大湯家 觀塘

大湯家 評價 相片

初時諗住黃店告急支持下五一黃金周見到入面好吉 都覺得有d怪可能因為燉湯既客路唔係後生仔講真 出面30幾度都唔係太想飲熱湯最後買左碗燒賣（$15/5粒）想坐一坐好快食完就走食燒賣都唔食得好耐點知被提醒原來係買滿$50先有得堂食好似對顧客唔係太好 立食區都無一個搞到唔知點咁 企係間鋪度食又好似唔好意思瀨死唔走咁都出到聲話堂食$50 以上先得咁就唯有企係人來人往既觀塘工業區既行人路道食埋佢 仲要天口有d熱 店員既態度又唔係太好不太愉快既經歷不過都會繼續支持其他黃店燒賣質素都好普通有小小買返黎似叮果d

睇 app 見到呢間告急，專登走咗過去幫襯。

未去到之前，仲以為燉湯店會好似譚仔咁格局傳統，成間店都係由啲阿姐打骰，點知原來係間裝修新派嘅小店。

嚟呢度幫襯，燉湯當然係主菜，我揀咗 “男女恩物” 椰子烏雞排骨燉湯，而家晚市惠顧一客燉湯加十蚊可另選餐牌上任何食物，我唔太肚餓，冇揀到蒸飯，叫咗客吞拿魚飯卷。

首先要讚下個燉湯，非常足料，我𡁻椰子，烏雞同排骨都𡁻到口軟😆，湯水份量亦非常多，未開盅蓋時，啲湯係滿到滲咗出嚟。

味道方面，我覺得略為偏濃同偏鹹，如果輕手少少會更理想。

至於個飯卷則無論賣相同配料都好平實，充滿住家嘅味道。

臨走時，見門口有良心糖果可取，我拎咗條迷你萬樂珠，立刻啪咗一粒，甜甜嘅味道中和咗剛才燉湯嘅鹹味，口中甜，心更甜❤️。

難得觀塘可以搵到間養生的餐廳(唔好幫襯楊明啦) 呢間係駱駝漆對面的小店，主攻外賣💜，我係Lingduck落單，15分鐘就可拎得order，好快手，唔想食味精野食，可以試試，$76 (外賣價) 有一個湯一個飯，合理價錢。

1. 花膠香菇烏雞燉湯 (晚餐) 好耐冇飲過湯(始終自己煲湯都貴)，呢個湯係女仔都鍾意，都足料去煲，俾左一舊大大舊花膠，飲完即刻覺得自己健康左，haha2. 手打肉餅飯呢個飯我覺得係誠意之選，因為佢係即時蒸完一邊再蒸另一邊，個咸蛋黃係特登整碎左再平均放係個飯上面，肉餅好食，而且唔似唐記個D咁得一細舊)，不過脂肪比例都艋高，好彩我係兩個人share食，感覺冇咁肥

放工想係呢邊買個飯，搵下搵下就見到呢間。

之前食lunch 有經過，不過未有機會食，疫情下可以買下外賣食。

晚市好抵，一個湯加10元就有飯或輕食。

1.5米下，我去嘅鋪頭都好小心分開。

全程拎到返屋企啲湯同飯都仲係熱。

木瓜豬肺排骨燉湯，55元，湯夠哂濃，有料，煮得夠淋。

湯係清甜，而且無油，好飲。

豬肺都入味。

另外一個湯係花旗蔘烏雞排骨燉湯，58元，配料夠哂入味同淋，花旗蔘味都足，但又唔會太過份。

加10元，肉餅飯，肉餅香，而且飯唔會話少。

另外加10元係豉椒排骨飯，排骨夠哂味，呢個味道令我諗起以前返學係大排檔食蒸飯嘅日子，就係呢種味道。

是日好鬼懶，唔想煮但又想飲湯，於是嚟到呢間經過幾次都未有機會嘅「大湯家」，入鋪頭時己過咗食晏時間，但係八個座位都坐滿一半。

餐牌上有八款湯，各自有標明功效（當然睇完係一個字都唔會記得啦，不過對於選擇困難又唔熟識湯水功效嘅人的確係好有用嘅）。

左度右度之下，我揀左椰子烏雞湯（全名唔記得），返去當晚餐嘅一部份。

湯倒出嚟份量唔少，有大湯碗嘅大半碗。

椰子同雞嘅香味都好強又好平衡。

湯水一啲都唔油，好味又清爽。

雖然湯料唔算超多，但係係百物騰貴嘅今日，都算係咁啦！

大湯家餐單提供粵菜, 廣東, 湯品, 點心, 中式包點等推介美食位於觀塘區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 55022462 查詢。

您對於觀塘餐廳「大湯家」有何 comment？

大湯家餐廳詳細資料：

• 大湯家地址:
  觀塘開源道63號福昌大廈地下A01號舖
  Soup Master, Shop A01, G/ F, Fook Cheong Building,63 Hoi Yuen Road, Kwun Tong
• 大湯家電話: 55022462
• 大湯家價錢: $50以下
• 分類: 粵菜, 廣東, 湯品, 點心, 中式包點
• 座位: 未知
• 付款: AlipayHK,支付寶,現金
• FB專頁: 大湯家 Facebook

更多大湯家相關資料:

• 大湯家分店
• Youtube
• Facebook
• Twitter
• Google