回味 西環

回味 評價 相片

呢間車仔面，嚴選食材、用心製作，係我食過最好食的車仔面。

每個餸都煮得岩岩好，雞翼夠腍、幼面好軟熟、豬皮好乾淨一條毛毛都冇，夠厚身、魚蛋同豬大腸都好味！從細節睇到店主的心思。

香港好需要呢啲良心小店，希望可以一路做落去。

嘢食好味，不過服務好差，成日買宵夜。

我打電話去落 order，不停用好差的態度，講啦！講啦！講啦！親身落去，把聲是個帶眼鏡大叔。

佢真人都好無禮貌。

無期望五星服務，不過起碼有基本禮貌。

這一夜航班延誤的緣故，從機場回到屋企樓下已經是半夜12點多一點了。

國內航空公司的飛機餐出名難食，還要是飛去深圳的內陸航班，甚至較香港的地踎茶餐廳還要差一大截；即使勉強食完，但份量又少得可憐，只有三成飽。

夜深時分，沒有其他選擇的情況下，就第一次幫襯樓下這間小店「回味」。

餐廳招牌非常簡陋，只是一大塊類似膠海報、並隨意鑲嵌在招牌的位置；但設計方面有點小心思，將「回味」兩個字合而為一，「味」字的「口」中間加了一點，即時變成象形化的「回」字。

小店鋪位實在太細，又要同時供應多款小食，廚房差不過佔了80%上的舖位面積，舖位內只在角落位置有一張小小的摺檯，主力做外賣生意。

但老闆又唔想錯過晚上夜歸人士的消夜生意機會，刻意設計成一個半開放式廚房，採用全透明玻璃設計，並設有一張小小的吧枱，再在行人路上擺放了幾張高腳櫈 ⋯⋯ 街坊小食店頓時變身成為型格港版立食小店！這種小店當然是零裝修，只在靠近門口的牆壁上掛了一張抵死的宣傳海報。

雖然店舖細細，但食物款式可以說集齊了最受歡迎的經典港式小食：車仔麵、炸雞脾、炸雞翼、魚肉燒賣、魚蛋、碗仔翅、生菜魚肉 ⋯⋯ 還要標榜不含任何味精 MSG！對於這種街坊小店來說，那一個開放式廚房就更加是充滿誠意之舉。

每一位客人，無論是外賣抑或是坐在高腳櫈上，皆可以清楚看見老闆兼廚師即場炮製每一道小吃；廚房又非常乾淨清潔，兼且每一件廚具、每一盤食物皆擺放得非常有條理。

即炸雞髀配出前一丁套餐（$45）。

親眼目睹老闆從櫥櫃內取出一包獨立包裝港版《出前一丁》，即場撕開包裝袋、取出即食麵，再用滾水淥麵、隔走多餘水份之後，然後再將剛剛熟透的出前一丁放入碗內，淋上客人自選的豉油汁或者沙嗲醬。

麵條大約八九成熟，表面仍然保持乾爽；而且彈牙爽口，不會因為淥麵時間太長、麵條吸收水份太多而變得太腍身 ⋯⋯ 即使只是即食麵，淥麵也有一點技巧才會好食。

雞髀用黑椒碎及各種調味料預先醃製過夜，然後蒸熟備用；當有客人落單時，即時用滾油炸熱及將表皮炸至香脆，所以非常熱辣辣。

始終是急凍雞髀，雞肉雖然軟腍、但欠缺彈性，而且沒有明顯鮮甜雞味；勝在醃料味道濃郁，非常惹味，彌補食材不足之處。

結賬時才知道套餐要 $45，價錢算合理，但其實即炸雞髀沒有標明價錢（$28～$38）。

與老闆吹水，原來雞髀係浮動價錢。

由於店舖係小本經營，每一次攞貨唔會太多，所以雞髀來貨價也要因應當時供應商交來的是大隻抑或較細隻貨色，但一般賣 $35 一隻。

揀套餐又可以用 $10 優惠價選配獨立包裝港版《出前一丁》，老闆更加抵死地講，碰巧遇上「百X」特價，會直接入貨，因為入貨價竟然較直接從代理攞《出前一丁》還要便宜；想深一層，理由其實相當簡單，代理給予小店的折扣當年遠遠低於超大型連鎖超市。

