蒲東 觀塘

蒲東 評價 相片

我今日下午跟朋友途經上面間餐廳，諗住飲杯野傾陣計，我地諗住坐露天位，但要留意「露天位無人招呼架，自己買完野需要自己拎出去，如果要櫈?麻煩自己拎!!」搬櫈太難我最後選擇企。

其實自己搬櫈都小兒科。

最爆既係，露天位同樣係員工休息區，員工公然企係隔離枱食煙飲酒，我原本想呼吸下新鮮空氣先考慮露天位，依加變左2手煙囉 。

當時我真係好嬲，但我係依道出post係希望間餐廳高層睇到依個post,然後會識相做改善啦。

尋日食左shabu shabu放題，到今朝仲有啲飽飽滯滯，但lunch time又想出去食放鬆吓，所以就去左公司附近food court食。

呢度放lunch時間好多人，不過food court來也沖沖去也沖沖，所以等左一陣就有位。

今日就叫個煙三文魚凱薩沙律輕食一下，再加杯熱檸水消吓滯~沙律份量適中，但對我今日呢個狀態嚟講已經好足夠，啲沙律菜都新鮮爽甜，三文魚有三塊但其實係卷咗起嚟，拉返長就算大塊。

唯一缺點係芝士粉唔夠，而家諗返其實可能有得自己攞芝士粉去加落去。

四十蚊左右食個輕食lunch，同同事吹吹水輕鬆吓，繼續下午衝刺~

開左都差不多有一年，初頭就有早餐，午餐做到晚餐，而家就連早餐都唔做，專注去做午餐同埋夜晚飲酒。

通常去到四五點經過呢度嘅時間都會有好多外國人坐係出面都飲酒，其實都幾有氣氛。

啱啱開業嗰陣時候都有過嚟食早餐又或者午餐，但係嗰陣時都大概差唔多要七，八十蚊一個餐，而且唔係話特別好食，所以好耐無幫襯。

今日時間稍為早到，12點半左右都幾多人，等左5分鐘已經有位。

今次入去嘅原因係因為見到出面個牌寫住＄38起，仲會有八五折或者九折。

見到人哋食都幾靚仔，自己就叫咗個餃子配胡麻醬凍烏冬，分量來講都幾足夠，味道來講就比以前好食好多，雖然係用最平嗰隻烏冬，但個自家製餃子攞番分。

價錢包埋嘢飲先44蚊，合理。

另外仲叫咗個滑蛋牛肉飯，牛肉唔係普通嘅火鍋牛肉，食落去嘅口感比較厚身，肉味濃，個餐仲會陪埋前菜同埋湯，有質素。

另外仲有個五寶飯，份量睇落去好似好細咁，但係問個男同事都話幾足夠，而且個味道都唔錯。

燒味嘅份量都夠，比起連鎖嘅快餐店呢度仲包埋嘢飲添。

整體來講比以前嘅質素的確係好咗好多，有改善，下次仲會幫襯。

早上過開嚟呢邊做野，行過見到呢間餐廳幾多位，所以就入咗嚟食個LUNCH~ 由於唔知食乜好，所以我揀咗3/7走地黃油海南雞飯 ，睇個名都真係幾吸引 !  拎起個餐嗰時，聞到陣陣油香係飯度散發出嚟，雖然賣相唔係話真係好靚，不過食落每粒飯都真係幾有口感，細細長長嘅飯粒，唔會煮到一舊飯痴埋一堆咁~ 主菜：3/7走地黃油海南雞飯 !! 真係好白好滑咁嘅樣啊!!! 入口除咗見到雞皮同白肉中間有一層黃色雞油外，入口好嫩滑，就算雞胸都唔老，真係唔錯~ 食開海南雞飯嘅人都知，三大靈魂之中，湯亦都係少不了。

平時多數係粟米蘿蔔湯，這裡竟然以內臟嚟煮，我聽人講原來咁先係正宗啊! 配搭埋飯一齊入口，真係好夾，個湯一啲都唔燥，相當柔和 ~ 估唔到平凡嘅food court 竟然有咁好食嘅海南雞飯 !!!! 

十年都唔黎一次觀塘 朋友約食飯先黎一次點知一黎就有甘大驚喜呢間好似西餐廳既餐廳 有埋bar檯 同掟鏢既地方 相信更夜既時段會轉成另一個場地同行5人 每人嗌左1個set dinner包既都離唔開沙律 包 湯 主菜 甜品 餐飲會唔會一次過上哂比你 因為會怕你食唔切凍哂 佢有次序甘上當見到就食完戈陣就會嗌機話準備上下一食物可能中間都係要等一陣 但就有種唔急速既感覺不論青口定龍脷柳 都食唔到腫味烹調既時候好似將調味料配料煮到入哂味另外仲加左半隻豬手 豬手有點難咬開 切都有d難切其實食完主菜已經飽飽地 上個朱古力甜品後 食到有d濟 因為太甜同太飽不過整體黎講 值得一試

蒲東餐單提供多國菜, Food, Court等推介美食位於觀塘區，餐廳座位數未知人均消費約$50以下，結賬可以用現金。

您對於觀塘餐廳「蒲東」有何 comment？

蒲東餐廳詳細資料：

• 蒲東地址:
  觀塘駿業街56號中海日升中心地下D-K舖
  East Lounge, Shop D- K, G/ F, C O S Centre,56 Tsun Yip Street, Kwun Tong
• 蒲東電話:  
• 蒲東價錢: $50以下
• 分類: 多國菜, Food, Court
• 座位: 未知
• 付款: 現金
• FB專頁: 蒲東 Facebook

更多蒲東相關資料:

• 蒲東分店
• Youtube
• Facebook
• Twitter
• Google