德馨苑海鮮酒家 西環
最後更新:
德馨苑海鮮酒家推介
下午1時45分剛剛下午茶時段,選了4樣食品.唔知係唔係就黎結業關係,人手好似少左,食物質素差左.叫了椰汁西米露,但真係冇乜椰子味,鳳爪冇汁,其餘2樣OK.都幾可惜,石塘咀又少一間酒樓!
西環德馨苑海鮮酒家
| 餐廳分店 | 德馨苑海鮮酒家 |
|---|---|
| 地區 | 西環 |
| 電話訂位 | 沒有電話提供 |
| 餐單 Menu | 港式, 海鮮, 酒樓 |
| 人氣指數 | 848 |
| 價錢幾錢 | $101-200 |
德馨苑海鮮酒家訂位位於西環區，詳細地址是西環德輔道西410-418號太平洋廣場2至3樓，餐廳寬敞座位數目共有未知幾多個。德馨苑海鮮酒家幾錢？價錢優惠後人均消費大約$101-200埋單，早餐午餐晚餐德馨苑海鮮酒家餐單包括有港式, 海鮮, 酒樓等美食，付款方式有現金付款。
德馨苑海鮮酒家優惠
德馨苑海鮮酒家 評價 相片
下午1時45分剛剛下午茶時段,選了4樣食品.唔知係唔係就黎結業關係,人手好似少左,食物質素差左.叫了椰汁西米露,但真係冇乜椰子味,鳳爪冇汁,其餘2樣OK.都幾可惜,石塘咀又少一間酒樓!
前幾日同個friend去德馨苑飲茶, 可惜服務麻麻, 令我地一肚氣,希望店方會作出改善.我地上到去果陣就見到有人等位, 咁就上前向知客取飛. 知客就掛住叫號, 完全唔理我, 淨係叫我「等陣」. 咁好, 我明白做知客忙, 我只好比耐性等. 但係到佢肯派飛果陣, 知客周邊都積聚取飛嘅客人, 個個申出手指表示自己位數. 由於好多人圍住, 知客就無分先後次序隨便派飛. 我隻手可能冇人申得咁長, 明明我最早問佢取飛(其他客都係因為佢唔派住之後積聚而來), 點知我變咗最後取飛果個, 累我等多幾張枱.到知客叫號期間, 我發覺後過自己的號碼嘅都叫咗, 但係我就遲遲未叫. 我上前質疑佢, 佢竟然話「叫漏咗」. 我真係唔明白點解有電腦系統附助都會漏, 以前手寫就話啫. 不過佢毫無歉意, 又係叫我「等陣」. 咁miss咗咁多枱即係等同累我等多幾張枱啦!幾經辛苦終於比咗枱, 我地依枱號去搵(途中冇人帶位). 去到果陣係有人坐嘅, 咁都比錯, 最終見到隔兩枱有人走, 我就唔理咁多照坐. 我地舉手示意侍應來執枱開茶, 有啲就例牌講「等陣」. 有啲仲見倒當見唔倒, 望一眼就行咗去. 有啲就見錢眼開, 同大豪客吹水. 再叫都係咁, 係咪要我捉住佢至肯做? 枱唔執, 茶唔開, 卡唔開, 係咪等同趕客?最後, 我地等足、叫足接近10分鐘, 都冇人招呼, 我地火都滾埋. 我冇選擇開口鬧, 因為我驚佢聽我鬧都叫「等陣」先至鬧. 講真, 這個現象會唔會同「$28最低工資」有關?燒鵝瀨(特價$11.8) 平就平, 但係D湯超淡, 淡得嚟又有洗潔精味. 唯一可取係燒鵝同粉都多.流沙包(中點$11.8) 餡料乾爭爭,真係流(假果個流).牛肉球(小點$8.8)呢個抵讚, 好飽滿.牛肉球(小點$8.8)呢個最抵讚, 有質感, 味佳, 多蔥多馬蹄.鴨腳扎(中點$11.8) 鴨腳好削, 餡料登影.蘿蔔糕(特價$7.8)D粉未透,蘿蔔ok多,成件好厚,唔香口.至於鳳爪、馬拉糕、燒賣、咸水角、炒米粉就一般啦.講真, 食物唔太出色, 服務仲咁差, 睇怕都冇下次.
