KT Music Cafe 觀塘
最後更新:
KT Music Cafe推介
餐廳位於觀塘的工廈，主打西式菜餚，提供各式意粉、牛扒等，每晚都有樂手駐場。
觀塘KT Music Cafe
| 餐廳分店 | KT Music Cafe |
|---|---|
| 地區 | 觀塘 |
| 電話訂位 | 65600618 |
| 餐單 Menu | 西式, 樓上cafe |
| 人氣指數 | 819 |
| 價錢幾錢 | $101-200 |
KT Music Cafe訂位位於觀塘區，詳細地址是觀塘開源道60號駱駝漆大廈三座6樓O室，餐廳寬敞座位數目共有未知幾多個。KT Music Cafe幾錢？價錢優惠後人均消費大約$101-200埋單，早餐午餐晚餐KT Music Cafe餐單包括有西式, 樓上cafe等美食，付款方式有AlipayHK,支付寶,現金付款，Booking網上訂位可以電話致電 65600618 查詢訂座。
KT Music Cafe優惠
KT Music Cafe 評價 相片
已經好耐冇聽過 live music喇，啱啱上星期六，有個玩開band 嘅朋友叫我去一間音樂餐廳食飯，就冇諗太多嘢，跟佢地一齊去食飯。
間餐廳唔係好大又唔係好細，坐二、三十人左右，環境都算舒服嘅，個band 台都佈置得唔錯，唔係嗰種Rock & Roll 好爆嗰啲，而係走斯文路線。
有琴、鼓、結他、Bass, 基本上都齊晒。
音響質素方面，唔算好靚，但亦唔覺好嘈或好「拆」，整體聽落都算舒服。
樂手基本上係 one man band, 但食飯時候就夠哂嘞，太多樂手可能over 咗。
食物質素方面，整體幾好，有幾個晚餐選擇，有湯、蒜蓉多士、沙律、主菜、餐飲，都係百幾蚊，都算抵食。
我叫咗個羊架，都幾香口。
至於服務方面，見佢地唔算多人，但都幾好服務，幾親切。
聽啲員工講，啲客可以唱埋歌，不另收費。
本來都想唱下，但嗰日咁啱喉嚨痛（不是肺炎😅）唯有下次先挑戰唱拉闊如果夾啱朋友嘅時間，我就一定會再去，亦响度同大家推介下😁
呢間Music cafe 都幾得意，有啲似以前嗰啲酒廊，有個琴手或結他手自彈自唱，玩拉闊音樂。
如果客人有興趣唱返首歌，亦可以同侍應講，上台獻唱，或者同樂手Jam 歌。
我地夾開band 就特別有feel 嘅，因為香港玩拉闊嘅餐廳已經唔多，仲要可以比客 free jam 就更加難搵，呢樣都算係佢地一大賣點。
👍晚餐menu 嘅嘢都大路嘅，有意粉、牛扒、羊架，都係西餐嘢，質素唔會特別好，但亦唔係差。
價錢就平均百幾蚊一個餐，唔算貴，因為搵樂手現場演奏嘅成本都唔少，但令到間cafe 嘅氣氛同格調高幾班，食起上嚟就好feel 好多。
同女友來撐枱腳就啱哂😛有一樣唔好嘅係得一部客𨋢，繁忙時間起碼要等三、四輪先入到𨋢 😕不過，後來聽個侍應講，可以行前少少去搭貨𨋢，因為有兩部大貨𨋢，可以一次過載好多人，所以唔使等太耐。
呢樣就要等下次先試到，但我一定會再嚟嘅，亦會推介比其他朋友😎
呢排肺炎疫情嚴重，本來都唔係好想出街，更冇打算响外面食飯，不過昨晚要去觀塘買嘢，所以就响附近逛咗一陣。
行下行下聽到有人唱歌，我以為附近有人唱緊K, 行去望下，原來係一間music cafe, 見到個男仔彈結他唱歌，即時令我諗起台灣嗰啲音樂餐廳⋯好有嗰種feel。
🥰🥰我自己好鍾意去呢種有人唱住歌嘅餐廳，一邊食嘢飲嘢，一邊聽下歌，好relax 好舒服。
於是忍唔住行咗入去，同個員工傾咗幾句，知道原來新開冇耐，環境都幾舒服，又乾淨，結果都決定坐低食個晚餐聽下歌，舒緩一下呢排好掩悶嘅心情。
😚餐牌上選擇唔算多，有七丶八個晚餐，平均百幾蚊，最貴嗰個$188，記得好似係肉眼扒。
