神座日本料理 西環

神座日本料理 評價 相片

我到lunch 又去覓食啦~ 今次去咗堅尼地城揾間日本野食下!我地叫咗2個午市定食。

大家既心水都係食三文魚海膽飯。

三文魚海膽飯餐 (包咗 中華沙律 日式蒸蛋 麵豉湯) $88呢個餐好豐富，一定夠晒飽!日式蒸蛋個蒸蛋好滑，無煮過咗火，一d都唔老! 時間掌握得好好，入面有片菇同。

好味呀!三文魚海膽飯 三文魚有8大片，好新鮮，色澤好靚。

最出色就係個海膽，新鮮，加上入口鮮甜。

無腥既味道!!幸福又黎咗啦! 好好食呀!!!! 必叫🌟🌟🌟🌟🌟

今日去咗數碼港睇戲 睇完戲過咗去堅尼地城搵嘢食 😋見呢間餐廳價錢都還可以就入去試下啦叫咗一個 鰻魚定食跟餐亦都包咗前菜 中華沙律 日式蒸蛋 麵豉湯 日本茶 仲有幾件刺身 都幾豐富喎😄日本茶佢係玄米茶 飲落都幾消暑解渴🤤日式蒸蛋調味 幾好唔太鹹亦都唔係好老 👍👍麵豉湯就偏咸唔算好好飲今日嘅刺身有三文魚，帶子同 蟹柳帶子比較好味好鮮甜😋， 三文魚就比較普通可能唔夠新鮮嘅關係， 蟹柳就正常嘢 冇乜特別😆鰻魚定食方面，鰻魚應該係即叫即整嘅 熱辣辣 配埋啲燒汁食落都幾肥美😚，不過佢有少少碎骨，食落嘅時候要比較小心， 另外喺底度有啲嘢菜配埋 鰻魚汁食 好 惹味😁

今日好肚餓，叫咗一個鰻魚定食。

等定食嚟到嘅時間都比較久，大概15分鐘左右。

前菜有中華沙律，好開胃呀！鰻魚好大塊，好厚，好多汁。

一向食鰻魚都驚擔心有骨，但係呢一間嘅鰻魚係冇骨㗎！超好味啊。

食完碗飯，仲有一碗附送嘅味噌湯湯，真係好貼心啊！入面有一塊好軟嘅豆腐，簡直係一流。

食日本菜，最鍾意飲日本茶，好有日本風味。

可惜連加一，埋單要超過$100，有啲貴。

不過，喺港島區，堅尼地城食晚飯，物價都係比較貴㗎。

呢間日本料理餐廳係正堅尼地城地鐵站出口位，交通都算方便～午市套餐有20種定食/拉麵餐選擇，價錢都唔貴～部份定食仲配埋蒸蛋、前菜（中華沙律）、飯和麵豉湯～五色刺身定食 ($98)✨視覺上幾吸引，每款刺身都有23片，份量都幾多～✨刺身味道就不過不失，肉質算爽口，但冇咩鮮味，就算係三文魚都冇油香🙈 ✨蒸蛋都唔錯，唔會蒸到過火，配料都唔少～總結，刺身鮮味欠奉，質素不過不失，唔會特別推薦～

今日lunch好想食拉麵同鰻魚飯，所以來到小店試一下。

每個lunch set都包一客日式蒸水蛋，甜甜地，有少少冬菇一齊蒸，味道不錯。

鰻魚飯定食鰻魚不算非常肥美，份量亦不算很多，味道係正常一般既鰻魚，有少少燒汁甜味，質素一般。

反而白飯食得出係日本米，質量不錯，份量亦不少。

壽司定食壽司每一件都好大件，刺身亦肥美新鮮，有鮮甜味，賣相都不錯，可以一試。

日式叉燒拉麵定食日式叉燒有薄薄數片，叉燒味不算濃，以拉麵來講，拉麵既麵質亦比較普通，沒有什麼驚喜，湯底係一般的豬骨湯。

神座日本料理餐單提供日本菜, 壽司, 刺身等推介美食位於西環區，餐廳座位數30人均消費約$101-200，結賬可以用現金，Booking訂位可以電話致電 2986-5556 查詢。

您對於西環餐廳「神座日本料理」有何 comment？

神座日本料理餐廳詳細資料：

• 神座日本料理地址:
  西環堅尼地城士美非路45號聯德新樓地下E舖
  神座日本料理, Shop E, G/ F, Luen Tak Apartment,45-51 Smithfield, Kennedy Town, Western District
• 神座日本料理電話: 2986-5556
• 神座日本料理價錢: $101-200
• 分類: 日本菜, 壽司, 刺身
• 座位: 30
• 付款: 現金
• FB專頁: 神座日本料理 Facebook

更多神座日本料理相關資料:

• 神座日本料理分店
• Youtube
• Facebook
• Twitter
• Google