薈萃閣 西環

薈萃閣 評價 相片

入住3 星級酒店，包一個自助餐，冇諗過食物可以咁高質，感覺到酒店真係好用心首先講吓啲海鮮，我哋主要叫咗三文魚同埋吞拿魚，三文魚好厚同埋好新鮮。

而熟嘅嘅海鮮當中我最鍾意就係食牛油青口，真係食完都會想再繼續食多幾次另外Pizza好好味，因為佢夠薄，口感十足，而且足料我想讚一讚呢間餐廳嘅就係，佢將一啲好似唔重要嘅食物整到好好食，例如豆腐花好滑，黑芝麻糖水入面又有芋圓，仲有菊花茶都好清甜。

同埋雞蛋仔都係即叫即整，非常軟熟。

可能佢食物嘅質素未必有五星級嗰啲咁好，但係個價錢來講係十分之唔錯，西式甜品我覺得係中等，仲有本身叫咗個酸辣米粉，太鹹唔好食。

總括嚟講係值得一去

說到『自助餐』，BeautySearch 總覺得這是屬於西方的文化，所以，吃的東西也是以西方美食為主，不過，最近 BeautySearch 來到港島太平洋酒店吃自助餐，發現這這裡的自助餐注入了大量中式元素，令自助餐充滿中式味道。

原來 ， 餐廳推出飛『粵』夢『功』場自助晚餐，廚師精心製作，挑選工序繁複的傳統功夫菜，展示匠心獨運的傳統中式烹飪技巧。

就連店內的裝飾設計，都充滿中式格調。

習慣吃自助餐先吃冷盤的 BeautySearch，眼球第一時間便被這大大隻的龍蝦吸引著，不但色澤鮮艷，肉質爽口彈牙，而且還有滿滿的龍蝦膏喔! 接著，搭配一個壽司剌身小併，選擇也不少，我喜歡的也可選，而且相當鮮味。

一品富貴鴨也是傳統中式功夫菜之一，蝦子餅更特意替我揀來最多肉的腿位，啖啖肉，加上外皮帶點脆口，相當滋味。

百花釀金錢外型相當標緻，個蝦膠仲好好食，添上蟹籽更添口感。

這蟲草花螺頭燉雞湯是 BeautySearch 的最愛，相當中料，每一盅都有大大粒螺頭，味道鮮甜味美，滋肺補腎、抗衰老，更可提高身體免疫力，是時候補一補。

這款黃金鰻魚卷味道也相當吸引，注入日式元素，蟹籽加上鰻魚，搭配沙律醬及香酥外皮，口感酥脆。

最後，還為每位食客奉上一客荔蓉鮑魚酥，雖然已很飽了，但實在太吸引了，叫人難以忍口。

甜品時間，中西美點同樣吸引，我倆揀選了數款一同享用，而洛神花荔枝布甸、花旗參豆腐芝士餅、陳皮蛋撻等，都注入中式元素，相當獨特，個人最欣賞的是黑糖珍珠砵仔糕，充滿兒時回憶之餘，又添加了流行元素。

真真真是最後了，來番杯蝦子餅最愛的 HäagenDazs 朱古力雪糕，完美作結。

暑假流流長，家長都絞盡腦汁安排唔同節目同小朋友一齊過暑假，加上呢排天氣氛圍都咁悶熱，今年可能未必帶小朋友出遠門，但又好掛住東南亞美食，不如近近地去港島區一次過食哂唔同國的的美食呀。

今次我地係同一個地方就可以食到哂濃郁惹味香濃美味的馬來西亞肉骨茶，足料的滋補中藥配埋油條，好正宗呀! 仲有充滿住南洋風情風味獨特的斑蘭椰漿飯。

不得不提的就係即叫即製的娘惹叻沙，以蝦頭、辣椒乾、馬拉盞、乾蔥蓉、蒜蓉、薑蓉及椰漿等熬製而成，濃郁的湯底散發着芬芳的椰香味，加上精選配料如鮮蝦、魚片、豆卜、芫茜及豆芽，吸附湯汁後，飽滿香滑，讓人回味無窮。

