Sweetology 葵芳

Sweetology 評價 相片

飯後甜品係最普通不過嘅事，作為一餐嘅總結，甜品嘅重要性分分鐘比主菜更重要。

今日自己一個人食完拉麵突然間好想食甜品，但葵芳嘅甜品店買少見少。

放眼葵涌廣場、新都會都只係得一兩間。

突然間諗間响新都會地下有間甜品店，店外有好多日式甜品模型，非常吸引，一於搵人一齊試試！點知原來佢已經轉型成為日式料理店，甜品只有雪糕、楊枝金露、西米露，店外模型全部都冇嘅！無語…… 好彩同行朋友未食午餐，唯有試下啦！今日點咗二人套餐，有沙律、頭盤、主菜、主食、甜品、餐飲。

$178（＋10％），價格响新都會嚟講唔算好抵，但又唔算好貴。

沙律 雜菜沙律，沙律菜新鮮。

頭盤 吞拿魚玉子燒，玉子燒中規中舉，應該係批發貨唔係自家製。

主菜 漢堡扒 ＋ 吉列芝士豬扒。

漢堡扒鬆軟，醬汁甜甜鹹鹹，非常好送飯。

吉列豬扒比較乾身，配芝士油膩感爆標，配飯唔係咁夾，最好配湯烏冬。

味噌湯烏冬 驚喜，成個餐最好食係佢。

甜品 雪糕。

筒裝雪糕，無話可說。

咖啡或茶，凍飲 ＋$3如果你係為甜品而嚟Swertology，咁你注定失望而回。

如果想食日式料理嘅話，個人認為新都會有更好嘅選擇。

（完）

有成年都冇見過Miss 🍬,晚上同🤴🏻去葵芳食飯行街，順便等Miss 🍬放工兩位女生一齊去食糖水聚聚舊，9:00pm到左新都會廣場嘅’sweetology’試下佢嘅甜品🍮。

未入去侍應會問係食晚餐/甜品，我地揀左甜品就送上份只有甜品嘅餐牌📔我就點左‘楊枝甘露西米露伴雪糕‘$48，酸酸地又甜又滑😋剛好驅散左晚餐時食左個唔好味嘅意粉🍝，有足半個芒果🥭，雪糕🍦好重芒果味但美中不足係西米露唔夠粒粒分明，有一兩舊唔散但可接受😂😂Miss 🍬叫左‘芭娜娜窩夫配峰蜜伴雪糕’$52我就冇試但望落幾靚成隻香蕉🍌船咁😁😁要讚下👍🏻👍🏻位男侍應，點完餐見我影緊餐牌會等埋我影完先收，仲保持到笑容叫我慢慢，比錢時見我一手都係銀仔💰主動問洗唔洗唱返紙幣💵超超低讚👍🏻👍🏻👍🏻👍🏻

和風牛肉溏心蛋飯 $74 ~ 個西蘭花生到….咬崩牙, 我有理由懷疑煮呢個西蘭花既時間唔超過5秒, 生到一個點, 比一般西餐既配菜更衰, 純粹得個顏色靚! 溏心蛋幾好, 有少少蛋味! 牛肉有點少少嚡, 不過份量都多, 味道唔太甜! 有菇菇點綴, 尚算抵食! 日式咖喱漢堡扒蛋包飯 $76 ~ 漢堡都幾厚實, 煎得好香口, 肉質唔會好 “削” 亦唔會嚡, 日式咖喱有點淡口, 蛋包飯好滑留, 最緊要係造型靚! 白飯都軟熟!餐飲可選熱朱古力, 這有點驚喜! 朱古力唔太甜唔太稀, 不過肥同唔解渴! 

同兩個朋友黎食午餐一個叫叉燒烏冬一個叫雞扒飯瑋個叫豬軟骨飯無一例外 全部都好難食烏冬無味但湯底全部都係味精雞扒同個糖心蛋都勁咸豬軟骨好酸嘢飲方面就還好朱古力有啲甜不過都算好飲，個人口味。

員工好急 好似都趕住咁唔會再食

位於喺葵芳新都會廣場嘅sweetology係一間算係平民嘅西餐廳，店內裝修幾靚，比人感覺好似去左外國啲cafe咁，但係野食就比較日式，好似我今次叫左日式照燒雞扒飯（$66），咁另外仲有其他餐㨂嘅，例如鰻魚蛋包飯咁，價錢雖然貴啲，但係味道認真唔差，可以再返去食下，跟餐仲包一杯飲品，凍飲就好似正常餐廳咁加$3。

Sweetology餐單提供西式, 甜品, 糖水, 西式糕點, 咖啡店等推介美食位於葵芳區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 23309333 查詢。

您對於葵芳餐廳「Sweetology」有何 comment？

Sweetology餐廳詳細資料：

• Sweetology地址:
  葵芳興芳路223號新都會廣場1樓167號舖
  Sweetology, Shop167,1/ F, Metroplaza,223 Hing Fong Road, Kwai Fong
• Sweetology電話: 23309333
• Sweetology價錢: $51-100
• 分類: 西式, 甜品, 糖水, 西式糕點, 咖啡店
• 座位: 未知
• 付款: AlipayHK,支付寶,現金
• FB專頁: Sweetology Facebook

更多Sweetology相關資料:

• Sweetology分店
• Youtube
• Facebook
• Twitter
• Google