荔景酒樓 葵涌

荔景酒樓 評價 相片

荔景酒樓係我廿年來每個春節必到嘅晚飯地方，完全因為有親戚跟呢度相熟，所以每年都會到呢度擺壽宴。

廿年來，我由不懂欣賞，直至今次舉腳讚好，原來屋邨酒家都有悅目搶鏡嘅時候...飲宴先來嘅當然鴻運乳豬全體同上湯龍蝦，乳豬香脆而不肥膩，肉咬落香濃而唔鹹。

澳洲龍蝦大大隻，有高湯及伊麵襯托下格外好味，龍蝦腳直徑跟五毫子相約，整條拔出黎放入口，相當過癮。

呢餐雖然係壽宴，但老人家總愛在新年食發財好市，所以呢餐亦自然有呢樣菜式出現。

蠔豉味道雖好，但件頭略細，嚼勁一般，加上發菜跟乾瑤柱只係一般貨色，都係淺嚐攞個意頭就算。

近年好多人鼓勵宴席唔食魚翅，老人家當然無視一切，照食可也，而我亦懶理道德高地，盡情享用紅燒蟹肉生翅。

蟹肉雖然唔係生拆，但翅湯做得相當唔錯，唔會落太多生粉做芡，而且翅群唔係平價貨，口感令人滿意。

食完翅後來個鮑魚扣玉掌，鮑魚幾多頭無所謂，最緊要扣得入味又夠腍。

溏心鮑魚切開時有啜刀感覺，味道甘香，口感軟熟之餘帶少少煙韌，完全將玉掌風頭盡蓋。

最後剩餘只有鵝掌，但鮑魚我就食左兩隻半了...老虎斑跟炸子雞呢對孖寶，飲宴場合總會出現，不過今次我前段去得太勇悍，而且有我至愛嘅饅頭做壓軸重頭戲，加上胃納有限，兩者都無奈放棄，但聽聞味道係相當唔錯的。

水餃生麵糯米飯每年都有得食，然而廿年黎一直保持應有水準，賣相亦可見有幾對辦，尤其係水餃做得皮邊薄餡料豐富，非常好味。

但若非有強悍戰鬥力，否則都難以避免要打包拎走嘅命運...留力到呢個地步，只為最愛嘅金銀饅頭。

由於我家特別多人中意食饅頭，所以特意安排每圍有四打金銀饅頭，聽起上來數量好似好驚人，但其實我單人匹馬已KO左十三隻！點解食咁多？因為好食咯！饅頭鬆軟又略帶少少甜味，入口輕如無物，煉奶都唔駛蘸已非常好味！呢圍酒席如果換上尖沙咀或銅鑼灣區酒家，價錢相信動輒至差唔多五位數字一圍，而今晚荔景只收六千一席，我就覺得非常抵食。

就算呢度無豪華靚裝修都好，但意料之外嘅食物質素跟服務態度，寄望不久將來可以再來，享用更上一層數嘅宴席。

在看FL之前的食評,說多年來也沒有在荔景站下車,小弟突然又想,作為一個地道"港仔",多年來有那一個地鐵站,從未試過進出進入?{我說的是港鐵中的地鐵,非西鐵東鐵.一直視等同London tube的zone 1 2},原來,我未去過杏花村,同將軍澳.荔景站一向試為中轉站,多年來好像進出過一次.得知友人Jay在月前,曾到村內的酒家飲茶,好奇之下,這個早上又來一來趁墟.身處屋村,自然是典型屋村格局,沒有新派連鎖的華麗,平日的早上,又是找個位都難.茶客多數是長者,或者是家庭主婦之類.不想同人搭檯,要落去下一層,才能找到自己的空間.點心要自己拿,因為老漢不多,全個下層一部車推到尾,來來去去也是都係幾籠賣不出的點心.上去到點心櫃,大排長龍,但流量很快.前面的長者大多吃飽,我就去到點心籠陣左選右選.一下子,拿了數味.回到桌上慢用.蝦餃水準也算不俗,澄皮質感不厚亦不薄,剛好正在中間位,包著的蝦肉也不是霉到爛的貨色.香茜餃的餃皮,吃下去同蝦餃的相若,莧茜的味道頗為搶.上湯鮮竹卷尚且不錯.北菇燒賣就麻麻,燒賣上的菇如超市的冷藏貨,一點菇味也沒有.芹菜蝦餃賣相頗美,但有點散,吃時要小心翼翼,隨是吃到一檯都係.腐皮卷是即煎?不是,即炸,原條放下油鑊炸,自然香脆可口.當上次Jay四個人,也是吃了$100左右,小弟一個人吃六味,連茶錢$70,論份量來說是便宜,但事後味精反應甚強,直到晚上依舊不散.

