Jaspas Restaurant 西貢

Jaspas Restaurant 評價 相片

去完西貢玩水上活動通常都會食埋晚餐先走除咗海鮮其實西餐都係好多選擇今次去左市中心中庭公園附近嘅其中一間叫JASPAS餐廳試試佢今次我哋多人 所以可以叫好多唔同嘅野食share8個人分兩張枱叫左個pizza同ribs share之後再分開叫個pizza薄底好脆口 同埋岩岩好8件分得盡👍🏼個ribs勁大份 不得了仲要好多肉 好好味😋我張枱另外再叫左個salad, pasta同risotto分量好多 4個人都夠哂！野飲都有好多選擇唔想飲酒既我 叫左杯mixed fruit smoothie 都好味

平時經過都唔會想入去，今日朋友話不如試吓，就即管入去坐低，面目猙獰，完全無禮貌，講嘢無尾音，態度囂張，好似唔想做生意，即刻唔繼續落order，起身走人，以後終身不入

星期日帶左小朋友去西貢玩, BB大個左可以唔駛煮定LUNCH比佢, 同我地一齊食大人食物, 熱辣辣的玩了一個上午, 又係搵食的時間啦 !西貢好多地方食野, 但我地想搵間坐得舒服的地方,又要有BB CHAIR, 最後揀左Jaspas Restaurant, 原本坐室外, 但太多人所以選了室內。

特別一提, 餐廳細心到會有提供蠟筆及畫紙比小朋友玩 (蠟筆就唔係一次性), 仲有兒童餐, 餐廳以西式為主, 價錢亦唔算平, 如果有LUNCH SET仲好。

我地最後揀了 :精選PIZZA 磨菇白汁天使麵 Hot cappuccino精選PIZZAPizza 好正, 易入口, 焗得好脆磨菇白汁天使麵份量原來好大份, 汁多唔會太咸, 小朋友好中意食當日我地坐入面得我地, 感覺舒服, 職員全部係外籍但親切有禮。

西貢的確比人好chill嘅感覺，本來想坐出邊嘅露天位，但當日真係太大風，所以坐咗餐廳裏面。

餐廳裏面都幾大，有好多位。

Fajita上菜時仲係熱到sa sa聲，叫咗雞胸，一啲都唔會鞋，都幾嫩滑，配有四小塊墨西哥薄餅，墊喺下面嘅洋蔥好甜仲有少少黃椒紅椒，略嫌太少紅椒黃椒。

可以自己慢慢包，鍾意包幾多配菜都得，又可以自己控制調味料嘅份量。

薄餅嘅底超級薄，薄到非常脆，唯一好嘅係上面好多芝士同埋熱辣辣，所以點都會好味。

呢個闊條麵比較淡，雞粒亦都非常鞋，調味可以加重少少，整體冇乜味道。

呢碟非常辣，但意粉嘅軟硬度啱啱好，略嫌蒜香唔係好夠。

整體價錢比較貴，應該唔會食第二次。

疫情之下，人人自危。

政府規定六時後不準堂食，大家只好乖乖地係屋企食飯。

往年生日都係食火鍋，今年決定搞搞新意思，轉食火雞。

其實尼個idea 一開始就遇到屋企人反對，不過最後都同意俾birthday girl揸fit, 上網搵咗一輪，終於拍板訂Jaspas 嘅火雞套餐。

我地同餐廳約咗下晝三點攞餐，佢哋準時call我地話火鷄已ready for pick up, 去到餐廳已經睇到成箱食物擺晒係個box度，佢哋仲好好人地幫我拎上車。

隻火雞約6公斤重，算係隻「鷄仔」，本來大家預咗火雞肉會「嚡」，結果係出乎意料的好味。

Dinner 五個人食，幾經辛苦食咗小半隻雞，剩番嘅食物仲可以食多兩餐。

我以前未去過Jaspas，唔知佢哋第D食物嘅水準如何，但係隻火雞的確係唔錯，以後有機會都會回頭再訂！

Jaspas Restaurant餐單提供西式, 薄餅, 動物友善餐廳等推介美食位於西貢區，餐廳座位數未知人均消費約$101-200，結賬可以用Visa,Master,現金,AE，Booking訂位可以電話致電 27926388 查詢。

您對於西貢餐廳「Jaspas Restaurant」有何 comment？

Jaspas Restaurant餐廳詳細資料：

• Jaspas Restaurant地址:
  西貢沙咀街13A號地下
  Jaspas Restaurant, G/ F,13/ A, Sha Tsui Path, Sai Kung
• Jaspas Restaurant電話: 27926388
• Jaspas Restaurant價錢: $101-200
• 分類: 西式, 薄餅, 動物友善餐廳
• 座位: 未知
• 付款: Visa,Master,現金,AE
• FB專頁: Jaspas Restaurant Facebook

更多Jaspas Restaurant相關資料:

• Jaspas Restaurant分店
• Youtube
• Facebook
• Twitter
• Google