可可店 西灣河

可可店 評價 相片

這間茶餐廳只是我咁岩經過，隨便進入的，沒有事先準備找尋資料～隨便叫左個豆腐班腩飯,cot,免費加咖喱汁，大約10分鐘有得食～～一咬落去就知係即製即炒！！脆口個外皮，內嫰，質數相當不錯！！最令人驚喜係個免費加既咖喱🥰🥰🥰🥰🥰🥰🥰🥰🥰🥰😋😋😋😋😋😋😋😋😋好正!!!!!!!!!!真係好正！！！附近街坊真係要多多幫襯，免得這間用心小店消失！價錢實惠，無花巧野～見到餐牌，晚上焗豬都係$50，抵！會找天試吓

可可本來在西環是香港大學生有名的食堂，在半夜想吃宵夜就最好不過，他現在在西灣河開了分店，方便住東區既人去食。

這次點了腸粉，混醬加上煎香的味道還不錯，口感不錯，加上用蛋煎香使整個煎腸粉生色不少。

老乾媽嘅美味。

可可店(西灣河分店)#西灣河美食#樂食人生1.老乾媽豆卜蒸豬頸肉$40老乾媽辣椒醬源自於貴州，由花生、辣椒、花椒、菜籽油、蒜等多種材料製成，近年熱潮直捲香港，唔少港人都會托內地親友帶幾樽來港由於辣椒醬味道偏濃，直接配粉麵飯或者過濃，而呢間特式茶餐廳配上豆卜、豬頸肉蒸，令辣椒醬味道更特出，一試難忘配白飯一碗，抵食!2.生炒雞絲飯 $38雞絲份量好多，唔會只有大量飯炒飯夠乾身，絕對係粒粒分明，而且唔會油膩，幾好食!小結:店舖原來有兩層，因為家人嫌下層太多人太逼，店員主動安排我地坐2根，空間寬敞，又有電視睇(不是TVB)，值得一讚!地址: 西灣河筲箕灣道156號地下電話: 27907090

成10點幾先出來搵食，唔想熱辣辣掃太安樓，又唔想食麥記，醒起間可可店都未曾食過，成日聽人講西環嘅好味啲，又唔知係咪真係咁差。

打開OpenRice 見唔到佢嘅營業時間，男友話西環果間開好夜，因為都有糖水食，可能呢間都唔會好早。

當女人聽到糖水兩個字已經心心眼，然後就拉住男友衝咗入間舖。

到店時還有幾檯客，由於肚餓，所以即刻打開menu睇食咩，完全冇睇到份menu封面已經寫咗營業時間係11:0023:00，落晒order先感覺自己阻住人收工。

不過啲員工都好nice，不但冇催過我哋，仲好好招呼。

落單嘅哥哥仔好好笑容，仲同我哋介紹咗今晚有咩湯水，不過我哋冇叫到，下次可以再試下，聽佢講應該每日唔同款。

本來係想要個東江豆腐煲，哥哥仔話我哋知個豆腐煲唔係乾身嘅，而係有啲湯水浸住，有鯪魚肉，問我哋啱唔啱食。

男友覺得麻麻，所以最後冇叫到。

經過一番研究，我哋發現佢哋嘅小菜有好多鮮魷，感覺上啲魷魚肯定新鮮先，然後揀咗個出邊少有嘅潮式鮮魷～因為係小菜即叫即整，我哋都等咗下～不過，美味係值得等待嘅！份量比想像中大好多，啲魷魚多到真係喺啲汁到游緊水咁，有好多唐芹，仲有啲菜脯粒，調味啱啱好，肉質仲好爽口，好味！怪唔得個姐姐拎碟嘢出來比我哋嘅時候，一路行一路係咁講：“好靚啊，碟嘢好靚！”當下覺得多麼令人羨慕。

回鍋肉一擺上檯仲香噴噴，肉片唔會太薄，件數都唔少，讚一讚廚師好夠功力，鑊氣十足，而且有得揀大中小辣，我哋揀咗小辣，結果令人滿意。

佢哋仲有得送外賣，唔同區域價位都唔同，送貨嘅區域都好廣泛，價位都好合理。

啲員工仲好好咁叫我哋唔使心急，可以慢慢食。

宵夜時嘅心情都好似牆上太陽花咁燦爛，雖然最後女人冇食到糖水，有少少失意，但呢兩個餸，同埋啲貼心嘅服務，都好滿足，真心多謝！

夜晚經過見到有新開餐廳，原來是西灣的可可店分店，即刻試試。

舖內剛坐滿人，稍等5分鐘。

我只點了豬骨蠔粥及蘿蔔糕，好味。

店員也好禮貌。

見到晚飯其他人點的套餐，一個餸一個飯都係$40，分量唔少，下次再試。

可可店餐單提供港式, 茶餐廳, 冰室等推介美食位於西灣河區，餐廳座位數未知人均消費約$50以下，結賬可以用現金，Booking訂位可以電話致電 27907090 查詢。

您對於西灣河餐廳「可可店」有何 comment？

可可店餐廳詳細資料：

• 可可店地址:
  西灣河筲箕灣道156號地下
  可可店, G/ F,156 Shau Kei Wan Road, Sai Wan Ho
• 可可店電話: 27907090
• 可可店價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 可可店 Facebook

更多可可店相關資料:

• 可可店分店
• Youtube
• Facebook
• Twitter
• Google