海皇粥店 觀塘

海皇粥店 評價 相片

好耐無去過海皇粥店,今日去開觀塘見到就入去食番個下午茶,幾個款式之中揀了艇仔粥加蒸蘿蔔糕再加3.5要了一杯豆漿.首先講艇仔粥,碗粥勁杰,好似無俾水,似飯多一點,材料有牛肉碎,魷魚等等...味道一般,味精這個問題還是改不了.蘿蔔糕好大件,用上蒸的方法好難食,蒸到一patpat,食唔到太多蘿蔔粉，件糕勁粉，豆漿3.5好大杯,只是豆味唔太濃，也太過甜，唔太好飲註:手多多搞過部手機日期,點知教錯左,正確日子是5月29日星期五.

海皇粥店雖然係集團式經營, 但水準基本上都keep到, 雖然未至於話好好味, 但起碼唔差先啦近期promo的艇仔粥, 十蚊一碗, 但絕對無偷工減料的大大舊粉仔牛肉, 加埋豬皮, 尤魚, 花生, 蔥花, 好滋味呢菜乾排骨粥, 粥底唔錯,可惜係今次既排骨只得3,4件, 同平時有5,6件的縮左水, 不過我知佢地係就甘"畢"上來的, 有多少件排骨, 視乎彩數啦炸兩, 油炸鬼仲係脆的, 已經比好多粥舖用翻炸的有好大誠意了粉麵, 雖然唔係即炒的, 但上到碟還是熱的, ok啦布丁豆漿, 呢個係海皇近期另一個推介的, 豆類有豆味, 布丁我又喜歡, 夾埋又幾好飲喎, 最緊要係只係 加$5就有, 比起台式的布丁奶茶, 一D都唔失禮呢因為有張5蚊COUPON的關係, 上述5樣野只係 $46, 真係抵食

今日嚟到觀塘做嘢午飯時間.簡單點要咗一個皮蛋瘦肉粥.大大的一碗,聞到好香.少少肉.皮蛋好多.非常足料.加少少蔥同花生落去都唔錯.粥底夠稀清吓腸胃都幾好炒麵雖然唔係即叫即炒但係熱辣辣,材料有少少芽菜仔.炒得幾好.稍微加些辣醬更過癮.多滋味加多4蚊有豆漿飲.豆漿也是不太甜，對我口味.好滿足呢.地方乾淨.咁先食得開心嘛至於服務，都可以啦.值得一試

市道唔好,出去食午飯都要格下價先好叫.最近,我發現左海皇粥店南瓜粟米肉碎粥幾掂喎.佢落左南瓜,粟米粒同肉碎落去煲,又幾好味喎,最緊要佢煲得都好軟好香,正!你估下佢賣幾錢?$14喳,講你都唔信.現家佢仲有個優惠係,$8.5三個迷你油器,海皇粥店,我地支持你!

肚子有點不適，推掉好友的可口上海菜飯局，一心清腸胃，觀塘區粥店寥寥可數，揀無可揀選了海皇。

海皇是「有營食肆」，餐牌上也特地列出「三少之選」。

選了其中兩款南瓜粟米肉碎粥及魚片腸，男友則點了客炸両及熱豆漿。

1. 南瓜粟米肉碎粥完全沒有南瓜味, 粟米只有數粒, 這也算了, 畢竟是來吃粥不是粟米羮, 但吃到的只是一碗味精粥! 一點鮮味都沒有! 所謂三少: 少鹽、少油、少糖, 難道那就代表可以多味精嗎? 2. 魚片腸豉油分開上, 這點我欣賞, 但問題是魚片腸本身已咸得不用加豉油, 魚片明顯有味, 同樣是味精食物一碟, 完全談不上可口3. 炸両一句講哂: 唔熱...唔熱的炸両, 還可以怎樣評?4. 豆漿四樣當中最正常, 糖是自加的, 我們沒有加, 不知為什麼, 喝下去有點咸, 舌頭被味精染壞了嗎? 衞生署應派人去試試味，叫市民吃味精怎也算不上「有營」吧？有心推廣健康飲食的話，請嚴格監察餐廳食物質素，別讓人對有營食肆留下壞印象。

餐廳也別濫竽充數，以為在菜色內加點蔬果就是有營，用心鑽研好嗎？我是真的想吃有營菜色呢！

海皇粥店餐單提供港式, 粥品等推介美食位於觀塘區，餐廳座位數未知人均消費約$50以下，結賬可以用現金,八達通。

您對於觀塘餐廳「海皇粥店」有何 comment？

海皇粥店餐廳詳細資料：

• 海皇粥店地址:
  觀塘輔仁街84號地下1號舖
  Ocean Empire Food Shop, Shop1, G/ F, Hing Shun Mansion,70-84 Fu Yan St,, Kwun Tong
• 海皇粥店電話:  
• 海皇粥店價錢: $50以下
• 分類: 港式, 粥品
• 座位: 未知
• 付款: 現金,八達通
• FB專頁: 海皇粥店 Facebook

更多海皇粥店相關資料:

• 海皇粥店分店
• Youtube
• Facebook
• Twitter
• Google