我最愛的台灣地道美食，就係每次去台灣都唔可以錯過的梗係台灣牛肉麵啦。

最喜歡的就係馬來西亞海南雞飯，飯以雞油、香茅、南薑、斑蘭葉及檸檬葉煮成；大廚更利用不同的香料製作白滷水浸雞，使雞肉皮滑肉嫩；配上三色蘸料有薑茸、黑豉油及辣椒醬，大廚以馬來西亞辣醬加以獨門秘方調製，混合薑、蒜、乾蔥及辣椒令其更出色惹味。

仲有馬來西椰香咖喱牛筋腩、什雜錦沙嗲串燒，有牛，豬、雞、獅子狗等多款選擇，師傅燒到外脆內軟，表面微焦，內裏多汁，加埋d沙嗲醬真係好惹味開胃呀。

除咗台灣牛肉麵係我最愛之外，台灣美食仲有清涼解熱的白玉苦瓜燉唐排、香脆鮮味的台式蚵仔煎、台式滷肉飯等，大量台灣烤香腸！大家可以一次過可食盡波波腸、糯米腸、原味腸、墨汁腸及黑椒腸呢。

台北胡椒蝦、濃香的九層塔三杯走地雞、酥香的台式鹽酥雞、香葱脆餅、香脆鮮味的台式蚵仔煎、香氣撲鼻的台式滷肉飯等等都係每次去台灣必食的，今次可以係香港一次過食到哂真係好正呀! 配埋解暑清熱的台灣地道冬瓜茶，細味樸實無華的古早風味。

而甜品都好正架，有幼滑濃郁的甜心紫薯慕絲蛋糕，大廚選用台灣甜心蕃薯，蒸煮後磨成蓉然後加入慕絲當中，伴上開心果碎，口感豐富。

當然有去台灣必食的奶香芋圓仙草凍，仲有清新口味的台灣鳳梨乳酪蛋糕，餅底用忌廉芝士製成，而頂層鋪上炒製過的鳳梨。

呢個菠蘿造型的蛋糕，除咗賣相吸引，入口都幾特別呀，加上琳琅滿目的甜品，講到甜品我最愛的非斑蘭芝士撻莫屬。

加埋任食的HäagenDazs雪糕真係令人回味無窮！唔止大馬滋味台灣風等食物，仲有大量冰鎮海鮮比一眾海鮮愛好者大擦一餐呀。

仲有即製的班蘭雞蛋仔，由師傅即場焗製，孖寶都好有耐心等食喔！同場仲有小朋友至愛棉花糖，現場即製的菠蘿椰漿液態氮雪糕，煙霧瀰漫真係令大小朋友都十分期待呀!又有香港特色中式糖水，呢個車仔檔有香滑豆腐花和芝麻糊湯丸呀!留係香港就可以一次過食哂各國的地道風味菜式，重溫返當地獨特的風土人情! 同樣大愛的就係新鮮水果車仔檔。

好多唔同種類的水果可以比大家食飽肚之後慢慢品嚐。

今個夏日，港島太平洋酒店<中西‧環>餐廳推出全新「大馬滋味台灣風」自助晚餐，雲集多款地道的馬來西亞佳餚，以及台灣街頭特色小吃，絕對係港島區 CP值超高的自助晚餐呀! 

