祥興潮州粉麵 西環

祥興潮州粉麵 評價 相片

當工作需要'周圍走'的時候,很容易忘了吃飯. 是的,連日夜都想著吃的人都會忘了要吃的時候. 一朝到晚做的沒完沒了, 說是煩的,但畢竟是自己喜愛的,再苦的也有樂事. 只是偶爾遇著不快的事情, 想找個朋友訴訴苦,"呻一呻", 又是繼續的搏殺. 這晚收工時已是十一時許, 在西環也沒多少店子肯做生意. 上巴士到銅鑼灣再吃也太晚了, 跟朋友在附近的'祥興'吃吧. 這corner shop經過幾次, 但總沒有進去. 趁天氣不怎麼熱的夜晚去試試.坐下看看牆上的餐牌, 先要了淨水餃 ($16), 叫了不用5分鐘上桌, 熱騰騰的, 水餃算是大隻的,但薄皮之餘反而是太鬆了. 滾得快爛了.咬開肉汁是有的, 夠味亦不太鹹. 豬肉,冬菇跟蝦肉的份量相約. 但最好吃的反而是下面白白的芽菜, 挺嫩還脆口的. 跟朋友分吃了水餃, 再來一碗麵吧, 要了雙拚的魚餃魚扎河 ($16). 魚皮餃不腥, 但問題跟水餃一樣, 是"半解體"狀. 味道也有點鹹. 這陣子要吃好吃的魚扎難找. 不好吃的比比皆是. 這裡的不算難吃, 但肯定不算好吃的. 在碗內找了半天都找不到魚扎的"餡"...是空心魚扎乎? 魚肉有點鬆, 也不像有魚肉味. 河粉是一堆很腍的粉, 浸腍了, 但碗子的細小裝不下多少湯. 於是有的湯都很快給河粉吸乾了.吃得飽飽的,才不過半小時, 明天還是要努力, 再衝過...

水餃是吃過最homemade最好吃的.其他的水準也不錯..辣椒油一流, 愛吃潮式的一定喜歡.不過唔好同出面批量生產同大量味精的比,以16蚊左緊一碗麵揀直係超班!!不過地方太細, 怕熱怕窄的還是買外賣比較好.大概夜晚7點半至8點先開門,而且很多時都得事頭婆一對手, 要食就要有耐性.(p.s. 最好大家守下規矩一個叫完先一個, 佢一對手做緊野有d人又一輪咀咁叫, 點記呢..)事頭婆好過癮, 食一兩次就記得你喜好,有特別要求如走青走菜等又會加插意見.這類小舖買少見少, 8月租約期滿,會否續租或另找地方開舖也是未知之數.剛吃完就馬上上來開acc寫食評, 唔好錯過.

食過N次, 係宵夜首選有時唔知食咩好唔想諗就去食返碗啦小店是自家人經營, 4寶河加紫菜, 豬肉丸和墨丸勁正, 河粉又滑, 加埋芽菜超好味呀仲有油菜都sweet和大碟湯底清得黎又濃......... 大家明唔明?! hehe雖然係dird又要坐街食又迫......但真係別有一番風味好可惜聽講俾人收購左間鋪只係做多幾個月渣, 老細又話退休了有機會要食多幾次喇,真係回味無窮

平常食D魚旦粉D湯多數唔夠熱,但係呢間祥興D湯真係夠晒熱所以特別好味,唯一係會等耐小小^_^但都係值得因為仲好經濟好抵食又好食^_^必要試

湯底靚,魚蛋同墨丸超正!!!!!不過,大家要留意,佢係下晝4點半先開舖,做到成清晨6點,勁多人架,要有d耐性先得

祥興潮州粉麵餐單提供潮州菜, 粉麵, 米線等推介美食位於西環區，餐廳座位數未知人均消費約$50以下，結賬可以用現金。

您對於西環餐廳「祥興潮州粉麵」有何 comment？

祥興潮州粉麵餐廳詳細資料：

• 祥興潮州粉麵地址:
  西環德輔道西345號A舖
  Cheung Hing Chiu Chow Noodles, G/ F,345 A Des Voeux Road West, Western District
• 祥興潮州粉麵電話:  
• 祥興潮州粉麵價錢: $50以下
• 分類: 潮州菜, 粉麵, 米線
• 座位: 未知
• 付款: 現金
• FB專頁: 祥興潮州粉麵 Facebook

更多祥興潮州粉麵相關資料:

• 祥興潮州粉麵分店
• Youtube
• Facebook
• Twitter
• Google