七味燒 西灣河

七味燒 評價 相片

個日同細佬唔知食咩好是是旦旦入左七味燒細佬叫左雞扒麻醬拌麵我就食鐵板雞扒飯神奇地好好食真係好有心機煮食下D配菜: 椰菜 就知道出面茶餐廳D配菜係咁依烚兩野就比你食佢地D配菜有炒過仲要落少少黑椒好香好好味細佬個麻醬拌麵好特別好得意好岩夏天食 (講起都好想食)有青瓜絲蟹柳絲蛋絲仲有蟹子的 食過一次即刻帶我媽去食之後有一排成日都去食雖然間鋪細細間 但佢D餐真係幾好味道

平時好日都唔會去西灣河，當晚係一個人，因為心情極差所以去喪食d自己鍾意既野黎洩憤。

又估唔到呢間其貌不揚既鋪仔都幾好味，平平地都燒得幾好食。

見到有好多飯/麵既set都冇點，淨食串燒。

食左燒羊架、燒鵝肝、燒鰻魚、燒白鱔、燒生蠔、芝士釀雞翼、露荀豚肉卷、燒冬菇、燒茄子、燒露荀、燒京蔥、燒番薯，仲有蟹子沙律。

總括黎講樣樣都幾滿意。

燒羊架同燒鵝肝實在太好味，所以前後order左2次。

燒鵝肝($65)都唔算太貴，灑少少鹽再燒到d油必晒出黎，正！燒露荀都好好味，露荀好鮮味，值得一試！燒冬菇、燒茄子有加汁燒，唔會燒到乾爭爭。

露荀豚肉卷，d豚肉卷住d露荀再串埋d京蔥黎燒。

再唔係話唔好食，不果d豚肉真係好薄，食左都唔係好覺，如果當佢係露荀京蔥串咁食就幾好。

蟹子沙律，其實冇乜特別，係勝在幾大份，雖然只係用好多生菜墊底，但d沙律醬落得好充足又撈得好均勻，$28黎講我幾滿意。

仲有飲左杯柚子梳打，幾好味，唔會太甜又幾夠汽，唔知係自己沖定係現成嫁呢？我去到的時候8點幾，得一檯客，食食下就慢慢坐滿。

service幾好，態度友善。

埋單，因為不顧價錢放縱喪食既關係，一個人都食左400蚊。

經過上次星期一的撲空，今晚再與舊同事來試試這間位於西灣河的七味燒。

七味燒位置很少，座位狹窄，客滿也只能容下廿餘人。

我們一行六人擠在卡位內，肥些也恐坐不下。

餐廳沒有特別裝潢，牆上隨意貼上連相片的菜牌便是了。

說回食物，這裡有數款晚餐定食套餐，也有各色爐端燒供客人選擇，我們叫了其中一個定食，再加點其他燒物一試。

招牌脆鹹豬手芝麻醬拌麵：烤豬手與拌麵分上，賣相均吸引。

但鹹豬手卻不夠味，而且烤得略為過火，肉質較韌；反而拌麵卻不錯，軟硬適中，加上芝麻醬味道頗佳，最後我們吃罷拌麵卻剩下豬手吧。

燒日本鯖魚：味道一般，無甚特別。

燒澳洲生蠔：外貌不算吸引，但尚算鮮甜可口，但奇怪吃不出也看不出有任何「燒」過吧！吉列炸生蠔：燒生蠔的吉列版，炸漿不算厚，不過不失。

燒紐西蘭羊架：賣相不錯，味道也好，而且肉質不會太韌，火候剛剛好。

芝士釀雞翼：比較穩當的一道菜。

雞翼去骨釀入添加了芝士的免治雞肉，外皮燒得微焦，外脆內軟，不錯。

日本原隻帆立貝：小食好海鮮，很少覺得燒海鮮會差，但這個帆立貝雖然夠大隻，但卻燒得乾巴巴，浪費了。

蒲燒日本鰻魚：外皮燒得略脆，但整體感覺就像一般加熱了的燒鰻魚吧。

燒雞腎：雞腎粒太硬了。

串燒一口牛舌：牛舌一串三小件，厚薄適中，味道不錯，比較可取的一道。

免治雞肉軟骨串：免治雞肉釀入少量雞軟骨，味道與釀雞翼類同，但較有咬口，但似乎太膩了。

