Coholic 銅鑼灣

Coholic 評價 相片

之前食過一次，轉左好兩手嘅cafe都係賣差唔多嘅嘢？個味仲要一樣！未驚有驚喜但唔會失望！🍴南瓜湯 (7/10)唔暖，質感比較稠，甜甜地嘅南瓜味，入邊有好多香草！🍴 炙烧北海道帶子刺身蒜香原條明太子扁意粉 $122 (7/10)有三片帶子同埋一條真嘅明太子，帶子嫩滑，微甜，唔會腥。

意粉係扁意粉軟硬度適中，食落有好香濃嘅蒜頭味，撈左真嘅明太子之後，係鹹香味比較重，都幾好食，佢偏鹹嘅日式明太子意粉！🍴 慢煮安格斯封門柳意粉伴温泉蛋 $132 (7/10)肉嘅份量都幾足，封門柳肉質腍得嚟比較有口感，食落去有肉香，意粉係扁意粉軟硬度適中，用咗香草同橄欖油去撈，味道比較淡，同埋鹹鹹哋！蛋香唔出，但為意粉增加咗濕潤嘅口感！🍰 Rum Raisan Basqe cheesecake +$48 (8/10)比較細件，口感好細滑，比較軟身，中間帶少少流心，食到好多提子乾，帶有少少冧酒嘅香味，芝士味都幾香濃，冇諗過提子冧酒同巴斯克芝士蛋糕都係咁夾！☕️ EARL GREY YUEN YEUNG +$32 (8/10)一入口就飲到伯爵茶嘅香，咖啡嘅濃，鮮奶嘅滑，三者平衡得好好，伯爵茶味係比較出嘅，飲完之後會有少少咖啡餘韻，真心係幾好飲！推薦指數: 7.5/10整體來講，食物質素都OK，但甜品同嘢飲好食過主菜！

誤打誤撞搵到呢間cafe!真係隱世小店平時都成日去唔同嘅小店支持下但呢間真係極之欣賞👍🏻嘢食嘢飲都超級好味👍🏻係真係好好味😍😍😍聽店員講Menu時不時會轉😍可能下次有新野食😍而且服務都非常之好。

坐又坐得舒服，同埋播住嘅音樂都好正。

而且平時都唔係好多人，基本上都唔使等位，又唔會趕人走。

有咖啡，有茶，仲有酒飲真係幾時約朋友都可以上去👍🏻由前員工接手，重新裝修過，環境好似仲舒服過以前極力推介💪🏻💪🏻

响銅鑼灣本身諗住去打卡好出名嘅極濃海膽扁意粉💛但坐低先知已經賣晒😱整個人即刻超失望😭但又唔好起身走（嚟都嚟喇）同埋已經都肚餓，於是思考好耐揀咗炙燒北海道帶子刺身蒜香原條明太子扁意粉（個名好長😂），加+$20有蔬菜沙律🥗先嚟到係餐湯同沙律，餐湯係蘑菇忌廉湯，蘑菇味幾香，少少creamy，雖然好飲但我減肥唔敢飲太多，試兩啖就算😅蔬菜沙律啲菜都夠新鮮，量亦ok，比較滿意dressing係用黑醋汁唔係沙律醬，食落唔會有負擔😎意粉上到個原條明太子睇落都幾吸引下😃三粒北海道帶子刺身size中等，薄身小小🤏不過味道好鮮甜，打散撈勻明太子同意粉時會有淡淡鹹香味飄出嚟🤤蒜香唔係好濃郁嗰種，但醬汁嘅濃度同味道都平衡得唔錯，意粉煮得恰到火候，夠煙軔有咬口之餘又夠掛汁有滋味，如果唔係因為減肥我應該又會食晒🙈炙燒北海道帶子刺身蒜香原條明太子扁意粉 7.0/9蔬菜沙律 7.0/9OVERALL 7.0/9雖然係冇抱期待嘅求其之選？但都冇令我失望喎😋同埋店員都好nice嘅，見我對海膽意粉一片癡心？就話比我知因為海膽對新鮮度嘅要求都幾高所以唔會預好多，星期六唔會再返貨所以星期日係冇供應，星期六會多啲，但最穩陣就係wtsapp/IG/打電話問定先🙋🏻‍♀️今次係我未做足功課所以冇得食🥲如果想食一定記得問定先，咁就唔會似我咁食白果喇🤣

Not sure why it’s on open rice!?!Under this economic condition the charge is not very attractive, location is under average, but service is terrible, and food quality is not worth the money.Wanna find a place for close friend gathering but didn’t expect it’s closing so soon on Friday, and staffs so unhelpful interrupting our conversations countless number of times even though the dinner date was forced to end too shortly!

