二撇雞 觀塘

二撇雞 評價 相片

工廈一向多野食，諗唔到食乜的話，上去行個圈覓食都幾好。

米線係我嘅至愛之一，見呢間新野係食米線仲標榜無味精咁就試下啦。

去到餐廳要排隊等位，見到入面環境好闊落，座位全部都係4人枱，坐得好舒服！食乜野自己寫，寫完拎出去俾職員就得。

花膠雞濃湯米線🍜米線同雞係分開上㗎。

雞嘅份量都算好多，雞已經去左骨，全部都係肉，不過偏肥。

肉唔算滑，正常口感啦，但就完全係凍嘅。

湯頭夠哂熱，所以我將啲雞浸落去個米線入面，諗住暖暖地食。

米線唔會煮到偏淋，有qq口感，米線份量都好多，上面鋪住幾片花膠。

但個湯真係有小小失望，個人覺得唔夠濃味。

因為我諗住濃湯真係會好濃味，但呢個湯只係清雞湯嘅味。

所以係失望嘅。

黃酒藥膳雞上海麵呢個上海麵煮得太淋啦，同埋個湯一開始係飲唔到黃酒味。

記得一定要係個底撈匀！！因為啲黃酒係個底，一定要由底反個面一次😂同藥膳味唔會太濃味。

。

上面有小小蟲草花，賣相就一般啦。

。

失傳以久豬扒呢塊豬扒就真係好好食！即點即炸，粉漿薄薄一層，炸得夠熱又夠脆！而且個味岩岩好，唔會太咸！餐廳已經貼心地切開咗4件，豬扒唔會痴牙，係鬆化嘅，好食Um，不過可能真係期望高，所以有小小失望。

但個豬扒真係值得一讚！

🍴觀塘高質花膠雞湯米線觀塘駱駝漆大廈三期一向是觀塘美食集中地，更時不時有驚喜新食店，這家二撇雞主打濃湯米線及小食，筆者在觀塘上班，襯午市時分飛奔到小店午餐。

筆者一人被安排坐平排的雙人座，屏風應該是韓星吧？筆者不嗜韓流男團，但面對著猛男進餐，也是挺不錯的。

📍花膠雞濃湯米線 $65二撇雞是另上的。

雞飲嫩滑，是貴妃雞的味道。

筆者感到十分幸運，因為剛好斬到一隻雞翼，仍在開心中…雞肉嫩滑美味，肥瘦均勻，就算連雞皮吃也不覺肥膩。

至於花膠有三大塊，是爽滑型的花膠，感到值回票價。

湯底是煲至奶白色的香濃雞湯，附有雲耳、杞子和腐皮片。

米線是比較幼身的一款，爽滑美味。

以$65 來說，這碗米線是物有所值的，吃得出店主用心製作食物，誠意十足。

🔸小總結： 平日午市人流眾多，要排隊輪候入座。

以吃米線的餐廳來說，這裡環境屬高質類別，因為餐廳的餐桌佈置是韓流加西式輕食風格為主，簡潔俐落，十分好坐，食身份量足，味道不錯，值得一試。

👅 味道：4.6/5💰CP值：4.8/5🕴🏻服務：4.5/5🔰餐廳環境：4.5/5👀回頭率：4.6/5🍽 餐廳： 二撇雞🌐地址: 觀塘開源道60號駱駝漆大廈三期4樓O室

今日難得嚟咗駱駝漆大廈，梗係要來覓食一下啦，見到呢間二撇雞，主打雞為主粉麵飯，於是決定嚟會一會佢🤩花膠雞濃湯米線 ($58) 花膠雞果然係推介菜之一，一上檯就好有視覺上嘅衝擊，超級足料，軟淋大件嘅花膠、新鮮滑嫩嘅雞件，仲有奶白嘅湯底，一啖食落去熱辣辣好好味😎 米線份量足，而且滑脫脫，口感一流；湯底味道濃郁香醇，仲要$58就食到咁好嘅質素，好正😛 凍檸茶(+$5)酸甜解渴，冰涼透心，係永遠冇有錯嘅佳選😚招牌海南雞(半隻) ($76) 海南雞簡直水準嘅表現，雞件切件均一，雞肉雪白，肉質嫩滑，而且雞味濃郁，啖啖都好享受😋 奶茶(+12)茶底香濃，甜度適中，入口順滑，冰冰涼涼，好飲啊😍畢生難忘炸雞翼 ($21) 炸雞翼真係「畢生難忘」，香脆嘅表皮、juicy嘅雞肉，油香味十足，每啖都好邪惡但好正啊🤤失傳已久的豬扒 ($26) 豬扒都好正，厚身大塊，肉質都鮮嫩，一啲都唔會柴，同埋豬扒都處理得好好，唔會有臊味😚手拍青瓜 ($18) 青瓜新鮮爽脆，口感一流，調味一流，蒜蓉香、醋酸味夠，味道好到位，爽口惹味，微辣開胃，作為小菜一流😄餐廳都闊落，坐的都幾舒服，食物質素都好唔錯，遲啲經過再encore👍🏻

