Corner Hot Pot ‧Bar 跑馬地

Corner Hot Pot ‧Bar 評價 相片

12月1日08年天氣轉冷, 本人絕不會錯過吃火鍋的機會. 這是第二次來"角廊". 涼爽的13度本以為會很難訂位, 但結果整晚只有不超過四桌客人. 兩個人點了:本地肥牛 好像是切片後放進冰格. 牛肉欠佳.鯪魚挖 不錯.雜丸 OK 不錯雜菇 OK.西洋菜 新鮮.番茄湯底 普通. 沒有其他店好. 沒點他們的老火湯底或許是錯誤選擇.真的沒什麼好說. 菜很普通, 但價錢貴. 牛肉很貴, 但很令人失望. 這裡的賣點是氣氛. 角廊絕對可以吃到舒服安靜環境的火鍋. "加湯"服務不錯, 只因沒什麼客人, 不繁忙. 但服務員感覺好像第一天上班, 什麼都不知道, 什麼都要"我幫你問吓先". 我問了他五個問題, 他到廚房問了五次. 吃到最後發現他們的信用卡機壞掉了. 結果我要去領錢才能付款. 問題不大, 但如果想做好一點, 服務員應該在飯前提出這個問題, 讓客人能早點準備.前菜: $40醬介: $30350多元吃得不太飽, 更沒點新鮮海鮮類食品. 火鍋來說, 一點都不抵吃.地方乾淨衛生.如沒有特別原因, 本人大概不會常來角廊.

同老婆收工收得夜諗住食好d,走去跑馬地行過圈睇下有乜好野食.見到呢間,門口有剪報介紹,又大大隻字寫住十點後全單八折.望一望錶,十點三,上去試一試先.上到去,裝修暗暗地玩情調,張張檯上面都有支house wine.但睇足全場,連埋我地都係得兩檯客.ok,唔緊要,未試過出街打邊爐可以靜靜地,試下都好.果陣未發覺出事,食食下先發覺餐廳後面同隔離Corner Bar共用廁所,陣陣醉酒佬既歌聲由後後門湧到黎,無計,上左船,食緊,焗聽.環境即時大扣分.平心而論,唯一可取既係待應d服務幾好.到講食物喇,差唔多叫晒佢既招牌菜咁滯,湯底,介紹左個是日老火湯飲兩碗之後加豬骨湯(水)做湯底 西洋菜豬肺湯 後悔,湯好淡,似加水煲過,食左兩啖湯渣瘦肉,仲有好濃肉味,明顯未煲夠味,仲話老火湯..唉....結果成晚就在一個好淡既湯底上面"沖"野食.海鮮蝦卷 設計叫做有d特色,有d類似墨魚滑既野包住隻蝦,但d蝦肉唔多新鮮,果d類似墨魚滑既野到我食完成碟都分唔清乜野肉.原隻鮮鮑 起埋肉去左屎先上檯,見佢仲郁下郁下,好新鮮,咬落爽口,甜.但插曲係:食到一隻唔知點解有條好幼既鐵線仔插左係隻飽魚邊度,同佢待應講,即刻攞走左,之後送過另外一隻黎,但........細隻左.....好唔開心........想試佢既澳洲和牛 無貨本地手切肥牛 + 牛柳 肥牛無特別,街巿買隨便都買到既貨色,不過切得靚靚仔仔;牛柳,都係普通料,有部份既邊位仲係黑左發硬,唉....算喇....海中蝦 新鮮,真係有中蝦既size,但你收我$68比得果四隻我.....?!??!田雞 簡簡單單,最滑最有肉味.金薯+芋條 芋條似大陸貨,浸一陣就爛;相反,d金薯好硬,有一粒由黎到至到走都係個爐到滾下滾下,臨走攞上黎咬下,都仲係好似索膠粒咁....硬......炸腐皮卷 比較幼身,味道同口感與小肥牛差一截.好喇,到最後喇.雖然食物唔值呢個價錢,亦都唔好食,環境又唔係咁好,咁都未至於判死刑.點解咁講呢?埋單,張單拎過黎我:咦?無八折既......唔係十點後入黎全單有八折咩?待:有啊,日日都有.我:點解呢度無既....?待:......等我check check.幾分鐘後~待:唔好意思,計漏左,已經計番....我:......條數都係唔0岩喎.......係計埋加一先八折定係點?待:......我再問下.........又幾分鐘~待:係減左前菜醬介之後八折....我:....都係唔0岩數0者........自己慢慢計清楚後發現條數係咁計(((原價 減 茶水醬介前菜) 打八折) 加番 茶水醬介前菜) 再加番 (原價加一))呢d就係佢地所謂既全單八折我:.....乜唔係全單八折咩?點解會咁計既?待:........(笑笑口)......免得影響心情,差果幾十蚊,真係懶得同你計.....野唔好食都唔計......but你呢間野咁樣做生意,真係等接埋......判左死刑......自己慢慢受............前菜: $40醬介: $15 x 2 = $30最後張單:$720 多謝唔駛找.