Coholic係一間銅鑼灣嘅樓上cafe，前身其實就係Coffever～ 其實我之前已經bookmark咗Coffever好耐，但到佢執咗都無去過🥺 好彩佢哋嘅員工有接手舖頭，仲保留咗以前嘅招牌菜式：海膽意粉 同埋 慢煮封門柳～•📸 Dinner for two $428+10%晚餐可以揀1人餐/2人餐，我同朋友就揀咗2人餐，包咗1個意粉 、1 個主食，然後就仲有沙律、餐湯、飲品同埋甜品～ 甜品可以喺menu上面7款任揀2款，啲款式仲要幾吸引😍•🥢 特濃海膽意粉 +$20其實都算係衝住個海膽意粉而嚟，所以就算二人餐要再加$20先可以轉，都照叫咗嚟食😛 不過食落就有少少失望喇🥲 海膽醬比較濃厚同竭身，都算幾重海膽味，但就有輕微腥味，上面2片海膽都比較普通，唔夠鮮甜，帶少少輕微腥味🫠🥢 慢煮安格斯封門柳•阿根廷青醬 配蕃薯條本身想叫封門柳意粉，但原來晚餐無嘅，只有呢款配阿根廷青醬嘅～ 封門柳真係好好食🤩表面嘅焦香同鹹香味幾濃，入面就牛味好濃，仲有啲咬口但唔會韌👍🏼 加埋個輕微偏酸嘅青醬，有橄欖油香，配封門柳都幾清新，可以解一解封門柳嘅油膩感😋配菜方面其實仲可以揀薯棗/洋蔥圈/蕃薯條，本身想試吓薯棗(侍應話係類似炸薯波咁)，但當日無晒，所似就揀咗蕃薯條～ 係偏幼身嘅，食落好脆，而且都幾甜幾香～•📸 慢煮雞胸沙律雞胸有2件，真係幾滑～ 沙律用咗醋汁嚟撈，酸酸哋都幾開胃😉📸 忌廉粟米湯呢個湯似係用粒粒粟米打碎嚟煲嗰種，食到好多粟米「皮」嘅口感，但忌廉比例比較少，所以唔會好竭好creamy，但又未去到好似日本粟米湯嗰種超級香甜嘅粟米味～整體都唔錯🤤•🥢 Matcha Affogatto 平時見開嘅Affogatto都係雪糕+Espresso，但呢到竟然有抹茶揀～抹茶味真係好濃，帶啲啲回甘😋個雪糕本身好冰，雲尼拿味都幾濃，味道稍甜，加埋個抹茶就啱啱好🤤🥢 Basque Cheesecake好鍾意食巴斯克芝士蛋糕，所以睇menu就已經決定要試！😋 佢哋嘅巴斯克做到軟心效果，食到焦糖味超級香濃同突出🤩 芝士味都濃郁，食落口感好滑😍 個人嚟講超滿意，但朋友就覺得個焦糖味有啲太甜🫢🥢 Hojicha Latte +$15 (Iced)焙茶味幾濃郁，同奶味都幾balance，但飲落都有輕微嘅顆粒感，口感唔算好順滑，唔知係咪凍飲會溶得無咁好呢?!🫣📸 Cappuccino +$10 (Hot)

Coholic餐單提供西式, All Day Breakfast, 咖啡店, 樓上cafe等推介美食位於銅鑼灣區，餐廳座位數未知人均消費約$101-200，結賬可以用現金,payme，Booking訂位可以電話致電 95421763 查詢。

您對於銅鑼灣餐廳「Coholic」有何 comment？

Coholic餐廳詳細資料：

• Coholic地址:
  銅鑼灣富明街2-6號寶明大廈3樓C室
  Coholic, Room C,3/ F, Po Ming Building,2-6 Foo Ming Street, Causeway Bay
• Coholic電話: 95421763
• Coholic價錢: $101-200
• 分類: 西式, All Day Breakfast, 咖啡店, 樓上cafe
• 座位: 未知
• 付款: 現金,payme
• FB專頁: Coholic Facebook

更多Coholic相關資料:

• Coholic分店
• Youtube
• Facebook
• Twitter
• Google