味道唔算特別出眾，如果要求色香味俱全、環境舒適、正規餐廳的服務態度，「回味」肯定不是那杯茶。

換過角度來看，「回味」定位係街坊小食店，就完全做到、甚至超出了應有要求。

出品味道濃郁兼即場炮製，充滿熱誠，尤其配合半夜三間、忽然想搵港式小食當消夜的夜鬼；再加上老闆兼廚師又唔介意同客人吹水，整體感覺既街坊、又麻甩，很有老西環的街坊巷里風情。

強烈建議唔好外賣，並且揀晚上11點後的消夜時段，坐在高腳櫈上、嘆番碗車仔麵或者炸雞髀配出前一丁！

西環自從有左地鐵開咗好多餐廳，而都多咗好多人過嚟呢邊食嘢，除左新式西餐，地道小店仍然有好多，糖水舖呢小食點啦舊式茶餐廳一一都可以喺西環搵得到。

然而有一間每次經過西環 都一定番黎探下佢今日下午茶時間，我只係點咗雞髀同碗仔翅，小店老闆親切，每一隻雞髀都用心製作即叫即整老闆燒道隻雞比外脆內軟，隻雞脾本身有調過味，唔會食落有雪氣，而且仲十分juicy，真係令人一再回味另外今日我叫左碗仔翅， 一如既往好香冬菇 味，夠晒足料。

舖頭有小量位坐，鋪頭除左碗仔翅同雞脾，車仔麵都好好食，係我每一次番黎西環都會心思思黎食

呢間店冇改錯名，確實令人「回味」，今次係我第二次寫呢間小店嘅食評喇！話說夜晚喺瑪麗睇完急症，成十點幾都未食晚餐快要餓死了，就想起可以搭54號小巴落堅尼地城搵食，可惜去到厚和街才發現大部分餐廳都已經收檔了，忽然想起住西環嘅frd子很喜歡到呢間小店食宵食！我立即上Openrice想搵搵呢間小店嘅關門時間，可惜搵唔到，最後我盡地一搏，拖住餓極嘅身驅行幾條街過來，好彩十一點到達時仲未閂門！我急不及待就order了一碗鴨湯米粉，米粉幼身得像台灣麵線一樣好吸湯，正！根據我上次嘅食評，我今次重點了豬皮和蘿蔔，果然依舊入味！不過牛腩就冇想像中咁好味，比較淡味，同埋份量較少。

至於我親人就點咗雞翼豬軟骨金邊粉，我試咗少少，金邊粉唔駛講又係好正但雞翼就好乾好老，唔合格。

豬軟骨夠入味，可以encore!!煎釀三寶真係又係必食！即叫即搽魚肉即煎，魚肉好滑！青椒尖椒香口，豆腐外脆內軟！鴨湯是必食的，可惜今次冇上次來食時有得落嘅辣椒粉了向店員查詢後，店員表示已經冇辣椒粉，如果鍾意食辣，下次可以試加沙嗲汁。

我心諗，都唔知下次幾時有機會再來食。

繼續支持小店

回味餐單提供港式, 泰國菜, 車仔麵, 雪糕, 乳酪, 雲吞, 餃子等推介美食位於西環區，餐廳座位數未知人均消費約$50以下，結賬可以用現金，Booking訂位可以電話致電 37051620 查詢。

您對於西環餐廳「回味」有何 comment？

回味餐廳詳細資料：

• 回味地址:
  西環山市街10-18號山市樓地下4-5號舖
  回味, Shop4-5, G/ F, Sands House,10-18 Sands Street, Western District
• 回味電話: 37051620
• 回味價錢: $50以下
• 分類: 港式, 泰國菜, 車仔麵, 雪糕, 乳酪, 雲吞, 餃子
• 座位: 未知
• 付款: 現金
• FB專頁: 回味 Facebook

更多回味相關資料:

• 回味分店
• Youtube
• Facebook
• Twitter
• Google