收工去左駱駝漆睇啲野睇左陣已經到食飯時間唯有喺駱駝漆搵啲嘢食下先—————————————————————最後搵到間主打食雞嘅雞嘅選擇種類繁多最後揀咗藥膳雞同海南雞再加啲小食由於食完花膠雞無耐所以中島今次決定海南雞油飯乾身粒粒分明雖然唔係去骨雞但都好細心咁將多肉同骨位稍作分離重點係完全唔會食到碎骨👍🏻雞肉嫩滑剛剛好浸熟而且隨餐仲有碗清湯咁多選擇下👨🏽竟然叫黃酒藥膳雞米線真係估佢唔到🤣本身佢唔係太鍾意食有酒味嘅嘢呢個上枱就聞到好濃嘅酒香味原來佢想補一補所以就試下米線索滿湯汁又有蟲草花同黨蔘補而不燥真係識養生🙈啲雞唔會煲到鞋晒似湯渣仲有小小醉雞feel小食叫左5樣因為好多樣都想試🤣失傳已久炸豬扒睇個名都知唔可以錯過即叫即做豬扒炸得好鬆脆保有肉汁切開見到仲帶有微微粉紅色 掂畢生難忘炸雞翼同上吹到禁大好難收科冇乜邊間能夠炸到咬落時候分得開皮同肉一的都唔油膩 知我咩料啦🤣呢個好撚脆堅好食問過原來係豆卜反轉釀入蝦膠炸咬落去真係連聽覺都食到野脆過薯片呀痴線😂雞絲粉皮呢個係因為好耐無食過而叫嘅粉皮爽口彈牙雞絲青瓜爽口清新最後俾個浸菜做結尾滿足又飽肚嘅一餐❤️❤️❤️—————————————————————▰ 招牌海南雞飯 $50▰ 黃酒藥膳雞米線 $52▰ 失傳已久的豬扒 $26▰ 畢生難忘炸雞翼 $21▰ 麻醬雞絲粉皮 $22▰ 好撚脆 $36▰ 濃湯浸菜 $18