小小豬近期愛上食自助餐，緊係啦....可以自己揀佢鐘意食嘅嘢，又可以唔洗坐定定係餐廳內行來行去，絕對係佢最鐘嘅事。

見港島太平洋酒店嘅自助餐換左以日式為主題嘅「味歷東瀛」，復活節假期冇得外遊日本，咁就嚟食一個豐富自助餐感受下日本氣氛嚟止下癮啦~為食嘅小小豬一聽到去食BUFFET就急急腳勁興奮咁出發啦~冰鎮海鮮盤絕對係第一個推介位，有波士頓龍蝦、鱈場蟹腳、紐西蘭青口、翡翠螺、大蝦同埋蜆，每一種海鮮都好鮮甜，我個人就最鐘意龍蝦同埋翡翠螺，唔覺唔覺食左勁多，又將減肥計劃忘記了...哈哈哈~冷盤小食種類都幾多，為左今次東瀛主題，都有兩款口味嘅冷麵添~當然仲有刺身同壽司啦~第二個推介位就係食個即點即燒嘅爐端燒，佢嘅種類都好多，小小豬話嗰個和牛串、墨魚串同埋小蕃薯好好食，不過佢就鐘意睇住廚師哥哥即刻燒多啲，每次出去拎嘢食都一定睇一轉先返埋位~仲有廚師即煮嘅日式拉麵，仲有三款湯底任揀，依個就係老公推介(佢食左兩碗呀)，佢話個湯底唔錯，啲麵仲好彈牙~熱食方面都有驚喜，基本上好多日式菜式都可以見到，好似有關東煮、干貝炒麵大阪燒、和風芝士牛蒡炒飯、咖喱豚肉壽喜燒.....，依啲全部都好啱小小豬口味呀~當然仲有天婦羅同日式炸雞啦~就連小小豬平日好鐘意食嘅日式燉蛋都有呀~YEAH....我地開大餐啦~食飽飽主菜就緊然開始食甜品，啲甜品都好有日本風，細細件夠精緻，而且味道都唔錯，入口唔太甜，真係唔覺唔覺食左好幾件呀~仲有我鐘意食嘅蕨餅，睇住廚師師現場即製黑糖同抹茶蕨餅，真係特別好食呀~小小豬就緊係鐘意食依個即叫即整嘅焙茶雞蛋仔，估唔到茶味雞蛋仔又幾特別~仲有即叫即整嘅棉花糖~食棉花糖啫...唔洗咁狼C樣呀...哈哈哈~食埋杯小小豬至愛嘅HäagenDazs雪糕，咁就真係完美啦~今日小小豬真係食左好多嘢，可以話係有史以來最多嘅，佢個肚真係食到好似脹爆咁，所以話呢.....我地三口子都食到超滿足飽飽咁走。

小小豬未離開酒店就已經話下次又要再嚟，咁佢嘅價錢又唔算貴，加上食物都唔錯，所以都真係可以再嚟ENCORE呀！

為左興祝表妹生日一行11人黎左E間酒店食,今次佢地既主題係越南.E間酒店我最鐘意就係佢成日唔同主題,可以叫人整唔同主題既食物,今次主題係越南,所以就整左PHO一D都唔HEA,佢地加左生牛肉,用上湯令牛焯熟,所以牛好滑,加上牙菜同埋彈牙既蒙粉!配料比你任加,有辣椒。

之後就拎埋個法包,個皮好脆同埋有生茶同豬肉,好甲好味!到其他就有面包蟹同埋龍蝦,都幾多膏,味道甜夠大隻~因為我地人多就送左梳FU里比我地不過好睇唔好食,無味道唔甜。

所以無咩點食之下,食左個雪糕收尾!

薈萃閣餐單提供西式, 自助餐, 西餐廳, 酒店餐廳等推介美食位於西環區，餐廳座位數110人均消費約$201-400，結賬可以用Visa,Master,現金,AE，Booking訂位可以電話致電 21315908 查詢。

您對於西環餐廳「薈萃閣」有何 comment？

薈萃閣餐廳詳細資料：

• 薈萃閣地址:
  西環干諾道西152號港島太平洋酒店
  ip cafe, Island Pacific Hotel,152 Connaught Road West, Western District
• 薈萃閣電話: 21315908
• 薈萃閣價錢: $201-400
• 分類: 西式, 自助餐, 西餐廳, 酒店餐廳
• 座位: 110
• 付款: Visa,Master,現金,AE
• FB專頁: 薈萃閣 Facebook

更多薈萃閣相關資料:

• 薈萃閣分店
• Youtube
• Facebook
• Twitter
• Google