牛，我唔係好啱。
但警喜見到有個鵝肝，都係百幾蚊，好抵食喎。
雖然驚食唔飽，但個侍應話有跟餐飽，又有跟薯蓉，咁就唔諗咁多，一於叫鵝肝。
😋佢地上菜都幾有節奏，先上沙律菜，食到咁上下就上餐湯同餐飽，之後就上主菜。
最初真係以為件鵝肝會好細件，但出乎意料成隻手掌咁大塊，而且煎得幾香口，真係幾好食。
👍👍👍可能而家出外食飯嘅人少咗好多，又或者可能係新開嘅餐廳，所以唔多人，眼見十幾人，唔夠二十人，對我嚟講，仲好，因為太多人就會嘈，影響聽歌嘅 feel。
而且，人唔太多、唔密集，心理上覺得安全啲，冇咁容易傳染到肺炎菌😆😆重點要提嘅仍然係有人現場唱歌，嗰種feel 真係好舒服，响香港都好難搵到呢類行文青路缐嘅音樂餐廳。
個侍應仲話可以點歌，甚至可以比客人 Jam 歌呢！咁正嘅音樂餐廳，真心要極力推介，我自己就一定會再去！
話說今日行開觀塘果頭…喺 openrice 搵下有冇音樂餐廳聽下歌食飯…搵到喺駱駝漆大廈裏面既一間餐廳…門口已經有不少 band 既貼紙…入到去裏面非常寬敞……吾似其他民歌餐廳……呢度有哂成 set 鼓 keyboard 比樂手唱歌夾 band...問番老闆……原來呢度久吾久有 open mic session…百幾蚊又食又唱…幾過癮呀……不過果晚我就太怕羞…驚走音樣衰…去到食方面… 呢間主打西餐廳… 有羊架牛扒…也有意粉等等……牛扒方面油脂分怖不錯…食起上黎吾會太痴牙…只可惜太肚餓食完冇影相…飲品方面不過不失…都係一般野飲……如果有特色/創意飲品…分分鐘可以吸多 d 客…起碼多樣賣點總括而言, 地點算係 OK..喺地鐵站附近…有哂成套 band 器材之外…只需百幾蚊就食到野同唱歌都不錯~~如果有特色飲品/甜品會更好~~
鍾意現場音樂嘅朋友，一定要嚟試吓。
一邊聽住音樂，一邊食晚餐，都幾有氣氛、情調。
如果有歌想聽，仲可以點歌。
當然，始終唔係CD Player, 樂手未必一定演奏到，但都盡量滿足。
食物方面都算多元化，有意粉、天使麵、牛扒、羊架、鴨胸、鵝肝等，都可滿足大部份人口味。
價錢唔算好貴，百鬆啲，最貴嘅安格斯肉眼扒都唔過二百蚊，（自己買一塊都隨時百幾蚊）其實幾抵食。
至於質素，不能同扒房相比，但亦不過不失。
有時出菜會幾耐，不過，有樂手現場演奏，聽住歌等，就唔係好覺耐。
服務方面，整體幾好，serve 嘅人唔多，但都係好有禮貌，識得待客之道。
有時更會同客傾下音樂嘅嘢，所以叫Music Cafe 。
總結係值得推介比朋友，尤其係喜歡音樂嘅朋友。
KT Music Cafe餐單提供西式, 樓上cafe等推介美食位於觀塘區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 65600618 查詢。
您對於觀塘餐廳「KT Music Cafe」有何 comment？
KT Music Cafe餐廳詳細資料：
- KT Music Cafe地址: 觀塘開源道60號駱駝漆大廈三座6樓O室 KT Music Cafe, Room O,6/ F, Block3, Camel Paint Buildings,60 Hoi Yuen Street, Kwun Tong
- KT Music Cafe電話: 65600618
- KT Music Cafe價錢: $101-200
- 分類: 西式, 樓上cafe
- 座位: 未知
- 付款: AlipayHK,支付寶,現金
- FB專頁: KT Music Cafe Facebook
更多KT Music Cafe相關資料:
香港餐廳2026推介8月