真味鮮廚 觀塘

真味鮮廚 評價 相片

野食唔差 就係差在某男經理午市個場旺我都明點解燥但我個時段明明人已經開始少食食下野放張櫈埋黎大力到成張台郁哂老人家當堂嚇到三魂唔見七魄食到一半加單我叫「唔該」你埋黎就問我「做乜野呀？」加完等咗半個鐘未到我先話問下仲要已經唔係問你明明你同事態度都正常你居然係遠處大大聲話「加單係要等架啦！」知你地忙我地全程唔該前唔該後除咗落單都已經無野舉過手食得乾乾淨淨無搞到污糟邋遢真係唔知得罪你乜野最後上菜仲要大大力啲汁都飛埋落台茶餐廳都唔會咁無心機做不如翻屋企休息下啦你地既服務質素真係極品永久blacklist

今晚和朋友兩個人晚上6點45分去到打邊爐，個場當時得一半人左右，坐底劃好單時，遲遲未有人收單，個男部長直行直過，當見唔到，只去招呼一些坐了4人以上的枱，中途加單，叫飲品，加湯，個男部長都係直行直過，還見到佢對其他上菜的職員，待應，不停講粗口，真是非常反感，我和朋友都表示不會有下次，一句說話“貼錢買難受”補充一句：食物算ok既，但“今時今日既服務態度，係唔可得囉“

今次一班中學舊同學8個人去到觀塘亞太中心真味鮮廚，品嚐蒸氣石鍋，剛剛好叫個8人  $2288《蒸氣石鍋全包餐》包左加一及茶介。

個餐都好多野食，包括有：每人半只龍蝦仔、半隻走地雞、一條兩斤重的沙巴龍躉、8只鮮鮑魚、1碟安格斯牛肉、白蜆、刀貝、豬肉丸、手打蝦丸、勝瓜、淮山、百合、蕃薯等，還有瑤柱咸排骨粥底。

飲品就有兩渣竹蔗水。

聽說之前晚晚都坐滿人，仲要等位先食到，不過琴晚就坐左一半客人左右，未知係咪因為咁，海鮮去得唔夠快，8只鮮鮑魚中，有兩只壞了，服務員都好心幫我地換過兩只。

如果大家光顧記得留意，免得肚子痛。

講番其他食物，整體都算不錯的。

食蒸氣石鍋最驚煮唔熟，煮得熟又驚海鮮太過熟唔好食。

酒樓都好貼心，有張紙教你邊樣煮幾多分鐘，食完都証實到張紙無老點既，不過如果大家驚既，都可以加多12分鐘既，不過過熟就唔好話我。

海鮮方面，龍蝦都好新鮮，開左邊放落個鍋到都仲識喐。

沙巴龍躉每人都分到唔少肉，白蜆刀貝夠鮮甜。

肉方面：安格斯牛肉，就咁睇都知唔差，豬肉丸、手打蝦丸食落都唔錯，雞就一般。

勝瓜、淮山、百合、蕃薯，各樣都不過不失。

瑤柱咸排骨粥底，估唔到睇落好似得少少，原來整出黎都夠8個人食，個粥吸收晒全晚既海鮮精華，無可能唔好食啦。

椒鹽魷魚鬚？樓面話廚師煮法係咁整本人就覺得似酥炸魷魚鬚多啲魷魚鬚太細，所以先落咁多粉炸廚師可能要將碟食品變大真心講句...太難食其他食物一般附近有好多酒家選擇，下次唔使再來

由於男朋友既朋友同佢補祝生日，所以今晚一齊食飯，順便試新野😁擾嚷左一陣，終於順利落單。

呢度都好大包圍，可以選擇蒸、煲、小菜，最後我地選擇左粥底蒸氣鍋😊一開始，侍應就落料開始煲粥😊粥底有粟米、豬骨、淮山等材料，我見佢落左大約四至五碗水，然後就蓋上蒸隔等佢慢慢煲我地叩感紅棗雲耳蒸雞、海鮮拼盆（有蝦、蟹、扇貝、花甲、蜆等等）、牛肉、豬肉、魚肉球、黃花魚、BB菜上枱時，啲蝦仲好生猛😁最驚喜係個粥底，本來只落左幾碗水既粥底，但一打開，竟然有半鍋粥呢！😁侍應仲加左油炸鬼同葱花，由於個粥充滿左海鮮、蒸雞既精華，所以都好鮮，而且啲油炸鬼仲脆脆地，好食😁👍🏼最後加埋小丸子生日蛋糕，為今餐劃上完美既句號😁

真味鮮廚餐單提供粵菜, 廣東, 點心, 酒樓等推介美食位於觀塘區，餐廳座位數未知人均消費約$51-100，結賬可以用Visa,Master,現金,銀聯，Booking訂位可以電話致電 34685228 查詢。

您對於觀塘餐廳「真味鮮廚」有何 comment？

真味鮮廚餐廳詳細資料：

• 真味鮮廚地址:
  觀塘觀塘道414號1亞太中心6樓
  Tastefull Kitchen, 6/ F, One Pacific Centre,414 Kwun Tong Road, Kwun Tong
• 真味鮮廚電話: 34685228
• 真味鮮廚價錢: $51-100
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金,銀聯
• FB專頁: 真味鮮廚 Facebook

更多真味鮮廚相關資料:

• 真味鮮廚分店
• Youtube
• Facebook
• Twitter
• Google