KLN Cafe 觀塘

KLN Cafe 評價 相片

原來走入些少，就會發現到一間這麼漂亮的cafe，有種世外桃園的感覺。

店鋪的主打是潮食車仔意粉，隨客人的喜好作配搭。

當然也有店長的推介選擇。

喜歡奇怪配搭的我，決定弄出奇異配搭xd1.墨汁+ 2.牛柳粒 + 珍珠帶子+ 3.寬意粉。

墨汁意粉(牛柳粒x珍珠帶子)上枱時，墨汁的香味超吸引，意粉是整得非常爽口，很有水準的。

牛柳粒有口感及肉味濃，珍珠帶子(因為海鮮)同墨汁很夾。

裝食物的餐碟，也是感到花了心思。

唐揚炸雞這個香脆可口，炸出來的顏色很漂亮。

沙律醬是有點微辣，食得稍過癮。

最終幻想 ：真係好靚，星空的感覺。

當然要相機食先，讓人很期待它的味道。

飲用前稍作攪拌，微微的甜味，果香的味道，真的很好飲。

而且用燒杯的模樣，確實很有趣。

提起熟食市場，我地諗起既往往係粥粉面飯、大排檔、飲茶點心檔，可能重有泰菜之類。

但今日我地去熟食市場，竟然係去入面既一間 cafe... 係熟食市場（街市）入面，舖頭都已經關門，懷疑緊自己係咪去錯地方既時候。

終於俾我地揾到佢啦！！坐落於一角，門口有一扇好搶眼既黃色鐵門，出面重擺放咗2人坐位既枱櫈，門口對出有射燈射落地下，話你知佢地重營業緊😆入到裏面，雖然地方不大，但幾別緻，睇得出佢地有用心設計同佈置過，好明顯係足球迷😎餐廳最重要既當然係食物啦！！主打食物係可以任你配搭既意粉/意大利飯，先揀意粉或飯，然後揀汁，再揀配料，呢種形式幾得意除咗意粉或飯，佢重有沙律同小食揀，唔想食咁飽，揀呢啲都唔錯。

而飲品都有唔少選擇！一場黎到，就梗係要試主打既意粉啦～我同朋友既口味太接近，兩個都係食同一樣既配搭……黑松露汁意粉配真姬菇+牛柳粒。

由於厨房位好接近，所以厨師煮緊既時候已經聞到陣陣既黑松露香味 品嘗後，覺得醬汁香味濃郁，意粉不會過熟，咬落煙韌，朋友就略嫌質感稍硬，但本人係幾喜歡的！至於配料都唔算少，牛柳粒有56粒，菇都有好多 😊飲品方面，見到有“蝶豆花”，好似未試過，當然要試下啦 😏 揀咗呢杯“最終幻想”（荔枝蝶豆花特飲）。

有微微既酸，唔太甜，幾清新，啱我 而朋友就揀咗“手搖菠蘿檸檬紅茶”，比起我嗰杯甜好多，幾重菠蘿味，對於好甜既朋友黎講，相對地適合 😂總結：自選意粉/飯有特色，食物飲品味道不錯，重有得包場添

喺觀塘駿業熟食市場見到有間餐廳寫住”潮食車仔意粉”，餐廳門口好有特色(工業feel)，一於試下先。

餐廳老闆應該係球迷😂好有世界歪氣氛！可以自己揀扁意粉/意大利飯、汁、配料！價錢好合理。

<青瓜雞絲沙律> (跟餐加$10)食落好清新，麻醬配雞絲正呀！<香橙鴨胸沙律蜂蜜柚子汁> (跟餐加$10)個汁出色！酸酸甜甜好開胃！鴨胸份量都多，推介！<松露扁意粉配溫泉蛋、牛、帶子>松露超濃！中意松露的話一定要試！撈溫泉蛋係perfect match! <茄汁扁意粉配蝦、溫泉蛋、帶子、豬頸肉>茄汁惹味，豬頸肉高質！<日落日出><紅色警戒>飲品好靚呀！！！我地影相影咗好耐😂飲落唔會太甜，好refreshing！唔錯！整體上，食物幾高質、服務唔錯、環境舒適。

