唐記包點 藍田

唐記包點 評價 相片

久唔久都會想食下蒸飯同點心，但近日又老又嫩真係唔係咁方便去茶樓飲茶。

以前好少幫襯呢間唐記點心，成日感覺要食點心就梗係去茶樓。

今次lunch time行過麗港地庫一落電梯見到唐記點中排左幾個人圍住，蒸飯似係剛剛出爐，我終於忍唔住點左個鳳爪排骨飯，原來佢地成日都會有特價，鳳爪排骨飯只需要19蚊就有！？下！？真係無諗過原來咁抵食，唔通好細個？ 返到屋企打開盒發現其實真係唔算少，鳳爪同排骨份量同賣相都似模似樣！食落口味道又ok喎，唔會好重味精！有下次！🤤

呢排天氣真係好熱，懶煮飯，最好嘅辦法就係買外賣啦，又想食得健康，淨係諗到食唐記，又方便又健康😋😋今次嗌左「排骨飯」「章魚肉餅飯」「咸蛋肉餅飯」「雞扎」「沙爹牛肉包」「白饅頭」「奶皇包」「菜肉包」「流心阿華田包」好新鮮又健康不過想食應該要早啲買，每次都係大排長龍，今次都係每次都幫襯食「排骨飯」因為好足料，好多排骨，勁多菜呀，蒸得好入味，好正！「咸蛋肉餅飯」啲肉餅好大塊，配埋中間個鹹蛋黃，好送飯，照舊都係勁多菜「雞扎」材料好，今次啲雞肉特別滑身「燒賣」大大粒，熱辣辣，仲有啲杞子好健康今次嗌多咗幾個包食，上次食左新推出既「流心阿華田包」，媽咪話一定要食，期間限定，阿華田流心餡夠爆漿，而且充滿麥香，又鬆軟「沙爹牛肉包」啖啖都係沙嗲牛肉，好正！「奶皇包」甜度適中，奶黃餡都好多「白饅頭」我就最鐘意

週末又係時候買包點比屋企人食。

今次買左呢度特價既豉椒排骨飯先（$16）。

排骨大大粒，有夠曬腍，配豆豉超好食。

是日特價菜肉包 $13有三個凍包，啱曬直接擺入屋企雪櫃聽朝食。

煎包$15三個，我又入左韭菜包、蔬菜香菇包、菜肉包。

見有蔥油餅就買埋。

點心方面當然唔少得大大隻糯米雞（$26）同埋燒賣 ($17)。

熱辣辣翻到屋企，家人都大讚夠足料又好食。

今日見到有阿華田包！好可惜黎到已經賣曬，好可惜啊！下次要早啲黎先得！

唐記包點不嬲都食開佢既蒸包點心， 咁啱得咁橋今日放假d酒樓打爆哂， 就決定帶埋老豆試試佢，買D點心外賣番屋企食，全家人一齊食。

山竹牛肉$17不嬲都係我至愛，唐記既山竹牛肉一定係性價比極高！有酒樓水平， 仲過之而無不及。

牛肉滑身， 有點牛味之餘又＊食唔到＊個一陣超重既梳打粉味。

不錯！先17蚊， 而加求其一間酒樓既小點都唔係呢個價啦！北菇雞飯$26加上雞雞醃得好入味。

滲哂入飯底。

我食食下先發覺自己連醬油都冇落到。

唐記包點不嬲都係即蒸， 出爐熱辣辣，比餓底食就最啱不過。

原來而加仲出左凍包， 岩哂我呢d早出晚歸既打工仔， 放係雪櫃 丁一丁又食得豉汁排骨飯$26廣東蒸飯係飲茶必備， 今日叫左豉汁排骨飯，今日都算係一個突破😂原來都幾唔錯，豉汁排骨係既味道好出，真係好味道呢！燒賣$17食點心唔食燒賣就姐係無食過野。

香港人邊有人唔食燒賣，係咪？！呢到既燒賣又係性價比首選。

豬肉同蝦肉平均分布，咬落唔會係霉霉地，啲肉又唔會散收收，仲幾彈牙添！

唐記包點餐單提供港式, 點心, 雲吞, 餃子, 中式包點等推介美食位於藍田區，餐廳座位數未知人均消費約$50以下，結賬可以用現金,八達通，Booking訂位可以電話致電 23434133 查詢。

您對於藍田餐廳「唐記包點」有何 comment？

唐記包點餐廳詳細資料：

• 唐記包點地址:
  藍田晒草灣茶果嶺道88號麗港城商場地庫一層B01號舖
  唐記包點, Shop B01, B1/ F, Laguna Plaza,88 Cha Kwo Ling Road, Sai Tso Wan, Lam Tin
• 唐記包點電話: 23434133
• 唐記包點價錢: $50以下
• 分類: 港式, 點心, 雲吞, 餃子, 中式包點
• 座位: 未知
• 付款: 現金,八達通
• FB專頁: 唐記包點 Facebook

更多唐記包點相關資料:

• 唐記包點分店
• Youtube
• Facebook
• Twitter
• Google