大宮 觀塘

大宮 評價 相片

行經Apm諗住坐低食個飯，但好失望...舖頭職員話啱啱開門，食物要等10分鐘，點知等到既係凍既吉列豬扒同硬既暖飯😅，仲要$72咁貴，好唔抵，foodcourt唔代表質素可以咁差嫁！

難得同家人一齊去apm 行街，見到美食廣場有好多餐廳，就揀咗去食日本嘢【大宫】。

Order咗照燒三文魚定食、牛肉烏冬、而小食就order咗日式煎餃子、和風章魚丸、日式炸雞。

三文魚定食入面有三文魚、麵豉湯飯同埋沙律。

三文魚用照燒汁整超好味而且肉質嫩滑。

牛肉烏冬d的湯底味道啱啱好，烏東亦非常彈牙。

日式煎餃子就煎得啱啱好鎖住入面嘅一肉汁，好味。

和風章魚丸大大粒，外脆內軟點埋醬汁及木魚食一流 。

日式炸雞就熱辣辣，炸到剛好金黃色，點埋沙律醬食食到停唔到口，總括嚟講大宫絕對係我哋apm美食廣場嘅首選。

平時係日本餐廳食個三文魚便當都要過百，但依間餐廳都只係78蚊，而且餐廳仲提供咗好多吾同既選擇，例如係丼物、定食、烏東同拉麵。

我地叫咗個三文魚定食，係一個餐嚟既，包咗沙律、味增湯、飯、三文魚同埋杯日本茶。

三文魚都幾大條，而且我幾鐘意餐廳調配既燒汁，同三文魚好夾。

雖然三文魚啲肉有少少煮耐咗，但係都吾會話好差。

另外叫咗燒雞扒烏東，啲烏東有少少偏淋，而且如果餐廳將啲雞扒分碟會好啲，吾係浸到啲雞扒淋咗。

烏東有好多湯底可以揀，都幾彈性。

炸餃子🥟個外皮炸得好脆，而且入啲餡都好多，好足料，加埋啲餃子豉油真係好正。

而且，依家好多餐廳都只係得煎餃，所以有炸餃子真係好難得。

章魚燒雖然嚟到嘅時候個外皮已經淋咗，但入面嘅料都好足料，唔係空心嗰啲。

炸雞🍗我炸雞比較普通，啲粉嘅比例比較多，所以唔係好多肉。

今晚約左friend係apm睇8點半場, 點知OT攪到成7點幾先收工, 就決定去footcourt食個快飯啦!一入去見到大宮既counter, 食物模型幾吸引, 唔諗咁多就食佢。

晚飯時間都比較多人, footcourt要自己搵位而且都幾爆滿, 好彩岩岩有張枱再晏d就要等位啦!炸餃子外皮炸到脆卜卜, 大大隻肉餡飽滿!日式炸雞炸雞d肉都算嫩~燒雞扒拉麵朋友要左地獄湯底, 我試左啖覺得辣勁唔算強但就好有辣既香氣, 拉麵軟硬度適中, 雞肉雖然唔算大舊但有照燒味道甜甜咸咸咁, 不錯。

大宮牛肉定食定食包左沙律同湯, 味噌湯味道唔錯唔會過咸。

牛肉份量好多, 而且好入味, 撈飯食絕對無問題, 份量之多個人黎講撈多半碗白飯都仲得。

最黎飲埋杯熱辣辣綠茶, 快靚正食飽去睇戲!

星期六同呀爸呀媽出去探親戚之前，先搵個地方食午餐，佢哋話呢排成日飲茶，所以換個口味同佢哋去APM美食廣場搵嘢食。

其中「大宮」啲食物Display好吸引，姐姐又熱情招呼😊，咁就揀佢啦。

大宮有提供單點菜式同二人套餐👫，價錢OK啦，喺美食廣場嚟講就唔算特別平。

其中單點就有$12加配小食嘅選項，都算幾抵👍。

由於呢度係美食廣場，所以喺櫃位點餐後，就要自行到取餐處拎食物。

姐姐指示十分清晰，超級友善💯！我哋叫咗一個抗疾二人餐($168包兩個主食+一份小食+兩罐飲品)，再加咗一碗麵($69)同小食，份量夠有餘，飽飽的🤰。

我要咗地獄湯吉列豬扒拉麵，湯底配料包括紫菜、竹筍、大蔥、椰菜同芽菜，吉豬則另上。

本身驚地獄湯會好辣，不過姐姐話少少㗎啫，佢無呃我，嗰種辣係辛辣🌶，有啲刺激嗰種，會令你好想咳，幾過癮。

拉麵就係最普通幼身嘅款式，其實我一直最鍾意就係食呢款，可能我唔太講究啦😅。

吉列豬扒幾好食啵，🐷豬扒同炸粉二合為一，唔會食食下甩咗出嚟。

吉列皮少少脆，但同時亦有少少硬，但點番沙律醬食問題已經解決，而且豬扒肉質夠結實，唔錯😋。

我媽要咗豬骨湯豬軟骨烏冬，湯底配料包括紫菜、粟米、椰菜同芽菜。

湯頭味道幾好，夠味，唔會過鹹亦無落味精；而烏冬就幾滑身兼且彈牙。

🦴豬軟骨有四件，份量唔少，加上炆得好入味，可以一試。

我爸叫咗醬汁牛肉飯，估唔到個飯幾好食，同埋兩者份量都激多！鋪面嘅🐮牛肉調味啱啱好，並帶有濃濃嘅芝麻香，醃味洋蔥亦好惹味。

白飯就用上珍珠米🍚，大大粒好飽滿，無過淋或過硬。

隨牛肉飯奉送麵豉湯🥣，個湯好足料，有好多海帶同豆腐。

和風章魚丸(4粒)，跟二人餐搭配嘅小食，賣相一流，因為每粒都好圓好靚，而且上面仲落咗好多木魚同醬汁。

食落就覺得如果🐙章丸大粒啲會好啲🙈。

日式炸餃子($40/6隻)，六粒炸餃子幾的骰，炸咗嘅餃子皮口感幾特別，肉餡就正正常常🥟，餐廳有提供醋汁畀我哋點。

日式炸雞(加配價$12/2件)，🐔見咁平所以嗌埋，炸雞都幾大粒下，炸衣並唔算厚。

總括嚟講，呢餐簡簡單單嘅午餐都唔錯，選擇有飯有麵，應該總有一款會啱食。

如果你要將佢媲美過百蚊碗嘅排隊拉麵🍜就未必適合，但呢度口味都好啱普羅大眾。

去開APM諗唔到食乜不妨考慮一下佢吧😉。

大宮餐單提供日本菜, 拉麵, 烏冬等推介美食位於觀塘區，餐廳座位數未知人均消費約$51-100，結賬可以用Visa,Master,現金,八達通。

您對於觀塘餐廳「大宮」有何 comment？

大宮餐廳詳細資料：

• 大宮地址:
  觀塘觀塘道418號創紀之城五期(apm)2樓新美食廣場A1號舖
  Omiya, Shop A1, Foodcourt,2/ F,apm Millennium City5,418 Kwun Tong Road, Kwun Tong
• 大宮電話:  
• 大宮價錢: $51-100
• 分類: 日本菜, 拉麵, 烏冬
• 座位: 未知
• 付款: Visa,Master,現金,八達通
• FB專頁: 大宮 Facebook

更多大宮相關資料:

• 大宮分店
• Youtube
• Facebook
• Twitter
• Google