觀塘有座駿業熟食市場，驟眼睇以為比較地痞，但其實去到樓上，有間感覺好企理嘅 cafe；樓下嘅宣傳品唔多，亦都冇人派傳單，但好彩有朋友食過介紹，覺得幾好，先至識路摸上去。

餐廳嘅主食幾特別，可以每看都按自己興趣去揀。

首先揀咗要扁意粉定係risotto， 然後再揀醬汁同埋配料。

唔夠飽嘅話，可以再嗌沙律同埋小食。

飲品有唔同款式，汽水、特飲同埋啤酒。

餐廳有播球賽，亦提供包場服務，如果想同朋友慶祝開party，或者係一齊睇波，餐廳都可以提供相關嘅服務。

食物當然可以幫襯返佢哋，亦都接受自攜，彈性都好大。

場地最多可以容納三十六個人。

組合係扁意粉+墨汁+魷魚圈+牛柳粒。

扁意粉煮得好彈牙，加咗墨汁，味道更加香，不過壞處會係賣相唔多吸引，亦都淹沒咗魷魚圈同牛柳粒。

魷魚圈質感新鮮，牛柳粒亦都煮得香。

小食揀咗魚手指配芥末沙律醬，可以話係童年回憶：細細個，屋企人成日煮，但大個咗，唔係咁容易買得到，即使買到，價錢亦都好貴。

難得今日竟然喺餐廳見到，當然唔可以錯過機會，點返一客。

一客共有五條，炸得好鬆脆；芥末沙律醬亦都唔會好難入口，份量調味亦都啱啱好。

飲品叫做日落日出，真身係水蜜桃蝶豆花特飲，顏色好夢幻、好靚；飲之前要記得攪勻，如果唔係，甜到會不一。

水蜜桃嘅清香，唔單只可以解暑降溫，亦都好適合食完魚手指呢種熱氣小食之後，中和一下。

呢餐盛惠$95 ，雖然以喺熟食中心嘅環境嚟講，唔算特別抵；不過勝在唔限時任坐，同朋友摸酒杯底，促膝長談，係個唔錯嘅地方。

坐落喺觀塘熟食市場嘅KLN cafe講唔上係容易揾，但係絕對係熟食市場入面一間極起眼嘅餐廳✨ 餐廳內外裝修簡單但有格調，更有滿滿嘅世界盃氣氛👻 .意粉版車仔面同樣選擇多多，可以隨自己喜好mix and match😋 有選擇困難嘅人亦可以參考三款唔同嘅推介組合！.我揀左扁意粉+芝士汁+帶子+溫泉蛋呢個組合🍳 等左一陣就上枱喇😆 用鑊仔裝住嘅意粉賣相好吸引！醬汁同餸菜比得毫不吝嗇，意粉硬度適中，帶子有咬口，芝士汁夠香濃，温泉蛋更增添滑溜口感同蛋香，真係一個唔錯嘅組合！.朋友嘅扁意粉/意大利飯+芝士汁+帶子+牛柳粒同樣吸引😛.份量多多嘅車仔意粉都只係五十幾蚊，真係幾抵食！.傾傾下計有啲口喝，要左杯鮮奶抹茶，唔會太甜，好飲啊🤪

KLN Cafe餐單提供西式, 沙律, 咖啡店等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 68463111 查詢。

您對於觀塘餐廳「KLN Cafe」有何 comment？

KLN Cafe餐廳詳細資料：

• KLN Cafe地址:
  觀塘駿業街67號駿業熟食市場1樓46號舖
  KLN Cafe, Shop46,1/ F, Tsun Yip Cooked Food Market,67 Tsun Yip Street, Kwun Tong
• KLN Cafe電話: 68463111
• KLN Cafe價錢: $51-100
• 分類: 西式, 沙律, 咖啡店
• 座位: 未知
• 付款: 現金
• FB專頁: KLN Cafe Facebook

更多KLN Cafe相關資料:

• KLN Cafe分店
• Youtube
• Facebook
• Twitter
• Google