伴嚐 觀塘

伴嚐 評價 相片

我今日晏就1個人去apm到睇下有d咩啱食,我就比這間餐廳的餐牌吸引住,至抵食午餐喎,我就入去試試,又真係幾抵食,我叫了一個扎肉撈檬,又有野飲送,餐湯及沙律,再加埋一都係五十三蚊,侍應的服務一般,環境及氣氛不錯,野食方面都唔錯,扎肉撈檬,味道ok餐湯係青紅羅白湯,唔太淡而無咪,都ok波羅梳打,味道啱啱好,唔太甜我下次一定會再去幫親

有一次同朋友去呢間嘢食午餐，哇！啲工作人員招呼極差，咁午餐有蛋糕可以選擇嘛！咁問啲員工有乜嘢蛋糕可以選擇啦！佢指指枱上面個牌話，呢你睇吓呢個牌咪知囉(我已經O咀)！都算啦！叫完午餐之後同個朋友傾計其間，有個員工不由分說就好大力咁放底碟飯(佢又唔問我哋邊個食喎)跟住我就好唔滿意咁叫個經理嚟投訴佢啲員工工作態度差啦！跟住到個經理上菜啦！唉~ 一樣係咁差，居然落碗麵都可以倒瀉湯既，真係對呢間嘢超失望，啲食品質素都OK既，但佢啲服務真係不敢恭維啦= = '

母親節，與我於母親節生日的妹妹及其男友到此店慶祝。

由於我們沒有訂位，店員要求我們7時45分前結帳離開。

我們每人叫了一個獨立套餐，有青口濃湯、西柚沙律餐；蒜蓉飽、蕃茄湯餐及沙律、牛仔柳、羊架餐，每個餐均附送果汁梳打。

一位男侍應幫我們「落單」，我問他果汁梳打有什麼選擇，他答只有橙汁梳打。

不久，他先端來飲品。

誰不知這位像「未訓醒」的侍應幫果汁整杯翻倒在我妹妹身上。

他甚至沒有一聲道歉。

我按不住說︰「先生，唔該你小心d啦」，他才輕聲說不好意思。

我馬上要求轉檯，怕待他們清理完已是結帳離開之時。

最後結帳總數$232。

其實APM有林林總總的食店，而food court食物質素也不俗，價錢又平宜，我決定下次不再光顧Baan了。

還有，我妹妹男朋友不幸坐了一張破木椅，被木椅的裂縫「夾親」，真是一次不甚愉快的經歷。

平日晚上係APM行到9點幾,經過門面,睇落去好似幾好食.便入去試下.2個人,我request座卡位,但佢話暫時唔開,之後比左張對住路口的table比我0地..唉!每次有人行入來,都望下我0地...整個格局都好差.我點左個2人餐,有個青口濃湯同洋蔥湯.個賣相都幾好..但飲第一淡,個湯好濃,不過係凍.我叫人幫我換左佢,等左幾分鍾,先換另外一碗湯比我,但今次係熱,不過超淡.簡直係加左水.我嬲到叫左個高級d的人幫我換,但第三碗都係淡...飲左幾啖都無飲..整餐飯都無心情食...而且d菜平平無奇..都唔知點解會有人去食..我已bad list左佢啦... 一餐飯最緊要係第一道菜,第一道菜係好食.先會令人開心地食埋其餘幾道菜.

小時候喜歡數數字揀餐廳，揀中好的可以自歔自雷一番，差的話又可以「無賴」地將責任踢走。

突然孩子氣上來，只想「飲o野，然後左面第三間」，就坐到來滲著強烈pan cake香味的Baan來，簡潔的Open kitchen配上柔和舒適的氣氛，今天的運氣也真不錯說。

「左面第三間」已經是不按章出牌，更教人意外的，是友人打亂章的問身旁小妹妹那小碗載著的是什麼來？被超出理性的提問打亂，腦部運作停頓接近2分鐘，當恢復知覺後，聽到小妹妹悄然說是無味的雞柳，澄黃色的絲苗飯也不見得加入香料。

見友人與小妹妹談得起勁，大概是因黃澄澄米飯而起的化學作用，小妹妹眼珠轉了轉，盯著那碗飯，以為沒味的絲苗飯那澄黃的色澤是來自米的本身，一番對談，竟也想起從前在菜餚面前，總會有著千奇百怪如天馬行空的想法，翻看食評原來已是2年多前的感覺．．．褪色的感覺影響下，淡淡然吃著雪糕窩夫，舌尖充斥著濃烈的奶味，濃滑的奶味中隱含著紅豆蓉的質感，與友人被這味道衝昏了頭腦，也搞部清那雪糕是「貴保號」？找來侍應打聽一番，侍應「龜摩」了五分鐘後，終於知道大保號原來是栗子味．．．與友人被耍了一道，打趣說，若無豆蓉質感的話，乾脆稱作牛奶雪糕去好了，沒栗子味的栗子雪糕想起也真夠「機車」。

曾經為一客烏冬不吐不快，亦因執著而鬧個翻天，然而退一步，簡單的鼓勵與分享，尤勝千言萬語的執著*

伴嚐餐單提供多國菜等推介美食位於觀塘區，餐廳座位數未知人均消費約$51-100，結賬可以用現金。

您對於觀塘餐廳「伴嚐」有何 comment？

伴嚐餐廳詳細資料：

• 伴嚐地址:
  觀塘創紀之城APM大堂C-16舖
  BAAN,  
• 伴嚐電話:  
• 伴嚐價錢: $51-100
• 分類: 多國菜
• 座位: 未知
• 付款: 現金
• FB專頁: 伴嚐 Facebook

更多伴嚐相關資料:

• 伴嚐分店
• Youtube
• Facebook
• Twitter
• Google