JK Brother's 觀塘

JK Brother's 評價 相片

而嚟呢度食過幾次Lunch，今次係第一次試Dinner，環境比較暗，亦都有D嘈，但陳設係有DD韓國feel嘅~C4芝味炸彈 好特別，我覺得係必試之選！外層係好香嘅煙肉，內層係嫩滑嘅厚蛋，底層仲有芝士，真係極度邪惡！韓式步兵鍋 我估即係部隊鍋啦~ 本身唔係好食得辣，朋友們好就我，已經點咗少辣，因為越煮越辣，都係唔係好食到嗰種辣芝士果醋醬烤雞(無骨) 好惹味！除咗炸雞外，仲有韓式年糕&芝士，份量好足，好飽，食唔哂...

雖然觀塘近年多左好多工廈餐廳，但總係賣的都係一式一樣西餐，價錢分分鐘仲貴過係apm食，所以對我而言仍欠缺吸引力。

偶然發現呢間工廈韓式餐廳「JK brothers」，價錢合理，食評都唔錯，可以安心去試試。

雖然裝修欠奉，兼且大部分都係冇椅背座位，抽風系統亦一般，但食客都絡繹不絕，目測都係女士為主，或者女仔比較喜歡韓食。

餐牌選擇都唔少的，有炸雞、飯、冷麵、鐵板、鍋物、小食等等。

炸雞看似係名物，就點了柚子蜜炸雞（半份$98）。

雞件炸好之後，交由店員在鐵板上淋上柚子蜜快炒。

雖然半份得5件，但每件都大大舊，有半個女仔拳頭大。

趁熱辣辣的咬一口，柚子蜜的甜充滿口腔，被柚子蜜包裹的雞感覺變得唔熱氣，炸粉亦唔厚，醃味都足夠，雞件好滑溜，係出乎意料的好食。

步兵鍋（$138）即係部隊鍋，相信都唔需要多介紹，材料非常足，有腸仔、午餐肉、年糕、魚糕、麵、蛋、菜、冬菇、泡菜、芝士，分量好多，如果係出面食，呢個鍋最少$200。

部隊鍋我都整過，係完全零難度的菜式，湯底最緊要辣，然後放晒所有材料就ok，因為大部分材料都是現成，係預想得到的味道，但最少一定唔會有伏，呢度的亦一樣。

其實食到呢度已經好飽，之前唔知分量咁多，亦太看得起自己食力，所以叫埋芝士蛋捲（$46），雖然賣相唔錯，但個心都涼左一截，唯有盡力啦。

蛋煎得好滑嫩，裡面的芝士係流心的，的確幾好食，為免芝士餡流出來，所以蛋捲係原條上，食的時候要自己切。

飲品叫左一瓶墨爾本的翡翠（$78），即係菠蘿特飲，漸變色的賣相好靚，飲落菠蘿味雖然唔重，但幾好飲，而且凍冰冰，搭配濃味食物就最適合。

基本上呢個價錢，質素已經唔會點挑剔，唯一係分量偏多，最好人多才來，人少就要量力而為了。

有點誤打誤撞的成份來到此店吃韓式炸雞，萬料不到竟然大成功，讓我們一家嚐到了近來最佳的出品....這兒賣的炸雞走的是較非傳統路線一路，除了有不同口味味道的炸雞外，就連醮醬都有好幾款不同的選擇....未決定點那款炸雞 (因選擇多得令人花多眼亂)，轉而先想來杯特飲喝喝，怎知光睇那一版餐牌，同樣令我眼花，而且每款都花了心思，給它們都取了個挺特別的命名....最後點了"秋天的童話"以及"葡萄園之戀"兩杯三人開心share.....前者乃是柚子蜜口味而後者則為巨峰提子 (查實一睇色水就已估到了)。

沙冰的確令人凍入心痱的，入口帶起沙有溶溶之感。

味比我想像中調得甜，愛甜者實大愛之，而且份量十分多，好像永遠喝不完似的....前菜來了一份石鍋豆腐沙律。

將沙律置於石鍋當然只是一個gimmick (難道是熱食咩?)；沙律菜上舖了過份地多的醬汁，有點喧賓奪主之感；豆腐亦只是普通的"百福"貨色，沒有甚麼豆香；菜亦切得有點碎濕....這裡有一個韓風小食拼盤，名為"獨島之戰"，伴頭份量確夠驚人，但索價竟不到百大洋，實在是十分抵食....不僅如此，味道整體上還不錯  造型最特別當要數到那兩小只餐肉煎蛋壽司，料想不到這材料尋常不過的壽司飯組合起來味道又挺不差呢；雖然我一向不喜歡八爪魚丸內那pat黐笠笠有如漿糊般的粉漿，但起碼八爪魚粒卻是實實在在的可在饀中找到；豬蹄皮爽肉嫩甚見水準；吉列豬是稍有失色的一味，肉似乎有點乾了....來到戲肉的原味炸雞。

份量一如外頭那些韓式炸雞名店的多；肉的醃味適中不會太over之餘最重要是真正的皮脆香而肉軟嫩，其juicy的程度是我所遇過的韓式炸雞中最多的。

若論水平，是絕對不輸於那些所謂名店的出品.....時到今日，太太還在回味這兒的炸雞，說要找天回去食呢....

聖誕節本來約左朋友大家一齊去食西餐，點知朋友話好肚餓可唔可以早d食，但預訂既餐廳已經full booking 冇得提早，唯在改食其他餐廳，一早已經想去試呢間工廈韓菜，所以即刻打電話問下有冇位，太好喇，我地6點上到去佢岩岩先開， 環境似係canteen 感覺，開放式廚房，所以後來坐多幾枱客後，已經有油煙出左黎，但亦無損我地愛吃既心佢自家製泡菜唔係送架，要另叫$15 係偏甜唔太辣個種南瓜天婦羅外脆內軟用黎裝沙律🥗既石頭碗都冰鎮過，十分抵讚👍呢個係結合西多士底+流心蛋 既芝味炸彈

I try for this restaurant for 1time before which is really private and located in a factory building. If you come here after 7:00 you need to register your ID with the security guard.This time i have order two things: 1. Honey fried chicken 2. Kimchi fried rice The honey chicken is too fat, I not recommend for this dishes.Kim chi fried rice is quite good but need to eat that faster as it will become sticky after few mins.

JK Brother's餐單提供韓國菜, 日本菜, 薄餅, 烤肉, 韓式炸雞等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 37059501 查詢。

您對於觀塘餐廳「JK Brother's」有何 comment？

JK Brother's餐廳詳細資料：

• JK Brother's地址:
  觀塘開源道54號豐利中心5樓507室
  JK Brother's, Unit507,5/ F, Hewlett Centre,54 Hoi Yuen Road, Kwun Tong
• JK Brother's電話: 37059501
• JK Brother's價錢: $51-100
• 分類: 韓國菜, 日本菜, 薄餅, 烤肉, 韓式炸雞
• 座位: 未知
• 付款: 現金
• FB專頁: JK Brother's Facebook

更多JK Brother's相關資料:

• JK Brother's分店
• Youtube
• Facebook
• Twitter
• Google