宜記甜品 西環

宜記甜品 評價 相片

早兩日同兩個fd去食宵夜...食左個吉列豬扒飯同牛肉泡菜飯....塊吉列豬扒好好味,好鬆化,但d飯好難食而且個牛肉泡菜飯就ok啦...仲有叫左春卷同軟骨餃子...春卷好重胡椒炒味><,不過都算香口,唔怕都ok既~軟骨餃子就唔錯,幾爽口最後就係食甜點...楊枝甘露+木糠布甸(榴槤味)個楊枝甘露好麻麻囉...我好似食緊椰汁西米露+芒果汁咁~個木糠布甸都係好普通咋~~一句講曬...普普通通囉

我沒有upload double 了照片, 2 張照片是有不同的某日中午去食飯, 見到餐牌有翠肉瓜炒牛肉飯, 都幾吸引便叫, 剛落完單, 隔離張台上菜就是這個, 見個樣ok而且份量算夠, 覺得自己冇選錯 等待中, 又有一碟翠肉瓜炒牛肉送給另一張台(一對夫婦), 心想...都幾多人叫但明顯這碟份量比剛才那碟少了些, 但不算過份到自己那碟上台, 份量就是以下照片'投訢前' 那張, 心已經打個突, 考慮左一陣應唔應該反映下, 但實在份量差太遠, 找了女侍應問下點解同一樣的飯, 張張台份量不同 佢話 ''可能廚師but少左'' 我見佢講完這句便停左, 唯有再追問, 她才說要不要換??當然要換 至於味道 ok投訴後那張照片中的食物份量, 就和那對夫婦差不多

其實我都係老主顧．不過佢搬左之後真係少食好多lu~首先佢既新店裝修真係好麻麻...仲差過之前新店感覺好dirty好焗...甜品就冇咩分別...都係木康布甸最好吃楊枝甘露都係最保本的小食都ok．反而晚餐差左好多...d拉面好咸...滑蛋豬扒亦冇水準...到底發生咩事?? 以前d溫泉蛋既 level 去左邊??而且愈來愈貴．3x一個拉面．仲要咩都唔配....西環咁多野食．難競爭d wow不過 service 真係gd既!! 老細好好人如果佢要送外賣既多數都會車番我上去家!!! 希望佢快d進步番．咁我就會去食番家啦

以前drama soc好夜走都會落黎宜記食宵夜….果陣仲未搬去新舖….記得有一次下莊介紹我食呢個溫泉蛋泡菜牛肉飯…一試難忘…之後去親宜記有九成機會都會食…大學畢業之後兩年都無食過呢….今日心血來潮想去回味一番…一坐低只係得午市同下午茶兩個細細既餐牌…搵極都搵唔到有…跟住個待應就拎左一本好大既menu出黎…介紹裡面有好多款甜品…..好在係本野度我搵到我要搵既野…….一黎到….就知道…..注定要失望……因為隻溫泉蛋得四分之一都唔知有無…碗飯既份量比以前多左…但係0的餸就無多到…….結果都唔可以做到每一粒飯都有蛋汁……肥牛唔靚…好鞋口…..唯一只係泡菜同以前一樣, 夠辣….同埋0的珍珠米一齊食好夾…..有時好味既野都係留返係回憶裡面比較好….

這一個半月光顧了宜記兩次，兩次的感想都是︰價錢變貴，服務變差，質素維持一般九月初晚上一點多跟朋友來食宵原來他們就來關門，阿姐們就keep住全程都係黑臉見人其實，佢可以話就黎關門唔做我地生意 (咁我地咪去飲早茶或者去石X店lor)糖水跟以前質素差不多，沒有因為加價而變得好吃...今天lunch成班人要開會就叫外賣，200幾蚊叫左個蛋包咖啡牛肉飯，外賣27.5，比以前貴左都唔少份量同質素都算同以前差唔多既...以前會成日落宜記食野傾計吹水自從加左價搬左鋪之後就少左好多lu偶然一次就可吧.

宜記甜品餐單提供港式, 甜品, 糖水等推介美食位於西環區，餐廳座位數未知人均消費約$50以下，結賬可以用現金。

您對於西環餐廳「宜記甜品」有何 comment？

宜記甜品餐廳詳細資料：

• 宜記甜品地址:
  西環北街25號地下
  Yee Kee Restaurant,  
• 宜記甜品電話:  
• 宜記甜品價錢: $50以下
• 分類: 港式, 甜品, 糖水
• 座位: 未知
• 付款: 現金
• FB專頁: 宜記甜品 Facebook

更多宜記甜品相關資料:

• 宜記甜品分店
• Youtube
• Facebook
• Twitter
• Google