星期六同媽媽去咗駱駝漆行街街，我哋順便喺嗰度搵嘢食。

呢度出名多餐廳，但又冇乜邊間好想再食😟，行到去四樓見到好似有間新餐廳喎，名叫「二撇雞」，門口幢咗個牌好似好抵食咁👍。

如果唔睇餐廳名，齋睇裝修，會以為呢度係少女Cafe😚。

首先大門有一大塊綠色人做草皮牆，而內裡油上粉藍色調，行海洋風🏝，俾人一種舒服嘅感覺。

另外，隔版用上韓國男團嘅頭像，好鬼搞笑。

以工廈來講，環境算好好，冷氣又夠凍。

彩蛋部份：原來我頭頂盞燈係雀仔形狀🦜。

餐廳嘅食物選擇唔多，老闆分享話因為想專注做好幾樣，我好認同呀🙆‍♀️，貴精不貴多嘛。

菜式主打湯麵同飯類，另外仲提供各式小食同唔同口味嘅雞。

全部食物定價都好平，主食最貴都只係$58，小食更加係$1X就有交易，加多幾蚊仲有埋茶添。

咁嘅價錢今時今日可以去邊度搵呢？胡椒豬肚雞米線($52)，有幾款雞都想試，但講惹味一定係胡椒豬肚，而呢度嘅出品更無令人失望。

湯好飲嘅先決條件係夠熱，呢碗符合標準✅。

鍾意飲胡椒湯係貪佢浸辛辣味，可以醒醒胃、刺激喉嚨，呢度將辣味處理得恰到好處，易於入口，又好暖身🔥，如果冬天飲就啱哂。

湯底夠清唔油膩，走味精，仲落咗好多料一齊煲，例如腐竹、沙蔘、玉竹同杞子等。

餸料方面，雞件並無去骨，但幸好亦無碎骨，而且肉質唔嚡；豬肚則有好多嚿，爽口唔腥。

🍜麵底可揀米線、米粉或者上海麵，我哋要咗米線，麵條偏幼身，質感煙韌，份量多。

招牌海南雞飯($50)，本身對海南雞飯無抱太高期望🙈，純粹唔想食兩碗麵先叫個飯。

我食完第一啖飯之後就知自己無嗌錯。

🍚油飯呈淺黃色，超入味的，口感偏淋，店員介紹係用雞濃湯浸泡製成，再帶少少椰香，真係無得輪。

🐔海南雞份量適中，肉質超嫩滑，肥瘦均勻，無雪味，好食到連平日唔食雞皮嘅我都食埋。

醬汁得一兜，心諗平日唔係有三款㗎咩，原來佢係幾款集結成一，薑蓉溝埋醬油，再帶微微辣，好鬼惹味，係個飯不可或缺嘅一部份！雞飯仲奉送一碗湯，佢並唔係常見嘅冬瓜湯，反而係雞濃湯，口味清甜，濕吓口都唔錯。

好撚脆($36)，見到個名就想笑🤣，其實出唔出得街㗎，哈哈。

我認為餐廳要喺好_脆後面加返「的蝦餅」，如果唔寫真係唔知係乜黎。

脆脆一客有三粒，大小同乒乓波相若，外皮有啲似月球表面，食落非常酥脆，估計應該係包咗腐皮先拎去炸，而內裡就係餐廳手打嘅超彈牙蝦膠🍤。

我認為佢比泰式炸蝦餅還要好食，因為真係有鮮蝦喺入面，炸皮亦更為優勝，一啲都唔硬。

失傳已久的豬扒($26)，🐷炸豬扒其實都OK，只係其他菜式太過出色，就令佢顯得較為普通。

豬扒幾大塊，能夠切開五件，炸衣薄，但豬扒肉身亦都唔厚，所以唔稱得上好有咬口，不過食得出無落鬆肉粉。

濃湯浸菜($18)，菜用上娃娃菜🥦，自身已經好甜，但再配合埋雞濃湯，份外滋味，幾有住家菜嘅感覺。

呢個湯其實同海南雞飯跟嗰碗一樣，但浸咗菜就會淡少少，不過都又甜又好飲。

湯中仲有杞子同木耳，記住要食埋，唔好錯過。

飲品方面🥤，我哋要咗凍檸水(跟餐+$5)同鹹檸梳打(跟餐+$8)，兩杯都大大杯，冰涼解渴。

估唔到鹹檸梳打仲好有驚喜，佢浸味唔會過重口味，反而有啲似檸檬可樂糖，值得一試。

總括嚟講，我真心覺得二撇雞嘅食物冇得頂😋💯，好耐未試過喺街食到咁滿意嘅一餐，就連我阿媽都咁講。

小店用心經營，服務態度好，上菜速度合理。

題外話，我前排生日食咗唔少高級餐廳，但感覺都不一定比呢度好，當然食物種類有所不同。

其實平民美食都可以好出色㗎，我已經向喺觀塘返工嘅朋友們高度推介呢間餐廳🌟！

二撇雞餐單提供港式, 粉麵, 米線等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 51292929 查詢。

您對於觀塘餐廳「二撇雞」有何 comment？

二撇雞餐廳詳細資料：

• 二撇雞地址:
  觀塘開源道60號駱駝漆大廈三期4樓O室
  Brother Chicken, Room O,4/ F, Block3, Camel Paint Building,60 Hoi Yuen Road, Kwun Tong
• 二撇雞電話: 51292929
• 二撇雞價錢: $51-100
• 分類: 港式, 粉麵, 米線
• 座位: 未知
• 付款: 現金
• FB專頁: 二撇雞 Facebook

更多二撇雞相關資料:

• 二撇雞分店
• Youtube
• Facebook
• Twitter
• Google