舌丼 觀塘

舌丼 評價 相片

📌 舌丼 觀塘開源道60號駱駝漆大廈3座1樓R室🗓(11/5) 星期四 ⏰ 晚上7點左右💈特式：唔知點解香港人好鍾意食牛舌，包括我自己都係，朋友唔講唔知，原來觀塘啱啱開咗間新開嘅牛舌專門店，仲要只係開咗兩個月左右，咁我梗係第一時間要去試吓啦。

🥩🍔🌭🌮🥗🥯🥘🍲🍝🍣🥟🍤🍱食物：雖然話係牛舌專門店，但佢地除左牛舌丼同鐵板牛舌之外，仲有串燒同其他小食，而家等我同大家講下🐮👅味道先。

牛舌尖拼牛板腱丼飯套餐 $138 佢地所有套餐都會跟湯/沙律/前菜，另外仲會有三款自家醬汁可以揀，我就配左和風鹽蔥汁，因為好似同丼飯底夾d，牛舌尖同牛板腱就各大約有4~5塊，牛舌好厚身，但好軟淋。

另外個飯配埋和風鹽蔥汁，有少少似食緊蔥油撈飯，但佢地個蔥油嘅油應該係用日式沙律油，口味會同傳統蔥油有所不同。

牛舌芯Double up鐵板套餐 $148 呢個套餐會配埋一碗紫菜飯，呢個醬汁我揀左日式牛扒汁，配埋鐵板牛舌芯，襯到一個點，因為揀Double牛舌芯，所以有兩條原條，一見到已經感覺好抵食，自己煎到厚一厚咁食，味道香濃得嚟又爽口。

吉列大多春魚(2條) $32 呢個吉列多春魚真係好大條，炸得又香又酥脆，仲好熱辣辣，魚春仲要爆多，真係好食過好多日式料理餐廳同串燒店。

☕️🍵🥤🧋🍺🍷🥃🍹🧉🍾🍶🥛飲品 : 飲品就有紙包茶同埋罐裝汽水，不過最特別都應該係佢地個自家製冷泡茶，過冷泡茶味道可以揀白桃或者桂花，我就各要左一個，都幾大樽，所以係用外賣樽，飲唔晒仲可以攞走慢慢飲。

🍽環境：首先餐廳個設計logo都幾得意，隱約見到隻牛仔條舌仲係口入邊冇比人食到。

另外餐廳環境就唔算好大，裝修就有d似韓式餐廳，尤其是d凳，直頭就係韓式餐廳嗰d油筒凳，凳內可以擺袋，仲有因為新開，所以環境都好乾淨企理。

🤵🏻🤵🏻‍♀️🤵🏻‍♂️服務：職員態度好好，因為入嚟大多數都係生客，會好主動講解Menu，好有禮貌同耐性。

💰💸價錢：叫左兩個勁多野食嘅套餐，加埋兩支冷泡茶同一份吉列多春魚，埋單就大約$350蚊，呢個價錢相當合理，一d都唔貴。

🐲💬總結：我覺得佢地既牛舌出品真心唔差，如果我下次想食牛舌而又係附近，應該都會諗起佢，大家都可以趁佢新開無耐嚟試下，不過記得book位，因為佢都幾爆場。

推薦指數：❤️❤️❤️❤️🤍

我地個個都係牛舌愛好知，一知道官塘有一專門店，專登嚟試一試。

原來牛舌都有不同部位。

我個人比較喜歡牛芯，爽口彈牙又有牛味。

而舌尖就比較軟淋，牛味更重。

半烤嘅牛舌放在鐵板上，倒上和風鹽蔥汁令牛味更提升我喜歡整個丼嘅份量適中，不會太多。

喺駱駝漆發現呢間充滿日本風味嘅牛舌餐廳同朋友都好鐘意食牛舌，但係牛舌丼就真係未試過，叫咗兩個set加咗幾串串燒。

叫咗鐵板套餐 配和風鹽蔥汁，蒜味好香好好送飯推薦舌芯！好有咬口又唔韌，個飯仲有紫菜，紫菜控表示加分串燒最特別係燒秋葵蝦肉串，好用心用秋葵包住蝦肉，本身唔食秋葵嘅朋友都覺得好好食另外炸物吉列蝦同多春魚都好好食！店員好熱情介紹我飲白桃烏龍茶，仲叫我拎返屋企再冷泡，都仲好有茶味鍾意食牛舌，不妨一試！

