旦記小食 觀塘

旦記小食 評價 相片

小編係觀塘番工1年多，附近美食多不勝數。

如果你問我最鍾意既平民小食，我一定會答你：「旦記三溝❤️！」😍😍三溝即係「碗仔翅、魚肉同生菜」。

生菜淥得岩岩好，又健康。

食過菜，就可以瘋狂落浙江醋😆😆 鯪魚肉大大粒又惹味，配埋濃厚可口既碗仔翅，真係好好味，尤其天寒地凍既時候😋食完三溝唔夠飽，重可以叫埋其他小食，撈面呀、燒賣呀、腸粉都好出名👍👍最後，最特別既味道當然就係小店既人情味啦！店內既老闆夫婦都好好人，又勤力，煮野、送餐、洗野一腳踢。

我地要多多幫襯以示支持💪💪

今日行過APM，忽然好想食街邊小食，於是入咗依個商場度搵嘢食，發現呢個商場真係好多小食店，我是但去咗依間旦記小食搵野食🤟🏻$10@3粒牛肉球真係勁抵🔥而且仲要係大大粒，食落去味道都唔錯，但係略嫌馬蹄少咗啲，平時食開嘅牛肉球都好多馬蹄，但依間面粉較多，茶樓食開嘅好味啲，但依間勝在咁平，行過地鐵站就到，好方便同同易搵😛🤟🏻而且姐姐都幾有禮貌，純粹係店舖有少少舊🤟🏻牛肉球一定係配豉油同喼汁食😙牛肉球真係我嘅生命泉源arrrrrrrr！！！抵食：⭐️⭐️⭐️⭐️⭐️衛生：⭐️服務：⭐️⭐️⭐️—————————————————————地址：觀塘地鐵站出口、鱷魚恤大廈對面店名：旦記小食

其實觀塘廣場附近好多野食，但旦記幫親左好耐真係食到有感情。

野食選擇多，而且大眾化，非常濃厚的港式情懷。

碗仔翅，腸粉，粢飯呢啲從來都唔係擺上大枱的山珍佳餚，旦記亦都無啲好好食一定要黎試的野食，但係啲野食唔係求求其其就算，你黎呢度係食倒Standard 的香港小食味道。

生菜魚肉20蚊，牛肉球10蚊。

價格適中啦，至少觀塘無乜邊個地方咁近地鐵站又平靚正，旦記仲要個位置旺中帶靜，只係有時人多起上黎會想走廢事坐咁逼。

觀塘廣場不嬲都多小食店醫醫肚，呢間係觀塘廣場嘅小食店，就近B出口，最岩就係放工去醫一醫肚😋份量唔算好大份，味道都係一般水平，但勝在老闆好人有禮，仲有地方比你坐低堂食！大熱天時有少少冷氣嘆下都好！我今日就叫左一杯豆漿、一串芝士腸、一串燒賣同一個營多撈麵作為運動前嘅小食，埋單只係$31，食物屬正常小食店水準，但價錢真係好平，而且選擇非常多，咩小食都有！值得一提，小食店黎講呢度堂食幾乎冇用即棄餐具，只有一張紙墊住個碟，同竹籤，咁環保好抵讚！

試食餐廳：好味雞蛋仔（觀塘開源道68號觀塘廣場地下G10號舖）、旦記小食（觀塘開源道68號觀塘廣場1樓122號舖）、美味樂園（觀塘開源道68號觀塘廣場1樓M40號舖）美味指數：$20三串鹵味（6/10）、$13懷舊雞蛋仔（6/10）、$12燒賣魚蛋（5.5/10）、$12台式冷撈麵（6.5/10）若食客們與小女子一樣居住觀塘區多年，一定知道尋找平民美食不是在APM或工廈，而是外貌並不起眼的觀塘廣場。

「好味雞蛋仔」是近年才開的小店，位於廣場底層，專售各項常見街頭小吃，如章魚燒、雞蛋仔。

不過，小女子獨愛其主打的鹵味，$20有三串（必須有一串魷魚），款款都足料，老闆還會不吝嗇地下很多甜醬、芥末，一個人吃已甚飽肚。

「旦記小食」位於廣場二樓，小食圍繞港式主題，是觀塘廣場的老店，小女子幼時已有光顧。

久別多年，偶然想起兒時回憶，再嚐一底原味雞蛋仔，發現它上半底脆口，下半底則保持軟熟，且曲奇餅味重，非坊間的只有粉漿味，是從前雞蛋仔的回憶！此外，「旦記小食」還有售燒賣、魚蛋，$6一串就有交易，一樣是價廉物美！而「美味樂園」亦有老店在此開業多年，撈麵已由$1一包漲價至$4一包，不過依然是學生哥和打工仔下班下課時的醫肚之選！

旦記小食餐單提供港式等推介美食位於觀塘區，餐廳座位數未知人均消費約$50以下，結賬可以用現金。

您對於觀塘餐廳「旦記小食」有何 comment？

旦記小食餐廳詳細資料：

• 旦記小食地址:
  觀塘開源道68號觀塘廣場1樓122號舖
  旦記小食, Shop122,1/ F, Kwun Tong Plaza,68 Hoi Yuen Road, Kwun Tong
• 旦記小食電話:  
• 旦記小食價錢: $50以下
• 分類: 港式
• 座位: 未知
• 付款: 現金
• FB專頁: 旦記小食 Facebook

更多旦記小食相關資料:

• 旦記小食分店
• Youtube
• Facebook
• Twitter
• Google