鬼混 西環
地址: 西環南里8號地舖
最後更新:
鬼混推介
人氣打卡餐廳，裝修走復古奢華風格，並保留舊店的大宅設計；食物則以fusion口味為主，糅合泰、越、西式美食特色，風味獨特。
西環鬼混
| 餐廳分店 | 鬼混 |
|---|---|
| 地區 | 西環 |
| 電話訂位 | 59202838 |
| 餐單 Menu | 西式, 主題餐廳 |
| 人氣指數 | 1224 |
| 價錢幾錢 | $201-400 |
鬼混訂位位於西環區，詳細地址是西環南里8號地舖，餐廳寬敞座位數目共有未知幾多個。鬼混幾錢？價錢優惠後人均消費大約$201-400埋單，早餐午餐晚餐鬼混餐單包括有西式, 主題餐廳等美食，付款方式有Visa,Master,現金,銀聯,Apple,Pay,Google,Pay付款，Booking網上訂位可以電話致電 59202838 查詢訂座。
鬼混優惠
鬼混 評價 相片
近期看過石塘咀歷史，想親身來一趟看看這社區，既然曾經有塘西風月之名，一間名為［鬼混］的餐廳名便吸引了我眼球，於是來這地方鬼混一番。
餐廳有露天位外，樓高兩層，整體四個區域供客人坐，是日被安排上2樓樓梯右邊近廚房區。
餐廳有古堡大宅的感覺，好特別，擺設裝飾也別具一格。
很喜歡這餐廳環境，打卡一流是日點了：桂花蘋果沙冰：香甜清新之選鮮奶咖啡：香濃龍蝦沾麵：龍蝦比較細隻，配沾麵好特別，可是是日這碟很咸，曾經有一啖好似成匙鹽食落肚。
有點失準。
鹵水鵝肝意大利飯：上檯時已非常香又吸引，鹵水很地道港式，配西式鵝肝意大利飯，別有風味。
非常好食。
四色焗蠔：菠菜蠔香口肥美，蒜蠔微辣。
這味前菜是出色好味的。
整體來說環境食物氛圍都有特色，值得光顧。
沾麵無咁咸及建議埋單時直接拎信用卡機即拍更佳。
至於侍應服務就不過不失，有自稱第一日返工不知餐牌內容的侍應，有叫埋單做埋手勢但仍不知就裡的侍應，還有拎咗張信用卡好耐都未返嚟的情況，離開時完全漠視無打招呼，甚至夾硬帶新客入座要舊客行行下都讓路但唔該都無聲。
如果服務能賓至如歸些，份微微量多番少少，應該更吸客，氛圍和性價比會更好更完美。
假期去拍拖，今次遊歷到香港大學站，自2014年尾開通都未去過。
以為舊區只有舊樓舊街景，原來附近好多新嘅高層私人樓宇，其中行到一幢樓宇底層，係一間樓高兩層嘅特色餐廳”Viewonwon “ 餐廳分咗幾個唔同風格嘅區域，沿樓梯上，好多畫🖼️鏡🪞，上層有東南亞+歐陸風情feel。
原來呢間新舖開業未夠一年😍😍，都算係新嘅打卡聖地。
假期都有All day breakfast 至17:00 👏🏻👏🏻🍽️ VEGGIE BREAKFAST 沒有肉的一頓早餐 $158 ～ 素食all day都可以好飽🤭🤭🥦🥑🍞🧀🍳🥬🍅Baked portobeilo mushroom with cheese, avocado, hash browns, grilled tomato, mixed pepper, sunnysideup egg, salad & bread 🍽️ BAGEL SANDWICH $128自家製貝果三文治 🥬🍅with letture, tomato, smoke salmon （dressing Sriracha Sauce）+ $25 🍟 Fries 🌟早餐set order any drink on the menu & enjoy HKD$20 off.我哋揀咗2杯 Speical coffee ☕️SEASALTED CARAMELCOMB$48Homemade caramel crunch with thick stram milk foam.☕️ TIRAMISU $48 ～好正好好飲👍🏻👍🏻It has creamy vanilla notes with a hint of cocoa.
