潮人館 觀塘

潮人館 評價 相片

比店舖呃咁，和家人睇菜單時，個阿姐成日都過來推介海鮮，超煩人，最後點了三道菜蘿蔔腩肉春菜冇蘿蔔鹵水拼盤比埋D翼尖，背脊肉咁，椒鹽九肚魚 最正常甜品先最過份，清心豆爽，完全搵笨食左三百幾蚊當跌錢

今日去左哩間個名一d都唔屋邨既潮人館屋邨小店晚餐, 原本第一下係諗有咩咁潮呀? 野食好潮定好多潮人黎食呀? 睇到佢門外menu先知原來係食潮州野, 個潮人係代表潮州人咁解😂😂😂門面同內裡環境都好光鮮, 店內大小座位都有, 目測可以同時容納40~50人左右。

望望menu, 潮州菜黎講價錢都算合理, 重點係免加一服務費一坐低就有位女士(唔知老闆定伙記)不斷推介馬友同大眼雞, 不過我地無要到, 女士就好似有少少不悅咁之後每一枱新客坐低都會聽到佢極力推介馬友同大眼雞~有興趣朋友可以試下😂😂金牌鹵水鵝片$108食潮州野又點少得鹵水鵝片呢, 我地3個人叫左個例牌, 鵝片入哂味, 厚薄適中,加埋少少肥既皮, 配搭得岩岩好! 推介潮式韮菜豬紅 $48佢個汁加埋d香料落去煮, 味道好好, 但略嫌油膩左d, 面頭成浸油不過可以點佢配埋既白酸醋食就無咁油~ 依個只係48蚊但份量好足夠好多豬紅潮州蠔餅皇 $75食蠔餅最驚佢炸到油淋淋同埋一大pat炸粉, 依個蠔餅完全唔會! 外皮煎炸到脆脆地, 炸粉唔會好厚, 食落口唔會成口油又有蛋香味, 蠔仔大大粒! 讚呀椒絲腐乳通菜 $48炒得好香, 48蚊係茶餐廳都未必食到!潮式沙爹牛河 $58哩個真係要多d人一齊share, 一來咁大碟來河粉好飽, 二來沙爹汁雖然好食但係都會好膩, 同行友人係潮州人, 話依個潮式菜係出面都好少有~5樣野賣單$345, 食物味道全部都唔錯, 朋友話依度菜式同味道都算正宗! 哩間隱身係小屋邨入面既小店, 絕對值得一試

同家人周未去翠屏邨食飯, 食得百份百餐廳太多. 想試下其他, 於是就試下附近的"潮人館", 下午時間好到大把位, 完全不用等; 叫了 "懷舊咕噜肉 ($48) "和 "四寶飯 ($30) ",  咕噜肉份量萛少,  一個人食有點勉強,  同時咕噜肉太細粒, 沒咬口和乾身, 不合格, 比起百份百餐廳和普通大排檔的咕噜肉差很多; 同時"四寶飯"的鴨肉好一般, 冇咩鴨味, 不過$30元的飯不能有什麼要求, 好難再有興趣再幫襯.

之前都黎過食晚飯，湯和小菜都不錯的，是晚同屋企人來食生日飯🍰🎉就叫了幾款推介食品~滷水鵝片: 肥瘦均勻，滷水汁味道適中，有豆腐托底，配啤酒汽水一流川椒雙小炒(蝦肉&雞肉) : 醬汁香口而唔會過份惹味，蝦同雞的肉感也新鮮蠔餅 : 係我最喜歡的潮式蠔餅十分足料，超多蠔仔粒粒欖角骨 : 呢個好驚喜，開初唔係太知道欖角醬汁係點樣嘅味道，係店員誠意推薦我們試試~ 比起一般排骨醬汁少了點椒味辣味，卻有著欖角香味最後當然唔少得蠔仔粥 : 兩個字>足料街坊小店雖然舖面唔大，但食物質素好，店員有heart，下次會再幫趁~

呢2年翠屏村要有啖粥食最近都只有巴士總站附近西式快餐店先有一兩款選擇。

而家終於有間中式餐館提供多啲選擇比我呢類腸胃較差嘅人。

我果次去係平日人不多，可以在較靜環境下食野都幾好。

啲粥夠哂熱又夠綿，可能係潮州師傅嘅關係? 味道我感覺比快餐店好得多。

不過暫時只得早市供應，希望可以擴展到全日供應啦!

潮人館餐單提供潮州菜, 海鮮, 中菜館等推介美食位於觀塘區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 23600333 查詢。

您對於觀塘餐廳「潮人館」有何 comment？

潮人館餐廳詳細資料：

• 潮人館地址:
  觀塘翠屏道19號翠屏北邨翠桃樓M2樓5號舖
  Chau Chow Inn, Shop5, M2/ F, Tsui To House, Tsui Ping( North) Estate,19 Tsui Ping Road, Kwun Tong
• 潮人館電話: 23600333
• 潮人館價錢: $101-200
• 分類: 潮州菜, 海鮮, 中菜館
• 座位: 未知
• 付款: AlipayHK,支付寶,現金
• FB專頁: 潮人館 Facebook

更多潮人館相關資料:

• 潮人館分店
• Youtube
• Facebook
• Twitter
• Google