Cozy Corner 西貢

Cozy Corner 評價 相片

今日與女友往西貢Cozy Corner食英式下午茶，享受假期的幸福!由於小弟好耐無試過英式下午茶「大鄉里出城」，依稀記得食的次序是先食上層，之後中間、最後食下層；而中間的鬆餅則先塗果醬，之後塗奶油，吃一口後再塗果醬及奶油，最後咖啡則杯耳向右，茶匙則放在45度角，希望今日食英式下午茶無失禮吧，講番食物，上層的煙三文魚，哈蜜瓜煙火腿和蜜瓜鵝肝都好甘香，中層的提子鬆餅和原味鬆餅，熱辣辣好好味，下層的朱古力，天鵝曲奇餅和奶油餅味道不錯，好好食的下午茶

自從第一次來過後就愛上這裡的西班牙燒乳豬, 每次來都必吃。

今次他選了一個我們未試過的小食calamari 。

個人來說覺得炸得頗厲害, 而且沒甚味道。

每次來吃的西班牙燒乳豬的在水準之上, 今次就不達標了, 乳豬皮燒得太乾硬, 乳豬肥肉太多, 而且肉韌, 奇怪突然水準下降了這麼多, 希望是一時失手。

燒春雞還算合格, 雞肉嫩, 香草味清新。

希望下次再來回復水準。

星期一媽咪生日，破例唔食中菜改試西餐，三代人啱啱好坐满一架七人車。

有人做司機，當然去遠啲都冇問題，朋友介紹過呢間餐廳，評語唔錯，一於試吓。

打電話去訂位時，問可唔可以訂埋生日蛋糕，職員話訂蛋糕要預早一星期，我哋太遲，建議我哋叫個小甜品，佢哋可以喺碟上寫字。

但我覺得有生日蛋糕好啲，可能我夠誠意，佢幫我問咗餅師，好快覆我冇問題星期一西貢比較靜，當晚餐廳只有另外兩枱客，我哋點咗6個主菜，另加法式洋蔥湯&是日餐湯，同埋牛油果蟹肉沙律。

最先上枱嘅係香蒜包，雖然有少少辣，但好香脆，兩個姨甥女都搶住食。

再嚟係洋蔥湯，我冇飲，個樣幾得吓，多士上有烘到漲卜卜嘅芝士；餐湯係南瓜湯，好濃好香；牛油果蟹肉沙律好多蟹肉，醬汁甜甜酸酸，好開胃，如果牛油果再熟啲就perfect。

主菜叫咗燒全雞、肉眼扒、煎銀鱈魚、煎三文魚、西班牙乳豬&焗羊鞍。

先來兩碟魚，銀鱈魚油脂充足，點煮都好味；三文魚有啲驚喜，魚肉上鋪咗一層我最愛嘅薑茸，醬汁係蜜糖芥辣，好特別。

聽講西班牙乳豬係招牌菜，有啲期待，一上枱，兩個小朋友已急不及待要食豬皮，轉眼全碟掃光，我只食到少少肉&伴碟嘅沙律菜，下次要叫多一碟至得。

肉眼扒好大件，肉質夠淋，燒汁有好香松露味，好味！至於羊鞍就唔知得唔得，因為我唔食羊。

等咗好耐至出場嘅燒全雞，比想像中大隻，侍應話最少要焗35分鐘，所以要等耐啲。

平時我好少食雞胸，但今次切咗一塊雞胸食，竟然好嫩滑，仲有好香嘅香草味，有啲意外。

食完主菜，輪到神秘蛋糕出場，我知係栗子夾心蛋糕，外形只喺電話形容畀我聽，媽咪鍾意玫瑰花，我估應該唔會出事啩。

登登登櫈!!!一捧出來，見媽咪笑到見牙唔見眼，即刻放心晒，係三色玫瑰花呀，真係好靚。

栗子蛋糕都好好味，唔太甜，啱我哋食，不過小朋友唔食栗子，問下次可唔可以改朱古力蛋糕，哈哈!一餐飯食咗兩個幾鐘，環境舒適，食物有誠意，侍應好有禮貌，一家人過咗好開心嘅一晚。

