竹園海鮮飯店 跑馬地

竹園海鮮飯店 評價 相片

❤️芝士龍蝦個芝士汁超級好味！ ！！👍🏽咕嚕肉好食👉🏼避風塘賴尿蝦好味但好細隻係呀去到竹園一定要食嘅就係芝士龍蝦伊麵！ 當然啦其他海鮮都整得好食，但係個芝士汁係無敵！因為好想知竹園個芝士汁係咪全港最好食，所以去其他海鮮餐廳時，都會叫芝士龍蝦伊麵黎比較，so far 未有一間個芝士汁係好食過竹苑。

美中不足係佢龍蝦嘅質素係合理，如果連龍蝦質素都再高啲，可以話係無敵 😍 其實間中都有黎竹園飲茶，點心質素都好好，當然啦呢啲傳統港式餐廳侍應嘅說話態度係比較直接（如果想有殷勤嘅態度，除非你係熟客仔）。

前菜碟魚仔花生：脆但唔咸，無乜味。

食2條就放棄。

咸蛋黃鮮尤：睇個樣都覺得普通雞煲，唔夠味牛尾：都係麻麻，唔夠味湯：算全晚冠軍，幾好飲唔夠味，無獲氣，唔明點解係老牌有名氣餐廳。

而且價錢比起其他同類算略貴，接近1000埋單食以上呢幾味，麻麻地唔算好食先慘。

建議遠少少去灣仔大*檔*炒好好多，連環境都靚d（睇我之前食評有提）

2020年，9月9号，晚七点半，去了跑马地竹园餐厅，也是有本地朋友推荐这里的餐厅不错，先吃了三道菜，之后，上了一个茄子煲，我朋友吃出一个蟑螂，我们当时也没说什么，餐厅服务员拿下下菜，说给我们不必算钱了这道菜，我们当时也没说什么，还没过五分钟，我的另一个朋友，从这个芥兰炒牛肉里又吃出一支，给他们把蟑螂摆在那里，我当时一看，脑袋炸了，赶快买单，跑路，剩下还有条东星斑刚刚上，我没给她买单，其他菜给我算了1280元，我刚刚到家，非常非常非常的生气，越想越生气😫😫😫😫他们还好意思，算这1280元，看我们是大陆人！

老闆推介食竹園！聽講呢間飯店以前好出名好多人食，出名食咩我其實唔知，老闆點咩餸我哋就食咩，然後我哋買咗幾支白酒準備食海鮮，無開平費❤️.今晚海鮮為主.第一次咁食，好正，個海鮮好新鮮！.主菜係龍蝦由於有人唔食芝士，所以上湯同芝士都有，我中意食芝士，芝士贏勝在夠濃味！芝士味濃！聖子咁炒又幾好食wor! 有陣胡椒味~ 鼓油王蝦，個蝦頭都成個食得.魚我無乜興趣，但唔差😆..整體來講，我覺得都幾好食！同邊個食同有無酒都有關係！！今次好滿意！！

黑衫四眼男經理服務簡直一流, 見高拜見底踩! 完美展示雙面人.事緣係咁我今日1點去攞枱咁酒樓等枱本身好合理，咁我攞咗飛一路等，一路見到有人出嚟，但係一路有遲過我哋嘅人一路入去 , 咁係我等到1:30 我入去問呢個經理 點解一路有遲過我哋嘅人俾我哋早入去. 呢個經理竟然同我講 前面有10幾張訂枱，訂枱客人係優先. 咁我同佢講我都明白，咁我問佢仲有幾耐可以入， 佢同我講仲有一張就到我哋， 好咁我信多佢一次， 結果梗係冇令你失望 呢個時候嚟咗個佢嘅熟客(我估：一嚟到就叫晒咩太咩太) ，結果一有客走有枱即刻安排那位小姐入座. 我當場即刻行入餐廳走去同個經理講 又話下一張到我哋 結果呢？ 結果就係佢又同我講訂枱優先. 跟住我話佢喺餐廳門口同佢爭論 結果即刻有枱 終於搞到兩點終於可以入座，仲要張枱一早Set Up 好根本就有空枱. 諗住留俾佢啲熟客.其實自問每一兩個禮拜都嚟幫襯， 一路都知呢個經理係有問題，但其他員工服務質素其實好好 食物水平亦唔錯 ，所以一路都冇乜嘢但係就係呢個有問題嘅經理，搞到我今日忍唔住要打這篇文章.希望你來唔會遇到呢啲咁嘅嘢同埋唔好俾呢個經理service 你咁就冇問題了。

竹園海鮮飯店餐單提供粵菜, 廣東, 海鮮, 點心, 中菜館, 酒樓等推介美食位於跑馬地區，餐廳座位數250人均消費約$201-400，結賬可以用Visa,Master,現金,AE,銀聯,JCB，Booking訂位可以電話致電 28938293 查詢。

您對於跑馬地餐廳「竹園海鮮飯店」有何 comment？

竹園海鮮飯店餐廳詳細資料：

• 竹園海鮮飯店地址:
  跑馬地黃泥涌道7-9號地下
  Chuk Yuen Seafood Restaurant, G/ F,7-9 Wong Nai Chung Road,, Happy Valley
• 竹園海鮮飯店電話: 28938293
• 竹園海鮮飯店價錢: $201-400
• 分類: 粵菜, 廣東, 海鮮, 點心, 中菜館, 酒樓
• 座位: 250
• 付款: Visa,Master,現金,AE,銀聯,JCB
• FB專頁: 竹園海鮮飯店 Facebook

更多竹園海鮮飯店相關資料:

• 竹園海鮮飯店分店
• Youtube
• Facebook
• Twitter
• Google