平時同朋友身處於石塘咀至上環一帶,如果想慢慢食慢慢傾,通常會幫襯明星西營盤店或者富臨上環店,因為係我地印象中呢兩間集團旗下分店嘅食物,環境,服務,衛生各方面質素都唔錯,而且價錢化算,只係間中至會失手,相比其他中式食肆我地對佢較為有信心!不過今次忽然間淋起好耐冇去德馨苑石塘咀店,所以一致決定咗幫襯佢!其實我地好少幫襯德馨苑石塘咀店,因為係我地印象中佢嘅食物,環境,服務,衛生各方面質素都時好時差,而且價錢時平時貴,相比其他中式食肆我地對佢冇乜信心!不過呢個原因反而吸引倒我間中去幫襯,睇睇佢有冇改進經營策略!我地去到果陣都好冷清,得果一半枱有客坐,大把枱任我地揀,唔知係咪因經營不善而令客人怕咗佢嘅驚同喜呢?德馨苑石塘咀店我地嚟幫襯過好多次,今次總算冇令我地失望,各方面質素都唔錯,而且價錢化算!味道方面,今次3個人叫咗幾款點心, 1碗燒鵝檬粉同埋1碗貴妃雞檬粉,味道皆唔錯!食物包括1)燒鵝檬粉:燒鵝肉夠厚,皮夠香口!檬粉口感唔錯,分量足夠!湯味未見突出,可更濃味!(2)貴妃雞檬粉:貴妃雞難得有鮮味,但係骨多肉少!檬粉口感唔錯,分量足夠!湯味未見突出,可更濃味!(3)四寶滑雞扎:材料配搭雖則唔係最正宗,但係食落都算幾夾!(4)南瓜蒸排骨:排骨新鮮入味,離骨易食!醬汁嘅南瓜味就唔算突出!(5)蠔皇鮮竹卷:餡料及水分足夠,蝦粒同埋蔬菜新鮮!鮮竹皮幾嫩,蠔油醬汁味道鮮甜!(6)香芋鴨腳扎:鴨腳幾入味，可惜唔夠淋!至於腐竹皮都幾夠嫩!(7)金牌流沙包:流沙餡呈固體狀態,未夠流質!餡料只有奶皇味就冇蛋黃味,味道唔夠香濃,同奶皇包冇分別!包面亦唔鬆軟!(8)鮮竹牛肉球:牛肉球味道討好,仲有少少馬蹄,令溝咗唔夠麵粉嘅牛肉球增添口感!(9)香煎蘿蔔糕:蘿蔔糕嘅蘿蔔絲好足!不過切得太厚,加上冇乜點煎過,所以一D都唔香口!(10)招牌無敵叉燒包:叉燒餡料肥瘦適中,仲要係特大版!如果醬汁多D會仲好,而家乾咗少少!環境方面,德馨苑石塘咀店開業咗幾年,地方唔算殘舊,佢嘅裝修設計唔係而家普遍酒樓走嘅豪華或高雅路線,亦唔係較為富時代感同新潮,而係好普通嘅格局,冇乜特別設計!佢設有電腦座位分配系統(電腦票,電視屏幕顯示叫號及電腦聲音叫號),但係冇自動感應水龍頭,自動感應梘液機等先進設備,先進與否就見仁見智,至於電視機多但係細!呢個舖雖然係幾大,不過分咗兩層,視野唔夠廣闊,仲係身處於比較舊嘅樓宇中,有柱多,橫樑多及樓底矮等等嘅問題,不過都算坐得幾自在!服務方面,中規中矩啦,大部分服務員做野都有效率,係粗手粗腳咗少少!如果各個服務員有多D笑容就好啦!衛生方面,碗碟尚算乾淨,地方企理,洗手間尚算乾爽!抵食方面,星期四下午茶時段茶位$6,大部分點心嘅價錢都大眾化,算幾抵食!整體來講,大部分點心價錢化算又多選擇!至於食物,環境,服務,衛生各方面質素都唔錯,係我嘅要求嚟講係合格嘅!
位於商場二樓及三樓 , 於大半年前番新過 , 所以環境尚算新淨 煎藕餅 將蓮藕粒釀入魚肉煎幾香口 香芋鴨腳扎 鴨腳入味芋頭夠粉 家鄉炒米粉 無料兼無味 沙律海鮮卷 唔多覺入面有海鲜 燒鴨檬粉 都幾大碗幾底食 蛋散 鬆脆夠甜好好味價錢及食物都可以 , 侍應不足服務要改善
年初一流流，同家人唻呢度食飯！食物好一般，但係服務真係超差！！！訂位時要我地俾五百蚊訂，寫左落簿又無叫人拎返張單唻，入座時亦無話要睇單，點知佢埋單時留難我地，話要出示張底單先扣返呢五百蚊訂！嘈左一輪，又話要影印人地身分證，都仲要人地俾多五百蚊第日先退！搞左成個鐘都未埋到單！大家要唻飲茶食飯真係要諗過！
德馨苑海鮮酒家餐單提供港式, 海鮮, 酒樓等推介美食位於西環區，餐廳座位數未知人均消費約$101-200，結賬可以用現金。
您對於西環餐廳「德馨苑海鮮酒家」有何 comment？
德馨苑海鮮酒家餐廳詳細資料：
- 德馨苑海鮮酒家地址: 西環德輔道西410-418號太平洋廣場2至3樓 Tak Hing Yuen Seafood Restaurant, 2/ F&3/ F, Pacific Plaza,410-418 Des Voeux Road West, Western District
- 德馨苑海鮮酒家電話:
- 德馨苑海鮮酒家價錢: $101-200
- 分類: 港式, 海鮮, 酒樓
- 座位: 未知
- 付款: 現金
- FB專頁: 德馨苑海鮮酒家 Facebook
更多德馨苑海鮮酒家相關資料:
香港餐廳2026推介8月