J先生話慶祝拍拖六週年紀念, 決定入西貢食西餐慶祝我不想去我倆常到西餐廳, 上 OPEN RICE 尋找 COZY CORNER氣氛算浪漫的...可惜新來的服務員弄錯了; 把我原先訂了二人梳化位, 給予了別人當日餐廳已滿座了! 結果被安排我倆座門口第一張四人枱!微暖的蒜蓉包J先生看完餐牌, 覺得前菜款式不太吸引...提議先點了兩個主菜...加支酒!!MOSCATO D'ASTI $480甜甜的, 容易入口味道似雪碧 + 啤酒!服務員走來說牛扒12安士已沽清; 只有10安士, 14安士J先生話: 改14安士吧!燒西班牙乳豬配薯角及沙律 $268乳豬皮, 乳豬肉分開的乳豬皮夠脆口, 乳豬肉腍! 可惜不夠熱薯角不夠脆而腍了! 沙律醋酸甜適中!美國安格斯高級黑毛西冷牛扒 (14安士) 配松露, 松露燒汁, 蘆筍 $378牛扒夠香濃又有肉汁; 七成熟, 竟然有過多血水...沒有松露香味 比利時酒香心太軟 濃郁朱古力蛋糕, 配上流心朱古力主菜令我倆有點失望COZY CORNER 總結: 還可一試!

西貢我都成日蒲架,因有個好姐妹朋友住西貢.靚女朋友係COZY食個一次HIGH TEA話正,推介我來買曲奇.因係HOMEMADE的,無落防腐劑,值得支持這間小店.今天一支公入來去朋友屋企開P,順便走來買兩盒曲奇先,行入餐廳見裝修好靚喎,藍和白色為主調,好舒服好RELAX呀.買左兩盒曲奇,每盒88元,買左同家姐亞哥們一齊開心SHARE食.人人口味有D唔同,朱古力曲奇:家姐和亞哥話苦苦地好香好鍾意,老爸話好苦呀,唔好食,自己朱古力狂迷,就覺得好正呀.伯爵茶曲奇:好有茶香呀,個個讚好,一件接一件係咁食.焦糖曲奇:大家覺得牛油味香濃,味道唔錯.個餅罐家姐和老爸都喜歡,每人儲番起一個,真係好似婆仔亞伯收起個罐當寶咁,嘻嘻,好鬼攪笑.因西貢靚女朋友極力推介我必食HIGH TEA,重講到五星的環境,食物係五星酒店的水準,哈哈,有無咁誇張呀.但聽到我流晒口水,咩都假搵番隻腳一齊來HEA住HIGH TEA至實際,食得是福嘛.西貢係一個我好喜歡的地方,一個小小的地方,行吓海鮮街,買吓茶果,行吓街市,行吓中心位多間小店,睇吓有機菜等,一個小小地方咩嘢都有咁,超正.

Cozy Corner餐單提供法國菜, 地中海菜, 西餐廳等推介美食位於西貢區，餐廳座位數28人均消費約$201-400，結賬可以用Visa,Master,現金,AE,銀聯。

您對於西貢餐廳「Cozy Corner」有何 comment？

Cozy Corner餐廳詳細資料：

• Cozy Corner地址:
  西貢普通道183C號地下
  Cozy Corner, G/ F,183 C Po Tung Road, Sai Kung
• Cozy Corner電話:  
• Cozy Corner價錢: $201-400
• 分類: 法國菜, 地中海菜, 西餐廳
• 座位: 28
• 付款: Visa,Master,現金,AE,銀聯
• FB專頁: Cozy Corner Facebook

更多Cozy Corner相關資料:

• Cozy Corner分店
• Youtube
• Facebook
• Twitter
• Google