Hot Pot ~ Everyday\'s special soup base are freshly cooked & changed based on chef\'s seasonal factors.Japanese styled sashimi & sushi ~Are my favourites as fishes, prawns, clams are freshly prepared at reasonable prices which make your money worth!Cooked dishes ~Can be ordered in advance with specially designed dishes for special ocasions during different occassions/celebrations!Overall, the food quality is well above average restaurants in Causeway Bay and Happy Valley with good, quiet & spacious eating condition. After the meal, friends can enjoy heading to the karaoke lounge for fun & is especially convenient for hangouts in group of families & friends for a night.

早兩個星期同成班同事慕名去呢間嘢度打邊爐，因為之前見到雜誌介紹過。

入到去個氣氛其實都尚算新鮮，因為我哋的確好少喺呢d環境底下打邊爐，而且鋪頭入面好少人，所以夠晒靜。

到點菜果part喇，唔知果個係咪老闆呢，招呼同產品知識都幾好，的確可以提供意見俾我哋，果晚我哋試咗佢個燉湯湯底，一個係螺片湯，一個係豬肺湯，其實兩個燉湯個味道都好好，不過奇怪嘅係d燉湯一上枱就分晒俾我哋飲，連d湯渣都"不"晒上黎俾我哋食，到打邊爐果陣就再加返d無乜味嘅豬骨湯落去，咁究竟我加多咁多錢要個燉湯湯底黎做乜﹖值得一讚嘅係佢d螺片刺身都幾新鮮，其他嘅配料就真係比較普通喇，就算佢哋主打推介嘅都好一般，而且份量少，唯一一個大家都覺得唔錯嘅就係佢個牛肉餅，居然仲有牛味過佢d肥牛=.=整體嘅水準極度一般，而用餐環境都只限於新鮮，並唔係特別靚，要成三百五蚊一個人都真係食唔過！

無錯，氣氛是要用錢買的！所以呢間高檔西式裝修既火鍋店縱使野食唔太好，在跑馬地這高尚地區仍可捱得住；所以我經常叫我老闆要開就開一間真正高檔的。

是日因為有活動，好夜才可食晚飯。

而呢間野又係十點後有八折，大家都順理成章等到十點後入座。

真係好西式的一間火鍋店，香港來說十分罕有，雖然我本人覺得一般，但我亦相信總會有市場的。

一行五人坐定定後就點菜，一如以往點咩食都唔會由我發版，大家點什麼我就食什麼好了！先有調味料，辣椒、麻醬、莞茜、蒜蓉、豆瓣醬等九款任君選擇，未吃先可大搞一番。

湯底要了竹庶茅根，貪佢清清地，始終太夜也不想吃麻辣湯底咁濃味。

火鍋配料有牛肉粒、手切牛肉、牛展、墨魚滑、什菜藍、蝦丸兩食。

後來侍應推介了炸腐皮，我們都要了一客。

食物比預期中差，三款牛肉都是雪得過久，表層鋪滿冰的，牛肉鮮味欠奉；墨魚滑也沒有應有的口感。

至於推介的炸腐皮，是有點脆口，不過也沒布什麼特別呢！反而大家都話最好是那蝦丸，單是賣相已取不少分數。

蝦頭是椒鹽的，蝦太大大件加上蝦尾的點綴，味道據聞也是不錯的。

雖然食物一般，但感覺幾舒服。

若要和三五知己傾談relax一下，這也可以考慮。

Corner Hot Pot ‧Bar餐單提供多國菜, 火鍋, 中菜館, 酒吧等推介美食位於跑馬地區，餐廳座位數100人均消費約$101-200，結賬可以用Visa,Master,現金,AE。

您對於跑馬地餐廳「Corner Hot Pot ‧Bar」有何 comment？

Corner Hot Pot ‧Bar餐廳詳細資料：

• Corner Hot Pot ‧Bar地址:
  跑馬地山村道1號怡豐大廈地下8號舖
  Corner Hot Pot ‧Bar, Shop8, G/ F,1 Village Road, Happy Valley
• Corner Hot Pot ‧Bar電話:  
• Corner Hot Pot ‧Bar價錢: $101-200
• 分類: 多國菜, 火鍋, 中菜館, 酒吧
• 座位: 100
• 付款: Visa,Master,現金,AE
• FB專頁: Corner Hot Pot ‧Bar Facebook

更多Corner Hot Pot ‧Bar相關資料:

• Corner Hot Pot ‧Bar分店
• Youtube
• Facebook
• Twitter
• Google