壹玖陸零 觀塘

壹玖陸零 評價 相片

有日同朋友行開觀塘接到張傳單見有間新開張食西餐睇落價錢正常又有8拆所以上去試吓。

先講環境方面餐廳燈光主要靠射燈形造氣氛，恰到好處，又唔會太光又唔會太暗。

餐廳刻意砌上嘅紅磚牆，又配上用霓虹燈整嘅餐廳名，確係幾有懷舊嘅感覺。

食物方面，同朋友叫左個牛扒同比目魚，先講當天個是日餐湯，個南瓜湯濃，唔似某d餐廳咁水，明顯真係打出黎。

牛扒配太陽蛋開頭會覺得唔知做緊乜，經職員建議用牛扒點蛋黃食，味道確係唔同，牛味同蛋味互相配合，呢個味道幾有趣。

比目魚火侯拿捏得幾好，冇over，皮脆肉嫩，配上個蕃茄醬幾醒胃。

甜品就係白兔糖味嘅奶凍，細個讀書食白兔糖就食得多，人大左反而好少食，今次食番呢個味道真係兒時回憶出哂黎。

野飲跟餐會送凍/熱檸茶，如果想轉咖啡/其他特式茶都係半價。

整體黎講性價比幾高，跟餐有湯有甜品，幾有誠意。

觀塘食飯真係到到都超多人，行過樓下見到有開業八折優惠就過嚟試吓。

除咗主菜跟餐仲包一款是日餐湯丶自製甜品同埋一杯飲品（凍檸茶/水）今日嘅餐湯係蕃茄湯，會配一片烘左嘅麵包，個湯好濃郁，食到有蕃茄蓉同埋香草味，但我自己就覺得味道over咗少少，有種似食緊番茄醬嘅感覺。

但同行朋友係蕃茄控，佢就覺得超正😂叫咗卡幫尼意粉同一份西冷，意粉比較特別，佢唔同出面用忌廉煮嗰種，個汁再杰身同帶有鹹香。

煙肉見佢都特別用咗一隻類似風乾五花肉，食落好香油脂感。

西冷就煎得啱啱好五成熟左右，唔係用鬆肉粉醃到鬆晒個種，食落都算有牛味。

但比較驚喜嘅係佢側邊嘅薯角，炸得外皮少少脆入面又好鬆軟，超好味😛原本覺得佢嘅份量係偏少，但食埋個甜品就啱啱好飽晒😂今日甜品係燕麥脆脆奶凍，奶凍本身有啲膩，加埋上面嘅脆脆就平衡返個口感🙌🏻特別讚一讚個女侍應非常主動同有禮貌👍🏻

叫咗卡邦尼意粉 等咗成一個鐘都未到！同幾個朋友食 每一碟都隔咗十五分鐘食物質素極一般 肉質差 ！飲品量十分小。

一整間餐廳只有兩三個廚師，出餐速度超慢！不值得 完全不值得！

係成業工廈搵到呢間新開嘅懷舊主題餐廳，見到幾得意同做緊8折就走咗入去。

同個fd一人叫咗一個set，小弟叫咗個XO醬蟹肉蘆筍意粉($108)。

而朋友就叫咗個美國西冷配太陽蛋（$148），聽講係餐廳大熱！XO醬係我至愛，但完全無唸過除咗撈面，配合意粉都可以咁夾。

欣賞佢地菜色唔會太行，會配合香港風味去製作一啲嘅fusion菜。

朋友個西冷一見到就洗哂口水🤤，一睇到碟扒就知唔係普通貨，忍唔住拎咗個fd一嚿嚟試。

個牛面外脆內嫩，配埋蛋汁同gravy令到牛味昇華，超意外。

好想繼續食落去，但無計，個餐唔係我叫😭，下次自己嚟會必點！總結來講係抵食。

蟹肉蘆筍啖啖足料、西冷牛扒就更高品質。

而跟餐有餐湯同野飲，最驚喜係有甜品送！係細個最中意食嘅白兔糖味嘅甜品😎

今日晏晝做野遲左自己一個人食, 經過新開餐廳, 之前見過, 就入去試下。

見隔離幾枱都係食扒, 但今日唔想食咁多肉, 就叫左個煎魚扒。

出餐大概20分鐘, 見佢幾full下, 又即叫即煎（塊扒煎得好香脆），都明白既。

個sauce都幾夾白身魚（halibut)，無奶油咁漏。

薯仔香口， 都好鐘意啲zucchini, 最尾食幾清新。

自製甜品係香蕉雪糕，好香香蕉味，有粒粒果肉，免費跟餐好正。

朱古力係有layer, 少少特別。

壹玖陸零餐單提供西式, 多國菜, 咖啡店, 樓上cafe等推介美食位於觀塘區，餐廳座位數35人均消費約$101-200，結賬可以用現金，Booking訂位可以電話致電 36197096 查詢。

您對於觀塘餐廳「壹玖陸零」有何 comment？

壹玖陸零餐廳詳細資料：

• 壹玖陸零地址:
  觀塘成業街19-21號成業工業大廈1樓26號舖
  1960, Shop26,1/ F, Shing Yip Industrial Building,19-21 Shing Yip Street, Kwun Tong
• 壹玖陸零電話: 36197096
• 壹玖陸零價錢: $101-200
• 分類: 西式, 多國菜, 咖啡店, 樓上cafe
• 座位: 35
• 付款: 現金
• FB專頁: 壹玖陸零 Facebook

更多壹玖陸零相關資料:

• 壹玖陸零分店
• Youtube
• Facebook
• Twitter
• Google