藍山食坊 西環

藍山食坊 評價 相片

平時返工趕時間出門，都好難慢慢嘆個靚早餐。

今日放假一於叫個外賣食下啦😜漢堡扒煎蛋麵🍳🍜💥💲43配熱飲一杯，凍飲加$3外賣送到屋企啲麵無淋到，同埋仲熱辣辣架‼️👍🏻 出前一丁麵口感彈牙，煮得啱啱好。

漢堡扒肉汁豐富，鹹度適中。

至於隻煎蛋好好食，係我平時屋企煎既模樣😍 蛋黃係好似糖心甘既狀態💛湯底係另上既，甘樣就唔會浸到個麵腍哂。

不過略嫌個湯底鹹得滯🤦🏻‍♀️我本身好怕食到個蛋黃係生既，一督就爆哂出嚟。

今次食到糖心蛋黃，好有驚喜，好感動🥰屋企人就揀左漢堡扒炒蛋配薯餅，薯餅炸到金黃色，香脆之餘，薯蓉好足料❣️😍

香港人日忙夜忙都無咩時間好好食個早餐有時間當然要好好嘆番餐啦今日經朋友推薦專登去左呢間藍山食坊都食返個靚早餐今日我就叫左一碗餐蛋麵同一杯凍檸啡個餐蛋麵睇落好似同一般嘅無咩分別但係個湯底就零舍唔同 一般外邊嘅茶餐廳都不外乎係用味精粉沖湯 而呢到個湯雖然好濃食完又唔頸渴加埋杯凍檸啡真係無得頂我諗都冇乜人聽過凍檸啡 因為真係唔多地方有所以如果大家真係有行過真係要去試下檸檬加咖啡真係別有一番風味~~~~~~~~~~~~~~~~~~~~~~~~~~~~~~作為一間平民茶餐廳真係冇得頂

藍山食坊是西營盤一帶比較有誠意的茶餐廳，眾所週知西營盤食店多，但人愈多，名氣愈大，食物質素愈叫人失望。

藍山一直係即叫即整，食物就算是快餐，下午茶炒粉面，都會熱騰騰端上餐，一點不馬虎。

重點價錢平民，30多元一個下午茶餐包飲品，性價比高。

相比同區名氣大的茶餐廳，我更喜歡藍山......推薦大家吃乾炒牛河，熱騰騰，而且份量夠，係好多工人哥哥既好選擇。

大家要留意一下，藍山只開到晚上7點半左右，別晚上時候去哦，免得碰壁....

作為一間街坊茶餐廳，藍山食坊嘅優勢勝在鋪頭員工態度親切。

佢哋成日都：你好、唔該、多謝曬，唔係機械式嘅語氣，小妹食個晏仔唔駛影響心理情緒，唔會黑口黑面離開。

午餐嗌咗個黑椒雞扒火腿飯加杯熱咖啡，雖然個飯唔係好特別周街都食到，但＄37個飯包杯熱飲，算係平價價錢，真係街坊小店先做到。

佢哋認得啲客，好記得熟客嗌開啲咩，就算只嗌杯野飲都好好禮貌。

午飯時候好多附近嘅中學生去食，店員都會以「細佬」去稱呼，而且同佢哋有好多互動。

個種親切感，令第一次入去食嘅我都覺得好窩心。

近年西環急速豪宅化, 單棟式的新樓都賣過萬蚊一呎, 地鐵建成後更不敢想像, 舊式陳年老店必定買少見少. 這間不起眼, 平常過平常的茶餐廳, 由香港大學經水街往下走, 轉入皇后大道西, 門口設計為窄三角凹入的店, 玻璃窗廚並非水平而建, 而是大約二十度的角度切入店內, 莫非與風水有關?下午茶炒粉麵有六項, 炒飯只得一種: "西炒飯", 胃口唔多好, 西炒飯正合心意, 少少酸和鹹味結合.先來一杯奶茶,不喜歡金屬杯, 冷冰冰的感覺, 話我主觀也好, 點都覺得唔及瓦杯來得夠風味, 飲港式奶茶唔同飲西茶, 個人口味認為, 濃而奶重的飲品要用厚身杯, 淡而味香的飲品宜用薄身杯, 所以, 飲”伯爵茶”, 適宜用薄薄的骨瓷杯,飲港式奶茶一定要用厚身耳仔瓦杯, 重係傳統重手有條紅邊款式, 飲餐酒都有分不同杯, 不同味道, 窄口和闊的味覺不同, 奶茶都有分別噢選用鮮藍色的圓碟, 裝上橙紅色的西炒飯, 養眼宜神, 香氣騰騰,相貌相當吸引, 不知色香之餘是否味美? 炒飯材料有蝦仁, 洋蔥, 雜菜, 火腿, 腸仔, 蕃茄, 蛋絲. 蝦仁夠大粒, 去除蝦腸, 一讚!唯師傅炒得唔夠乾身, 不過此仍”西炒蛋”的通病, 西炒飯與其它炒飯不同之處, 炒時需要落蕃茄醬,導致水份增加, 其他炒飯便不需要, 縱使如此, 這碟飯炒得尚算粒粒分明,絕無黏著一舊舊和濕淋淋的感覺, 反而飯身粘滿蕃茄汁, 口味鹹中些少酸, 酸中些少甜,開胃醒神.

藍山食坊餐單提供港式等推介美食位於西環區，餐廳座位數未知人均消費約$50以下，結賬可以用現金，Booking訂位可以電話致電 25461592 查詢。

您對於西環餐廳「藍山食坊」有何 comment？

藍山食坊餐廳詳細資料：

• 藍山食坊地址:
  西環西營盤皇后大道西420號地舖
  Blue Mountain Restaurant, G/ F,420 Queen's Road West, Sai Ying Pun, Western District
• 藍山食坊電話: 25461592
• 藍山食坊價錢: $50以下
• 分類: 港式
• 座位: 未知
• 付款: 現金
• FB專頁: 藍山食坊 Facebook

更多藍山食坊相關資料:

• 藍山食坊分店
• Youtube
• Facebook
• Twitter
• Google