聽friend 介紹都聽過幾次，話氣氛好正，小食又得意，但一直未有機會去朝聖一下，今次襯住過海一於去嘆下酒！vie won won 位置比較近大學站，出地鐵幾分鐘就到南里，環境幾靜。
餐廳有戶外位，tea time 應該都幾正。
餐廳樓高兩層，餐飲區係2樓，門面裝修得好精緻，detail位整得幾有心思，令我想停低慢慢四圍望。
用餐區比較暗，情調十足，鬼混就啱晒😂落地大玻璃，望住一大片街景，位置好寬落。
◾︎咖喱粉薯條🍟 XO sweet sauce薯條係即叫即炸嘅，係幼身脆卜卜嗰款，唔會好油，一如既往咁好食，完全勁啱送酒。
咖喱味好香，其實唔使sauce都好夠味。
每款炸物可以配一款醬汁，揀咗XO醬呢一款，少少香辣，又有啲啲咬口。
◾︎廚師推介的蜆想揀一款前菜，職員推介今日廚師精選。
沙白本身就唔算好大隻，不過每隻都幾好肉地，排好晒一圈圈，再加啲酸酸辣辣嘅醬汁，係開胃菜。
◾︎慢煮西班牙豬肋骨 半份本身想嗌一份嘅，不過職員建議四個女仔叫半份，啱啱好有四件。
豬肋骨係慢煮嘅關係，肉質好鬆軟，而且唔會過硬，好juicy。
唔係忟煮嗰種淋身，加上有啲肥膏，溫度整件豬肉骨有啲爽口。
另外值得一讚，仲有焗原個蒜頭，好香好濃。
◾︎香煎鴨肝配封門牛封門牛本身油脂無咁重，肉味比較濃。
揀咗五成熟，廚師都拿捏得好好，唔會好鞋身亦都嫩口。
鴨肝唔算好大件，不過少食多滋味就冇乜所謂啦。
配咗少少黑醋醬，令到整個course 唔會太過肥膩。
薯蓉超好食，如果想再encore的話，一定會再食薯蓉。
◾︎龍蝦沾麵廚師用西式嘅整法，不過就玩上咗類似日本嘅拉麵，個麵比較硬身。
半隻龍蝦都幾好肉地，爽口彈牙。
◾︎out of the dark ◾︎pink lady 揀咗杯pink lady，好得意又爆炸糖喺邊，雖然用柚做底，不過都冇話太酸，配埋酒一齊飲感覺得意。
如果想揀一間餐廳情調唔錯，但係又唔使太拘謹，又有少少酒飲，呢間會係唔錯嘅選擇。
💛鬼混 (西環) @viewonwon 📍西環南里8號地舖
今次係網上見到呢間超有特色西餐廳，入面裝修真係令人眼前一亮，門口位睇入去以為係cafe，再慢慢行樓梯上去就會見到果種壁畫同裝飾，直頭好似入咗哈利波特世界咁😆———————————————🌟Hanger Steak With Foie Gras 香煎鴨肝封門牛柳 $298成個菜式擺盤非常有心機，放曬落種材料上面。
牛柳已經預先切好兩份，一望已經可以見到好粉嫩嘅橫切面，食落亦都非常重口味一啲筋位都冇。
至於鴨肝都係分咗兩份，雖然份量比較細但係味道都唔錯，外皮香嫩且入口即溶。
.🌟Lobster Tsukemen 龍蝦沾麵 $218龍蝦熟成度適中，肉質非常彈牙，沾麵煙韌度超啱我心水，係果種好有咬口嘅感覺。
至於個沾麵汁都好重龍蝦味，會有少少Creamy但又唔會感覺太膩，如果份量再多少少就更好喇～.🌟Magic Mushroom 迷幻蘑菇 $98呢個甜品真係睇得又食得，完全係超令人驚喜，一開蓋就又煙霧彌漫嘅感覺，蘑菇上面係士多啤梨雪葩下面就係芒果雪葩。
最特別嘅地方其實係佢周邊果一堆五顏六色嘅脆脆，咩味道同口感都有真係夠曬迷幻，你會食到甜、酸、咸同辣，完全係一個味蕾嘅沖擊。
.🌟Pink Lady $96呢杯Cocktail係用Vodka底，加有西柚同石榴，最特別嘅地方係佢地嘅Rimming唔係用鹽，而係用爆炸糖，第一下入口會比較甜少少，後面會有少少酸味出返嚟。
.🌟White Chocolate Hojicha Frappe $58呢杯非常推薦，味道唔會太甜啱啱好，而且個培茶味仲好出👍🏻.🔸整體評價🔸整體食物同環境都非常滿意，係一次好難得嘅體驗。
