素街 觀塘

素街 評價 相片

如果只睇門面，其實感覺唔多似係食素既，更加唔會知原來係素食自助餐黎添！所以都幾有驚喜架第一次食素食嘅自助餐，感覺都幾得意，冇平時去酒店食自助餐咁豪華，但係其實款式都幾多，有唔同味道，唔同款式嘅菜式，成個模式同平時食自助餐咁樣冇乜分別上面就有好幾款嘅涼拌小食，例如手拍青瓜，口水雞 (素雞)，胡麻秋葵等等大人細路都會鐘意食既香口煎炸野，呢度都有喎！炸薯角，炸茄子，最特別要推介既就係一定要試既炸蝦餅！炸蝦餅真係做得好高質，如果唔講佢係素食，你真係完全食唔出！因為佢真係有蝦味架！重要炸得香脆爽口，無得頂架！如果唔熱氣既都有，生果唔少得，都有 3 款供應，另外重 3 款中式傳統糕點添，我鍾意既 白糖糕都有啊！都幾有驚喜其實呢度如果以素食種類黎講，都真係唔少架，有d重係你唔會估到既野食，都有係度出現，例如麵包布甸，白腸粉等，腸粉既醬料重好齊全添架！唔細心d睇，真係以為有隻蝦係個多士上面，佢呢個真係整得好好食架！飲品一定唔少得，呢度供應既並非咖啡奶茶檸水果d，而係一d對身體比較好既養生飲品，例如自家製水果茶，羅漢果茶及養顏既桂圓紅棗茶添！斟左碗木瓜湯，加埋d野食放得靚靚地咁，都幾正喎，你唔講，都真係唔知係食緊素食buffet !!中間既係醬油炒飯，雖然味道無咩特別，不過連埋其他野一齊食，又例如蕃茄炒蛋，真係幾正架

🦄素街下午茶自助餐 Hkd48Rating🌕🌕🌕🌑🌑Haha今次又比我搵到一間好抵食既素食自助餐喇位於觀塘地鐵站附近所以都好方便就搵到🙈🙈同埋佢下午茶係$48唔使加一🤔所以就去食下🥳下午茶時段冇得訂坐只可以Walkin🙈雖然個日我地都遲左冇話1430就去到🤭🤭但都完全唔需要排隊🤪一去到就有位可以食野可能係平日嘅關係🤣所以都唔係話好多人😇食物方面選擇都ok多既😚畢竟只係下午茶☕️但都有咁多野食 個人比較推薦食關東煮🍢蘿蔔好淋好入味😍而滷味既蘿蔔都唔錯架多左入鹹香同鮮甜🙈🙈同埋炒三鮮加番茄炒蛋呢兩樣我都好中意食Haha係住家餸既味道😛仲有啲腸粉/炒麵/炒飯都好搶手 同埋有沙律/炸物甜品有紫薯西米露🥣同番薯🍠糖水🤩不過我諗最受歡迎嘅都係格仔餅喇😚好快就比人夾曬😛但佢之後又好似冇再Refill😂當然唔少得有飲品啦😂有中湯有涼茶有茶有水其實食物既選擇都真係多 食物質素我覺得可以唯一一個可以改善的地方係環境？😂我就覺得環境燈光方面有啲暗🙈光啲會舒服啲不過呢個價錢$50都唔使已經不能要求太多啦下午茶時段係最最最抵食架 大家有興趣就去食下啦

觀塘有幾間素食，多數是兩/三餸快餐，坐得較迫，快食快走。

疫情下想坐得舒適，食物種類多，非用即棄餐具，食材新鮮，素街真係無得輸。

先坐下，餐具自己取，但提議每人一套餐具，1小時內完成，食完自己回收餐具，付款，平日午餐$68/人，周六日午餐$98，好抵。

晚市好似係set dinner.食物不斷補給，有沙律，熱食，湯，甜品，飲品。

食物多數係天然食材，少許素肉，味道適中。

最好食係各式炸物，荷葉飯，豆腐，關西煮，胡椒湯，紫米露。

1點去到都大把位，可能後生無咁鍾意食素，而且係2樓少人知，希望藉此推廣下素食，為環保為持續發展努力。

食物種類都幾多，沙律、冷盤、熱食、甜品均應有盡有。

.較出色的有麻辣口水雞 — 辣度適中，加上大量芫茜，調味唔錯。

.刈包好鬆軟，夾住黑松露醬同香滑嘅炒蛋。

.我亦好鐘意佢地嘅香芋椰汁西米露，芋頭口感唔會太硬，亦唔會變芋茸，同埋用咗大粒嘅西米，口感更加好。

.整體食物質素稱唔上驚喜，但亦唔會令人失望。

若果有多啲健康食品選擇會更好。

.

試過幾間素食自助餐，價錢都差不多，這間都應該ok吧？星期六日價錢為$98，90分鐘。

一般素自助餐廳面積都比較小，坐得逼。

這間很難得地坐得舒服，值得一讚！食物款式都頗失望，不算多，重點是揀不下手。

都是一些好簡單好家常的菜色，欠特色。

也有好多現成貨色，例如燒賣、餅乾、腸粉、馬仔等。

都不用額外再加工😅😅可能喜歡港式味道的朋友會喜歡吧。

外表不吸引，眼看覺得應該味道一般。

基本上大部分款式都拿了來試，煎炸物最好吃，其他都麻麻，不是太鹹就是太淡。

🥴▶️杞子涼瓜杞子少得可憐▶️西米露還好▶️中式素食如蕃茄炒蛋和蛋白西蘭花，原本以為ok,但味道都是麻麻，冇鑊氣。

▶️蕃薯糖水正常▶️煎芋頭糕好味▶️炸茄子新鮮炸起，好味。

調味剛好，香口。

▶️紅豆糕好▶️砵仔糕工廠貨色，麻麻。

▶️黑松露炒蛋刈包大期望，可惜沒有香味，一個就夠了▶️飲品(羅漢果茶？)剛好沒有名牌介紹不知是什麼，總之是太太太淡，完全沒有味道！加水加得太厲害了。

▶️魚蛋、燒賣工廠貨色，普通。

▶️白糖糕放了很久，不新鮮▶️滷味只有鹹味，沒有滷水味以這個價錢，不值，很廉價的食材。

雖然簡單食材其實也可以整得好吃，可惜....如果平日午餐$68,或者下午茶，可以一吃吧。

素街餐單提供粵菜, 廣東, 川菜, 四川, 素食, 自助餐, 點心等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 31883094 查詢。

您對於觀塘餐廳「素街」有何 comment？

素街餐廳詳細資料：

• 素街地址:
  觀塘駿業街56號中海日升中心1樓B號舖
  Veggie Guy, Shop B,1/ F, C O S Centre,56 Tsun Yip Street, Kwun Tong
• 素街電話: 31883094
• 素街價錢: $51-100
• 分類: 粵菜, 廣東, 川菜, 四川, 素食, 自助餐, 點心
• 座位: 未知
• 付款: 現金
• FB專頁: 素街 Facebook

更多素街相關資料:

• 素街分店
• Youtube
• Facebook
• Twitter
• Google