林記茶餐廳 觀塘

林記茶餐廳 評價 相片

睇咗食評專登山長水遠試過生什河，一般街坊食品，冇嘜突别！没有想象中驚喜，返而杯檸茶，有6，7片檸檬，非常有檸味，環境衛生真的一般，不要有太高期望，住附近可以當一般大排檔，遠就慳返腳骨力！

翠屏邨 林記生什。

響未搬出觀塘之前, 我以為牛栢葉本來應該係黑色嘅。

我自細係翠屏邨長大, 每次同屋企人出街一定係去翠屏街市熟食中心嘅林記食早餐, 所以生什, 我細細個就聽過呢個名喇。

到後來搬咗, 再大個啲, 我食勻全港我都唔知邊度有生什食, 最後趁今日有事過海, 先順路返嚟翠屏邨, 重拾返呢種久違嘅滋味。

林記座落響翠屏邨街市2樓, 以前呢度係只有舊式三塊葉ge風扇, 夏天嚟ge話都咪話唔熱。

時代變遷, 呢度已經裝咗冷氣, 不過餐廳環境依然只係一般, 感覺都係有D污糟。

不過舊式街市嚟講, 呢方面唔可以期望咁高。

講到今日ge主人生什, 其實so called生雜, 配料有牛肉, 牛潤同埋黑栢葉, 再配港式河米麵。

以前覺得黑栢葉好醜怪, 但係而家最掛住嘅就係佢。

佢俾出面ge普通白栢葉唔同, 更加爽口彈牙, 唔會發水發到好漲好假同埋一陣鹼水味。

唔鍾意果陣黑色"衣"ge朋友其實可以搣走佢。

啲牛肉好鮮, 唔會乸到爛晒, 又唔會醃到好鹹, 非常好味; 牛潤...我每次都走咗佢嘅。

湯底本身係清湯, 冇乜特別, 不過今次叫米粉其實蠢咗, 因為令到本來已經好清ge湯再淡味咗, 下次叫返麵底會好d, 再上一次嚟果陣食麵個爽度都唔錯。

另外配咗杯凍檸茶, 茶味幾夠幾濃, 唔會好似出面果啲茶記咁淡茂茂。

歷經廿年歲月, 林記個門面仲係冇乜點變, 個湯仲係咁清, 清到一定要加啲豉油。

好食到不得了? 其實稱唔上, 只係因為只此一家, 我遍尋google神, 都搵唔到任何生雜嘅介紹, 所以更加覺得珍貴。

其實, 有故事嘅菜式, 真係最好味。

近排洗多左，所以就黎到翠屏邨街市睇下有咩平野食可以醫肚，結果就黎左林記快餐粉麵檔一試，食物價錢真係幾平下，我叫左一份肉醬意粉，而同行友人就要了一客雞翼拼薯條既套餐。

環境來說由於係街市內既關係，地板都比較濕滑，行過都要比較小心，但以餐桌及餐具都比想像中潔淨。

食物方面就略為遜色，肉醬既味道不夠濃，雞翼煎得不錯，有不少肉汁鹹味適中，唯薯條可能已炸了一段時間，上菜時已經不熱，但埋單計都只係大約$50，這個價格尚可接受。

其實呢間鋪頭由細食到大,到而家都係長期幫襯呢!!雖然無乜特別, 但係價錢真係幾抵!!今日就介紹下呢個快餐,除左個飯之外, 仲有杯野飲添!!非常抵食, 由於快餐日日唔同...有時會無咁好食,撞啱今日有咖喱, 行運呀!!D牛腩都好鬆軟, 因為佢地做牛腩粉麵起家!!所以D牛腩有一定質素, 可以放心!!呢度做街坊生意, 多飯少飯隨你喜歡!!而且D伙記都幾好傾架!!簡直勾返起好多童年回憶添...

林記茶餐廳餐單提供港式, 粉麵, 米線, 茶餐廳, 冰室等推介美食位於觀塘區，餐廳座位數未知人均消費約$50以下，結賬可以用現金。

您對於觀塘餐廳「林記茶餐廳」有何 comment？

林記茶餐廳餐廳詳細資料：

• 林記茶餐廳地址:
  觀塘翠屏邨街市M2層
  林記茶餐廳,  
• 林記茶餐廳電話:  
• 林記茶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 林記茶餐廳 Facebook

更多林記茶餐廳相關資料:

• 林記茶餐廳分店
• Youtube
• Facebook
• Twitter
• Google