餐廳服務都唔錯，一開始仲有提供鹹蛋黃脆脆，真心好好食，食完都忍唔住再refill咗次😋
山道嘅過山車天橋就好出名喇！大家又知唔知原來山道後面仲隱藏咗條隱秘嘅橫巷呢？平時行過都唔係好留意到佢 夠晒隱世❣️素聞呢條暗巷有一間餐廳嘅食物同打卡都有質素 呢一晚特登搵左西區嘅朋友一齊去探究一番晚上燈光微弱下 餐廳就似一座陰森古宅一樣 充滿神秘感******************************環境：推門進去 燈光璀璨 同外面嘅世界成一明顯對比大堂怖置呈古典英式設計 充滿電影感左邊係一條好有氣派嘅長樓梯豈料轉彎後更係令人驚嘆不絕 不得不駐足欣賞詳情就留待大家親自嚟體驗💕而樓梯上 早有服務員準備好帶客人座******************************食物s:一入座 店員即為我哋送上免費嘅餐前小食係鹹蛋黃粟米片嚟 食落咸甜咸甜咁🦞Lobster Tsukemen 龍蝦沾麵 ($218)賣相精緻 且西、日元素兼具嘅菜式❣️以日式沾麵配搭龍蝦 感覺新奇龍蝦沾麵超級掛汁 每一條麵條都沾上龍蝦汁麵條嘅質感食落好煙韌 味道適中唔會太鹹 有大大隻龍蝦 蝦肉食落爽口彈牙加埋配料蘑菇、蕃茄粒同洋蔥 粒 更有層次感 仲有咸肉粒 咸咸哋充滿油脂香味😋🦀Crab Meat Risotto 蟹膏蟹肉燉飯($198)蟹肉飯睇落唔係好大 但原來份量好多❣️蟹肉絲同蟹膏份量好多 感覺好rich意大利飯煮得啱啱好 索晒肉汁夠曬creamy😝而且仲加入辣汁 食落都有啲辣辣哋 好惹味配料方面有磨菇同蟹籽 好有咬口最特別係仲灑上桂花碎 帶有一份桂花香氣🥀🍑Hot German Peach Tea ($46)呢set蜜桃茶嘅外型打卡一流 粉紅波點設計茶具帶有復古味道 桃香味突出 感覺清新 一大壺啱晒同朋友慢慢傾住嘆茶🍸Out of The Dark ($92)清新嘅青檸汁同埋菠蘿中和咗Tequlia 嘅苦味因為有green chilli成份 入口都有少少辣 呢款算係比較易入口嘅一種cocktail 唔係太識飲酒嘅新手都可以一試🍄Magic Mushroom ($98)見到每枱都會點呢個甜品 上枱時嘅effect充滿仙氣✨磨菇部份應為士多啤梨雪芭 味道好酸甜💕 入口時感覺冰涼 好好味 而蘑菇蒂部嘅芒果雪芭 口感好軟滑 酸酸地好解膩******************************小結：帶住期望嚟到 呢度果然冇令人失望❣️配合高樓底 餐廳呈現出英式古典氣派而環境嘅精心怖置亦盡顯店家心思🫶🏻到處都係打卡位呢度食物選擇雖然唔算多 但質素亦算係出色整體而言 係性價比好高嘅一間餐廳非常適合嚟呢度同朋友慶祝呀🫶🏻
鬼混餐單提供西式, 主題餐廳等推介美食位於西環區，餐廳座位數未知人均消費約$201-400，結賬可以用Visa,Master,現金,銀聯,Apple,Pay,Google,Pay，Booking訂位可以電話致電 59202838 查詢。
您對於西環餐廳「鬼混」有何 comment？
鬼混餐廳詳細資料：
- 鬼混地址: 西環南里8號地舖 Vie Won Won, G/ F,8 South Lane, Western District
- 鬼混電話: 59202838
- 鬼混價錢: $201-400
- 分類: 西式, 主題餐廳
- 座位: 未知
- 付款: Visa,Master,現金,銀聯,Apple,Pay,Google,Pay
- FB專頁: 鬼混 Facebook
更多鬼混相關資料:
香港餐廳2026推介8月