意粉好乾好硬, 唔好食。

朱古力軟心蛋糕–蛋糕勁硬而且好似有點梘水味, 好難食。

長江七號(即係藍梅益力多沙冰) –好少的藍梅味, 好少益力多味。

服務方面–待應好唔掂, 烚下烚下, 落單叫個朱古力軟心蛋糕, 佢竟然話要問下先, 我地覺得好奇怪, 原來佢以為我地要改套餐的甜品, 問完一輪落左單, 最後都係黎錯左套餐甜品Size, 又要等換…見到個甜品”真身”, 就已經覺得唔好食, 食埋真係好失望!!!整體上都好唔掂, 一定無下次!!!

夜晚自已一個人諗住去試下邊度好食, 見呢間個樣ok, 又有boardgame借, 入去試一試. 入到去, 環境同裝修都唔錯, 點了我最常吃的意粉和朱古力 意大利煙三文魚意粉$68 轉晚餐(湯+飲品) $28 (忌廉湯) 轉凍朱古力$5叫左個忌廉湯... 好稀... 唔掂d 意粉完全唔掂, 麵質係"實"身既, 食落好似粉粉地咁, 又唔似未熟. 煙三文魚好咸...不用跟意粉屋比較, 比旺角"風月堂"食的同一個菜更不如睇個menu有咁多特式飲品, 諗住個凍朱古力係最後希望, 點知無乜朱古力味... 成杯糖水咁... 好失望除左裝修外, 好多樓上cafe的食物都好過佢唔少, 以後都唔會再去呢度食飯

利純純約o左我去Crossover 食燭光情人節晚餐, 死喇!遲到添, 快d 去先..........去到喇坐低, 嘩! 乜張櫈咁難坐咖, 唔想佢郁時佢就郁, 想移左少少又太重, 仲之好唔舒服....... 好喇! 上菜, ~~~ 唔叫都唔上首先: 西西里海鮮湯莉評: 金寶湯仲好飲跟住: 煙三文魚他他莉評: 煙三文魚OK 地啦! 麵包難食再來:地中海燒海鮮大會(大蝦、鱸魚、扇貝)或波士頓龍蝦拼黑椒煙鴨胸莉評: 唔比人叫同一樣食品..... 唔掂鱸魚, 煙鴨胸都幾好食, 幾咋其他入得O下口啦再來:暖心朱古力蛋糕莉評: 掂降唔係一人一個, 為什麼要share?蛋糕話暖心又唔暖心差差差差差(利純純心想: 今日情人節嘛, share就share啦)坐下坐下嘩!枱底都唔知有d 乜野又尖喎仲撞親我隻腳添. 嘩!好痛笑住叫痛!(利純純心想: 唉! 我仲心痛啦!)來呢到食野真係搵苯. 極覺得唔好食, 服務又差, 坐左咁耐水都唔加, 叫先比d 水飲下, 結脹時仲問有冇落訂,心念冇寫低呀, 仲要問, 仲問幾次, 亂呀! 櫈 利純純唔底呀! 又貴又唔好食又唔舒服好(爛) 的情人節晚餐P.S 利純純代筆

Crossover Kitchen餐單提供多國菜等推介美食位於銅鑼灣區，餐廳座位數未知人均消費約$101-200，結賬可以用Visa,現金,AE。

您對於銅鑼灣餐廳「Crossover Kitchen」有何 comment？

Crossover Kitchen餐廳詳細資料：

• Crossover Kitchen地址:
  銅鑼灣波斯富街48號優食橫町3樓G舖
  Crossover Kitchen,  
• Crossover Kitchen電話:  
• Crossover Kitchen價錢: $101-200
• 分類: 多國菜
• 座位: 未知
• 付款: Visa,現金,AE
• FB專頁: Crossover Kitchen Facebook

更多Crossover Kitchen相關資料:

• Crossover Kitchen分店
• Youtube
• Facebook
• Twitter
• Google