Nuttea 觀塘

Nuttea 評價 相片

近排流行堅果奶，不含動物元素，今次經過見到呢間堅果奶店，忍唔住要試試🤤估唔到堅果都包含咗咁多款☺️好似幾吸引😳台灣紅玉堅果奶蓋茶~睇咗一陣，都係想試吓佢哋嘅奶蓋，揀咗台灣紅玉茶，因為坊間好似比較少見😌順帶一提，原來鋪頭有個打卡位，等我都影返張文青相先😈好得意，俾咗鏟子來食奶蓋，幾貼心，因為平時用飲管好難feel到奶蓋嘅質感，今次用鏟子可以嚐到奶蓋嘅creamy 質感，估唔到幾綿密，加入少量堅果，令味道層次更為豐富，而非坊間普遍吃到比較鬆散的奶泡🤤而台灣紅玉茶茶味亦十分香濃，配合奶蓋有另一番風味，味道帶有少少鹹甜，亦有少少回甘~夏日炎炎幾消暑🤤

而家天氣熱辣辣，出去行街都一身汗，果日約左朋友去觀塘海旁影相，一身汗就想飲杯野涼爽一下。

堅果奶係外國非常之流行，因為有好多人對牛奶敏感就可以以堅果奶代替，而且堅果奶健康又唔肥，岩哂我地啲又想飲又怕肥嘅女仔。

今次係第一次飲堅果奶，企左係到好耐都唔知飲咩好，於是員工就推介左兩杯店內招牌口味比我地，就係【芒芒堅果奶蓋茶】同【伯爵朱古力堅果奶蓋茶】，而且仲好貼心咁問我地會唔會揀微糖，好有愛~【伯爵朱古力堅果奶蓋茶】呢杯堅果奶拎左2019年台灣奶茶廊─金獎，每日限定推出100杯(好彩我地好早黎姐!)。

入面除左加左堅果奶之外，仲有100%純朱古力配上伯爵紅茶底，黎到會有一個迷你鏟仔附加左比我，可以鏟奶蓋黎試食，同埋可以將奶蓋同茶溝埋一齊飲。

先講奶蓋，口感好滑好細緻，仲有好香朱古力味。

成杯堅果奶一飲落去就有好濃郁嘅朱古力味，唔會好甜好膩，打破左我初初幻想以為會好滯嘅感覺，岩哂啲朱古力迷，先有濃郁嘅朱古力味後有爵紅茶嘅茶香，絕對有佢獨特嘅吸引力。

【芒芒堅果奶蓋茶】入口有少少沙冰綿密嘅口感，有好香甜嘅芒果香氣，再帶有堅果奶香滑嘅質感，非常之消暑解渴，由於我地揀左微甜，更能帶出新鮮芒果嘅味道，估唔到芒芒同堅果奶一樣都可以好夾。

我地第一次飲堅果奶，估唔到咁有驚喜，初初以為味道會好似熱杏霜嘅味道，唔係人人接受，但其實堅果奶非常之容易入口，呢兩杯野飲都好好飲，唔會令人抗拒之餘仲會慢慢愛上，健康又好飲。

飲品店支持環保，如果要飲管就要主動問佢拎，但其實就咁飲係最正，可以大啖大啖咁飲，更加好飲。

最近聽同事講話公司附近開咗間特別嘅茶飲，都係台式嘅，但係就同平時飲開嘅好唔同，今日就跟佢去試吓。

去到就黎完lunch time 但都仲有人排緊隊！店員雖然忙，亦不忘介紹佢地signature 百爵朱古力堅果奶蓋俾第一次試嘅我，但係剛食飽飯想飲d酸酸地既野醒下神，都係揀士多啤梨堅果奶開心d! 店員好細心話怕我覺酸，建議要微甜，咁我當然take你專業advice 啦！唔駛等好耐已經可以攞飲品。

見好多人買完嘢飲之後都係側邊display位打卡，我又打埋一份！放喺佈置好嘅corner上面，影出嚟真係特別靚，店家果然幾有心思！講返飲品，打開蓋香甜嘅士多啤梨味撲鼻，飲品顏色悅目，見到心情都靚晒！飲落去微酸，帶有士多啤梨嘅清新，感覺唔錯，仲會食到堅果粉末，令飲品更加香口，估唔到堅果同生果夾埋既特飲又幾match喎！見呢個品牌幾特別就上網睇咗少少資料，店家由台灣引入呢個品牌，除咗希望係眾多台式飲品中突圍而出之外，仲可以令食素人士都可以飲埋一份！Good Idea! 希望佢越開越多，咁我就隨時隨地可以飲到！

最近天氣熱，經常都忍不住要買飲料；如果日日珍珠奶茶，就會肥過豬了；所以今日經過見到一間主打堅果奶的手調飲品店，就忍不住買來試試。

我是抗拒不到「限定」的人和大佬一人一杯*伯爵朱古力堅果奶蓋茶 ($46)奶蓋本來是最肥最邪惡的，因為都是動物的脂肪；換上用堅果奶，亦即是植物奶，卡路里大大降低；面層的朱古力奶蓋，帶點咸咸甜甜的味道；因為少甜少冰的關係，茶底不會太甜；建議的飲用方法是覺試一下奶蓋，再飲底層的茶底，再拌均飲用；個人認為拌均後口感有如奶昔，是最佳的飲用方法。

*芒芒堅果奶蓋茶 ($44)大佬點了最愛的芒果味；平時他不會點奶蓋的，因為不愛那種咸味；這個奶蓋不會咸，而且帶甜味；茶底和芒果的味道很配，而且不會只有死甜的味道，是有淡淡的茶香。

Nuttea既奶蓋主要以五道堅果「腰果、合桃、杏仁、榛果、夏威夷果」經冷壓萃取乳化後製成～所以絕對適合素食者或乳糖不耐症既人士享用😌🎈伯爵朱古力堅果奶蓋茶 (微糖少冰) $42 聽呢個名就感覺好邪惡好肥啊🤤但都好想好想試～點知試左第一啖真係超有驚喜😳！！！太好飲了🤩❤️終於明白點解呢款咁多人推介同埋真係稱得上係招牌飲品💗✨上層奶蓋超厚身😍奶蓋食落去好重堅果同朱古力味，有啲似mousse既感覺，好濃郁綿密😎店員仲好貼心咁比個小鏟子去感受鏟著吃的堅果奶蓋🌰品嘗完奶蓋後就可以打斜咁樣飲，下層既伯爵茶好濃好香茶味，連同堅果奶蓋一齊飲好夾好有層次感😛🔸Nuttea📍觀塘偉業街223至231號宏利金融中心1樓9號舖

Nuttea餐單提供台灣菜, 台式飲品, 素食等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 68889059 查詢。

您對於觀塘餐廳「Nuttea」有何 comment？

Nuttea餐廳詳細資料：

• Nuttea地址:
  觀塘偉業街223-231號宏利金融中心1樓9號舖
  Nuttea, Shop9,1/ F, Manulife Financial Centre,223-231 Wai Yip Street, Kwun Tong
• Nuttea電話: 68889059
• Nuttea價錢: $50以下
• 分類: 台灣菜, 台式飲品, 素食
• 座位: 未知
• 付款: 現金
• FB專頁: Nuttea Facebook

更多Nuttea相關資料:

• Nuttea分店
• Youtube
• Facebook
• Twitter
• Google