椰林閣餐廳 藍田

椰林閣餐廳 評價 相片

同事A君剛搬來附近 他暫且當這裡為飯堂一行四人 每人一個晚餐 有餐湯,包,飲品先來蟹柳忌廉湯 超杰 味道勁甜餐包 暖既 無特別 主菜之一既牛扒意粉 肉唔UN 但無咩味 反而個汁煮得好味 黑椒雞扒飯, 烤豬扒拼元貝 都OK 我點既粟米魚柳飯 是晚最惹味 多汁 魚柳鬆脆 唔腥尾聲送上既凍奶茶 O茶 都OK友人笑說"是臨時飯堂" 佢搞定新居後 將會另覓所好

星期天把午飯時間延遲，到椰林閣吃下午茶，份量和午餐差不多，但是便宜一截~叫了幾個下午茶餐，味道都ok，其中我的焗咖喱雞扒飯十分好吃！加$12要了個咖啡芝士蛋糕，來到見到非常小件，很薄。

。

而且不好吃！質感很怪，軟趴趴的，又沒有芝士香~！

昨晚因以為老公去鞠完躬，會與同事晚飯，便相約小女在這晚餐，在門口無人招呼，但都預左，因見幾個侍應站在近門口傾計，入到去，好彩都有個懂得問幾位，找了個卡位坐下，放低了兩杯水同餐牌便行開了，隔了一陣，order食物時，見他們還在傾計，便招手示意，但要示意身三次才懶洋洋過來，我們便order了‥兩個套餐：1. 羊扒拼鴨胸配薯菜羊扒非常肥！2. 豬手配意粉豬手應該係蒸熟後，稍為烘乾。

食落比較膩那黑衣女侍應用冷淡的聲音問，要忌廉湯定羅宋湯，我習慣會問忌廉湯有些什麼在內，她說：有磨菇嗰d囉！唉！仲問d嘢飲幾時呀！到order飲品同埋單都要招幾次手才行來。

我今日同幾個朋友入去麗港城椰林閣，食lunch，入去果時d waiter幾有禮貌講歡迎。

坐低果時，我地睇好餐牌，waiter即刻行過黎問我地食咩午餐，好快同我地落單，唔洗好耐我地叫d野已經到齊；個個waiter服務態度都幾好。

睇左你地之前既劣評，佢地已經改變好多，待人有禮，服務周到；你地講既黑口黑面，喱家完全冇e個現象出現；食物水準好，服務態度好。

服務之差, 簡直令香港人蒙羞!星期六早上十點幾去食早餐, 七成滿, 四至五個侍應做緊野.冇人帶位有人招呼冇人攞餐牌冇人serve水同刀叉, 唯有自己黎.所有侍應都係dup低頭行路, 寫咗張單跟住就dup低頭行入廚房同水吧入單, 全程唔望人, 唔怪得全個餐廳長期有三四張手高舉半空. 叫咗成十分鐘先幫我落到單.叫咗一個魚柳餐, 第一次(約15分鐘) 黎咗個牛扒餐, 5分鐘後黎個雞扒餐, 10分鐘後又黎牛扒餐, 我同阿姐講唔啱佢仲話: 吓!魚柳呀......., 企係度攞住碟野好似係度搏我要咗佢, 然後嬲嬲地行走咗. 再過10分鐘, 即係前後共40分鐘後終於黎啱咗, 但係碟野好似亂葬崗咁, 好似放隻碟落垃圾筒撈上黎咁樣.一路執枱一路大聲爆粗話自己成朝未停過, 一陣唔理咁多要行開一下. 但係四周都係一家大細食緊早餐. 你就得唔開心, 唔好搵我陪你啦, 我黎幫襯唔係開工呀, 阿姐.味道正常, 但d服務態度真係全港第一, 首屈一指. 應該列為世界文化遺產, 推廣成為一個旅遊景點, 睇吓香港既服務質數可以有幾差.我從未寫過一個食評係去到咁盡, 因為實在唔值得幫.

椰林閣餐廳餐單提供多國菜, 西餐廳等推介美食位於藍田區，餐廳座位數100人均消費約$51-100，結賬可以用Visa,Master,現金,八達通,銀聯。

您對於藍田餐廳「椰林閣餐廳」有何 comment？

椰林閣餐廳餐廳詳細資料：

• 椰林閣餐廳地址:
  藍田麗港街35號麗港城商場2樓S2號舖
  Yeh Lam Kok Restaurant, Shop S2,2/ F Laguna City Shopping Arcade,35 Laguna Street, Lam Tin, Hong Kong, Lam Tin
• 椰林閣餐廳電話:  
• 椰林閣餐廳價錢: $51-100
• 分類: 多國菜, 西餐廳
• 座位: 100
• 付款: Visa,Master,現金,八達通,銀聯
• FB專頁: 椰林閣餐廳 Facebook

更多椰林閣餐廳相關資料:

• 椰林閣餐廳分店
• Youtube
• Facebook
• Twitter
• Google