break 觀塘

break 評價 相片

仲記得上星期經過 break，係佢哋開業嘅第一日，#服務員 同我哋介紹喺 #試業期間 頭兩星期，客人都可以免費upgrade試餐牌上唔同嘅 #咖啡 ☕️ 就因為杯 #MasalaChiaLatte，#小秘書 呢日（試業期間最後一日）再次嚟幫襯。

不過有啲失望，服務員講過一星期換一次嘅新menu，最終都無改到👉🏻👈🏻上次食咗 #南蠻雞牛油果丼，今次試吓食 #慢煮日式叉燒丼，lunch set配有一碗 #櫻花蝦湯、#綠茶紅豆豆腐 做 #甜品。

丼上面嘅 #溫泉蛋 就最吸晴👀 #蛋漿 撈埋啲飯一齊食，係我嘅至愛❤️ #慢煮叉燒 比較多肥肉，不過偶爾食一次都無妨嘅，味道甜甜地同個 #白飯 都幾夾呀🤤 講到個 #湯 湯都幾鮮味嘅，不過甜品嘅口味就認真一般... 講真呢一刻我都仲未記得碟上果兩粒係 #杏仁豆腐、定係普通 #豆腐粒😅印象中只係覺得佢唔夠滑，口感麻麻😌👈🏻 不過 #小秘書 #醉翁之意 都係趁優惠期，再嚟飲佢哋杯 #MasalaChiaLatte，印度式嘅香草味🌿運入咖啡裏面，我簡直迷上咗🤤 不過喺 #埋單 嘅時候都發生咗一段小插曲，原來 #break 改咗個offer，試業期間客人可以得到九折、但係杯咖啡就冇得免費upgrade喇... 即係要補差價啦🤔 但係呢個安排確實同我哋當初book位嘅時候有啲出入👉🏻👈🏻 最後服務員了解過之後，最終都俾返原有Offer我哋... 算佢啦😆

閒日4點幾，2位，唔洗排隊。

餐廳雖然寫係觀塘區，但一d都唔近觀塘，要由牛頭角站行過去大概十分鐘，確實有一段距離。

2點半後入座lunch menu 85折，我地去到得返南蠻雞牛油果丼，試唔到其餘兩款。

南蠻雞牛油果丼｜$108（午市套餐包一杯$24飲品）個炸雞！不得了！可能我無乜expectation，咬左一啖，即刻同我隔離個人講：「係好味過我預期3倍！」雞係新鮮炸起，外層好脆，內裡juicy，就算醬汁唔多，個飯食落唔會好乾。

牛油果creamy，加埋一齊好好食。

吉列豬扒三文治｜$68 （下午茶餐包一杯$32飲品）豬扒都係新鮮炸，不過呢個三文治味道就好straight forward，無太大驚喜，但都感受到誠意，麵包烘得外脆內軟，同有牛油香。

就咁食唔沾醬都幾好味。

Lemonade｜$24手搖蜜桃茶｜$32兩杯飲品分別跟午市同下午茶餐，都唔使加錢。

但…因為兩個餐送既飲品唔同價錢，店員調亂左入單，結果加左我地錢（好彩有對單😂），不過相信係無心之失。

如果order唔同menu，唔同價錢飲品就要留意返。

餐牌每個星期都會更新，下次黎又可以試到唔同既美食。

聽講呢棟大廈開左好多野食，不過到到都多人，好彩今日冇book位都入到黎食，呢間餐廳平時唔早啲book真係排唔到位！個空間好光，而且服務員態度好好，好友落好輕鬆，都好岩打下卡，如果冇咁多人都想試下黎飲下茶，叫break真係好襯！叉燒飯：有個麵豉湯，小菜，又有飯仲有野飲，飯好好食，夠味又唔膩，份量有點大，食到好飽！炸雞：因為都唔係炸雞專門店，唔期望好好食，外皮香脆，但有啲油，還好。

希望下次有機會再去試下！

唔好以為觀塘海濱道呢邊，剩係得工廠大廈，其實有好多隱世美食❤️，呢間break就係喺一棟商業大樓裏面，今次好彩我早左過嚟，唔係平時去到食晏時間真係幾多人！⭐️蒜香大蜆意粉～真係覺得好驚喜，蜆嘅份量非常多，而且粒粒都好乾淨，完全冇沙👍，意粉好吸收左蜆汁，好入味，推介❤️⭐️炸雞翼～原本配搭左好Flash嘅沙律菜，覺得好清新！但奈何雞翼實在係太油，我估佢係炸完擺喺度一陣，所以出咗油，影響左口感， 我諗下次即叫即炸和店員改善一下上菜嘅速度，會好啲！⭐️咖啡～係我用嚟提神嘅必備良藥，呢個只係配餐飲嘅咖啡，都有呢個水準，夠晒香濃，👍實在係值得鼓舞👍

聽聞新開左間有做lunch set嘅餐廳唔錯，又有飯腳有staff discount就嚟試下，已經book左位，唔係星期五，準時到，都等左成20分鐘先入到，不過相信店員都難做，因為有人喺度傾保險，希望下次繁忙時間可以控制返用餐時間。

但店員都好主動幫我地預先點餐，同埋free返特飲俾我地，仲送左是日甜品，所以雖然等好耐條氣都順返😂餐廳裝修風格偏西式，唔睇menu都唔知係食日式，飲品都係主要咖啡，latte,果茶，仲有個甜品櫃賣cake,所以似係一間cafe。

炸雞牛油果醬飯前菜有一小碟淹雜菜，仲有面鼔湯，配普通熱飲(加差價可以加特飲)。

個飯上枱十分吸睛，啲炸雞份量又多又大件，食落唔會話粉量過多，雞肉都算嫩，牛油果醬有啲酸酸地，無論配雞定配飯都令到食物清新左，冇咁膩，好評。

個餐份量大到連我咁大食都覺得幾飽，其他女仔冇一個人食得晒😂不過米飯質地就唔夠粒粒分明同彈滑，唔多似日式飯。

但食完之後有口干，應該有啲味精。

熱情果冰茶驚喜地冇假甜，唔錯~送嘅搽茶mochi有啲唔算苦甘甘地嘅味，唔算過甜，不錯~埋單九折後一百有找，以係觀塘，呢個環境仲要係full set真係抵，就算冇九折都食得過

break餐單提供日本菜, 咖啡店等推介美食位於觀塘區，餐廳座位數未知人均消費約$101-200，結賬可以用Visa,Master,現金,八達通,銀聯,Apple,Pay,Google,Pay,Payme，Booking訂位可以電話致電 28860667 查詢。

您對於觀塘餐廳「break」有何 comment？

break餐廳詳細資料：

• break地址:
  觀塘海濱道77號海濱匯1樓13-14號舖
  break, Shop13-14,1/ F, Quayside,77 Hoi Bun Road, Kwun Tong
• break電話: 28860667
• break價錢: $101-200
• 分類: 日本菜, 咖啡店
• 座位: 未知
• 付款: Visa,Master,現金,八達通,銀聯,Apple,Pay,Google,Pay,Payme
• FB專頁: break Facebook

更多break相關資料:

• break分店
• Youtube
• Facebook
• Twitter
• Google