有日無啦啦碌碌吓IG 見到呢間舖食牛舌 望到口水都流 收工即刻約朋友去食٩( ᐛ )وIG話會有好多人排隊 所以我係佢6pm再開返嘅時候已經去到 到食完準備走嘅時候(大約7pm) 已經差唔多坐滿晒 如果唔係即興嘅話 都可以提早book定位٩( ᐛ )و本身以為鐵板係要自己燒 打算嗌個丼飯就算 懶得燒 但望到隔離枱個鐵板先知道原來係即上即食 同埋有紫菜飯 就即刻改口轉食鐵板 好彩仲未落單٩( ᐛ )و💚牛舌芯拼牛板腱紫菜飯($148）已揀選日式牛排汁💚牛舌芯拼牛舌尖紫菜飯($128)已揀選和風鹽蔥汁**所有套餐跟 湯 沙律 前菜 同部份不用加錢的飲品**雖然個紫菜飯唔算好大個 細細碗 但都好飽 因為肉類份量都唔算少 配埋個飯食 食晒啲飯發現仲有好幾舊牛舌 加上配料多 有湯有前菜同沙律 感覺上營養好均衡٩( ᐛ )و無論牛舌芯 牛舌尖 定係牛板腱都好好食 加埋上面啲洋蔥同蒜容 真係香到呢！無論係牛嘅邊一個部位 都肉質鮮美多汁！加埋佢哋嘅醬汁 真係將牛嘅鮮味提升咗～日式牛肉汁: 香香甜甜 當啲洋蔥淋咗後 吸埋啲牛排汁 好好味٩( ᐛ )و和風鹽蔥汁: 個樣有少少似蔥油 但同牛舌都幾夾٩( ᐛ )و與朋友共享٩( ᐛ )و我哋整體上都覺得好滿意٩( ᐛ )و食到好飽之餘 仲發現午市同晚市都免加一不錯 值得去試٩( ᐛ )و

我最鍾意食牛舌，每次到日本旅遊必狂吃！剛知道觀塘開了一間牛舌專門店，特登來試吓，果然冇令我失望☺️😃👍晚市套餐是最簡單的選擇，我們挑選了鐵板套餐配紫菜飯，我選牛舌芯拼牛板腱，朋友選了牛舌拼雞扒，另外點了一個炸物小食，吉列蠔4隻。

飲品我們試了餐廳自家製的冷泡茶，即是凍烏龍茶，能解渴及有去肥膩的感覺；小食的蠔炸得恰到好處，夠乾身不太肥膩。

我和朋友分享了雞扒和牛板腱，兩款食物醃製調味都適中可口，但最令我們難忘的當然是份量夠又厚身的牛舌芯，烹調時間剛好，非常爽口美味，食完真係好滿足😍呢間店舖喺觀塘駱駝漆大廈，如行返屋企都係1520分鐘，如下次想食牛舌過來就太方便了👍

舌丼餐單提供日本菜, 燒烤, 串燒等推介美食位於觀塘區，餐廳座位數34人均消費約$101-200，結賬可以用現金，Booking訂位可以電話致電 21533993 查詢。

您對於觀塘餐廳「舌丼」有何 comment？

舌丼餐廳詳細資料：

• 舌丼地址:
  觀塘開源道60號駱駝漆大廈3座1樓R室
  舌丼, Room R,1/ F, Block3, Camel Paint Building,60 Hoi Yuen Road, Kwun Tong
• 舌丼電話: 21533993
• 舌丼價錢: $101-200
• 分類: 日本菜, 燒烤, 串燒
• 座位: 34
• 付款: 現金
• FB專頁: 舌丼 Facebook

更多舌丼相關資料:

• 舌丼分店
• Youtube
• Facebook
• Twitter
• Google