東港海鮮酒家 觀塘

東港海鮮酒家 評價 相片

母親節一家人去食飯，節日做火鍋既酒樓唔多，全觀塘得幾間，呢間貪佢平同有位！點知……先講餐廳衛生，一坐低諗住循例洗一洗，點知碗碟要完全消毒，杯有跡，匙碗都有跡，仲有粒飯，洗完一大輪，拎起menu睇下，都有廿多款咁上下，菜單食物中規中矩，但肉類較少，基本上得普通肥牛，另有雞件、鯇魚、好幾款餃子、丸類咁落單時都幾開心，因為相比其他酒樓，會多小小野揀，可惜，第一轉點野，黎得幾種，之後點極都係得果幾款，繼續講返野食，叫左個沙嗲湯底，聞都聞唔到有沙嗲味，肥牛一般，當日包心貢丸有酸味，其他"有黎＂既大概十樣野到，都係一般般。

至於醬料，可以話冇咩醬料，一黎到有碟豉油，但有白色一點點，再加小小混濁一問之後先知係加左d蒜頭落去，但又食唔到有蒜味。

總之賣相唔討好。

食完第一轉，之後叫咩都要等，都算，前提係員工個個好得閒下，我同隔離枱點極都未有野，點三張單先黎得半張。

：（有朋友同埸食，問返佢地都等左成粒鐘先叫有個公仔面到。

果時只係九點到！整體黎講，唔想等同埋唔想咁污糟既，第間啦！真係冇下次！

今日同幾個同事去飲茶,搵間未試過試吓,人唔太多,都坐得舒服, d點心黎得好快, 我地4個人食左:排骨 一般燒賣 一般牛肉腸粉 太少豉油, 都ok芋頭糕 好味, 外脆, 夠味 叉燒包 難食, 皮厚, 料少到冇人有沙律蝦春卷 好好食, 夠熱, 夠脆咸水角 粉太厚, 料少, 不過有4隻日式海鮮炒飯 唔好再叫, 一d都唔日式, (楊州炒飯可能好d, 因期望唔大)所有野都好淡,冇味,待應的態度都一般, 但這個價錢就算啦, 唔好有要求啦.總括來說,唔係差,但一定唔係好.應該會好耐先再去

雖然係位於工廠區, 但都已經幫襯過佢好幾次架啦~~通常都係去打邊爐打邊爐湯底靚, 食物選擇多, 岩晒我既要求, d野食都好新鮮呀, 唔會話比d樣樣衰衰既野人, 鍾意打邊爐既人呢間係個唔錯既選擇,食得過!!!!每人平均$100左右, 汽水任飲

轉左手都未黎過消費滿$200就可訂獨立房,唔錯衛生就麻麻,好多”蚊滋”雖然食客家菜,但午市點心跟普通酒樓一樣食物普通

位於工業區埋面, 主力攻OL !不過試問一些打工仔, 點會頂得順,等上菜都要30 MIN 先有D 點心上, 主菜就更加耐! 雖然乾凈, 但時間係金錢,自此之後, 都冇黎幫親過了, 隔離既譽富仲正!

東港海鮮酒家餐單提供粵菜, 廣東, 火鍋, 海鮮, 點心, 酒樓等推介美食位於觀塘區，餐廳座位數300人均消費約$101-200，結賬可以用Visa,Master,現金,銀聯。

您對於觀塘餐廳「東港海鮮酒家」有何 comment？

東港海鮮酒家餐廳詳細資料：

• 東港海鮮酒家地址:
  觀塘鴻圖道駿業街48號地下至3樓
  East Harbour Seafood Restaurant, G/ F-3/ F, No.48 Chun Yip Street, Hung To Road, Kwun Tong
• 東港海鮮酒家電話:  
• 東港海鮮酒家價錢: $101-200
• 分類: 粵菜, 廣東, 火鍋, 海鮮, 點心, 酒樓
• 座位: 300
• 付款: Visa,Master,現金,銀聯
• FB專頁: 東港海鮮酒家 Facebook

更多東港海鮮酒家相關資料:

• 東港海鮮酒家分店
• Youtube
• Facebook
• Twitter
• Google