燒豆腐：一串四小件豆腐乾，燒得不夠焦香，感覺似乎坊間火腩豆腐煲的一員。

意大利鮮雜菌：是全晚最好的一道菜。

雖說雜菌，但其實只有一種類似冬菇的，但煮得很淋很入味，加上整晚都要肉類，這個相對較為清新，很好。

燒飯團：共有三種，分別是原味、三文魚、及煙三文魚。

我們每款點了一個，其實最主要分別是後兩者在飯團中央加入餡料吧。

味道只有一點鹹味，不甚突出，而且燒得不夠乾身，試圖一分為二但飯粒卻四散了。

縱觀食物質素中等，但水準不夠穩定，一道好時另一道差。

另外，小店定位不甚清晰，說是日式爐端燒？食物又不太像樣；說是港式？又沒有一般「港產」食品；和風料理？又只有三數選擇。

而且鋪面不大，但店員也往往忽略客人需要，每次缺茶時也需要自己要求添水，頭頂的電視可能是原凶吧！ 最後，我們花了每位近百五元仍不是全飽便結帳離場，到對面太安樓「掃街」是也。

不會再試!!!!與兩女同事光顧,心想日式餐廳應該好保險.點知!由於本人胃口細所以沒有揀選set lunch.同事一個叫<冷面>,一個叫<拉麵>,(不是餐所以沒包飲品)兩個麵都係碗大,麵少.連女仕食完都唔夠飽,(最終去左隔離上壽司叫外賣)本人則單叫一隻<芝士雞翼>,一串<露荀肥牛>,<燒飯團>.<芝士雞翼>~正常.好味<露荀肥牛>~露荀變左大葱,肥牛薄到好似牛油紙甘.(我問女店長這是什麼,佢竟然臉不紅氣不躁地答我<露荀肥牛>)<燒飯團>~普通飯團,很燙咀這様合共$58,我寜願去吉之島執壽司飯團燒物,都唔駛甘貴.另外,店內有許多學生光顧,多選擇set lunch.有飯有湯有飲品也只是$50左右,所以仍然有客路.店細, 木櫈,不多於20個位.自動門一開,近門的位置即如炎夏.

上星期六晏晝搵飯食，行過見到唔駛等位入去試下，同一般日式料理小舖一樣，地方較細，坐的是木櫈，預左食完就要走果隻。

試左個二人餐，有d串燒，前菜，另可選飯或面。

前菜沙律︰唔夠涷，蔬菜兼唔係好夠新鮮。

燒牛舌︰係厚的牛舌，味道不錯。

燒粟米︰ok, 但稍乾身。

燒雞翼︰算中上之作。

冷面︰十分麻麻，面不夠彈牙，冷面醬麻醬不似麻醬，很淡口，很"土制"感覺。

拉面︰拉面的面亦屬一般，可能主打串燒，其他都只是陪襯，所以比較不講究。

找數百零蚊，都可以接受。

但老公身型比較"魁梧"，說沒有下次。

七味燒餐單提供日本菜, 爐端燒等推介美食位於西灣河區，餐廳座位數未知人均消費約$50以下，結賬可以用現金。

您對於西灣河餐廳「七味燒」有何 comment？

七味燒餐廳詳細資料：

• 七味燒地址:
  西灣河筲箕灣道72號千禧閣地下A舖
  Pepper Grill, Shop A, G/ F, Millennium Court,72 Shau Kei Wan Road, Sai Wan Ho
• 七味燒電話:  
• 七味燒價錢: $50以下
• 分類: 日本菜, 爐端燒
• 座位: 未知
• 付款: 現金
• FB專頁: 七味燒 Facebook

更多七味燒相關資料:

• 七味燒分店
• Youtube
• Facebook
• Twitter
• Google