真係廿年沒有在荔景站下車，更從來未去過呢間屋村酒樓，對荔景酒樓的印象只是搭車經過望到而已。

承蒙阿Yan的邀請，與三名美女共晉午餐，也沒有推趟的理由。

因有些食友要返工，等齊大家放工來到後已兩點，正好下午茶時間，價錢更便宜。

茶市，不需劃點心紙，出去外面有咩攞咩。

第一輪先取麻蓉包、馬拉糕、菜苗餃和鮮蝦瑤柱餃，我第一味吃的竟然是甜點馬拉糕，是幾香奶黃味的，質感軟滑，也有層次感，是估不到的好。

吃了那味，還對這屋村酒樓有點期望，怎料這已經是最好的一樣。

麻蓉包雖有麻蓉香，但實在太乾身，有點涸喉的感覺；菜苗餃和鮮蝦瑤柱餃都有大大隻蝦在裡面，無我份。

但見他們用筷子夾起，隻隻都係皮痴皮咁，一睇就知唔掂。

四個點心當然不夠，我和阿Yan再出去睇睇有咩新出爐。

原來，點心真的極少，大家想吃的叉燒餐包已售罊，並不會再出，真失望。

在好勉強的情況下，只選了蝦餃和鴨腳扎。

先講鴨腳扎，腐皮吸收晒精華，味道很好。

同時，芋頭好香，鴨腳又滑又入味，也算是有水準的點心；沒吃蝦餃，據聞質素平平。

分了半個奶黃包，滑是滑，卻吃不出奶黃香味，不好吃。

所以即使尚有一個剩低，也無人問津。

似乎無點心好食，見食友只失望地拿著一碟菜心回來。

菜心並不算清綠新鮮，吃幾條收手。

點心好一般，勝在夠平，埋單一舊水有找。

同場有兩位的零食補償，算是最大的安慰。

經常出入荔景站，也有留意到這間靠山的舊式酒家。

一次聽食友講這裡的麻蓉包很好吃，逐蠢蠢欲試再組3美飯局來嚐，臨時還加入FL，戰鬥力又增強了，賽前感覺開心又期盼!　然而古樸的酒樓裡面，並沒有找到想要的懷舊風味，裝修後的看來只是普通屋村酒家一間啊。

等大家收工關係，我們2點才入坐，可以享有特價下午茶，小點$6.5，大中點$7.5，特點也才$13.5，收費極廉，但點心選擇極為有限，當日4個人只吃了8個點心：　麻蓉包心急的我們，第一輪即取了叫好的麻蓉包；一籠只得兩件，我們的計劃吃完一籠再去取新鮮熱辣的第二籠。

然而一撕開麻蓉包，就發現皮身乾得裂分數層，麻蓉餡雖香也不夠濕潤，結果一人半隻後已無慾返炒。

千層馬拉糕相比之下，馬拉糕質感明顯軟滑柔潤，優勝許多，又有著奶黃夾層，是較討好的甜點。

鮮蝦菜苗餃飽滿彈牙的澄皮下，是味道正常的菜苗與鮮度正常的蝦隻，不過不失。

鮮蝦瑤柱餃與菜苗餃類似，但當中的紅蘿蔔與西芹均非我所好，麻麻啦。

荔景蝦餃皇來到第二輪，已發現選擇不多，雖然FL不吃蝦也只揀得下蝦餃。

蝦餃水準正常，$13.5也算抵食，不過大家都將注意力放在點心及印紙上，因為蝦餃=優點(特點)，名字頗趣怪。

鴨腳札另一款「優點」，大家一致認同煮得軟滑又量足的芋頭，以及吸收了多種滋味的腐皮最為討好。

香滑奶黃包質感不錯是香滑，但夾心空有淡吉士甜味，毫無奶香蛋香，我覺得很麻麻，半個夠數。

菜心實在揀不了其他點心，一於食菜算數。

　其實初段時間見到一款賣相吸引的叉燒餐包，不過都是手快有手慢無，我們似乎還是適合剔紙仔的午餐時段來的。

這頓吃到才六成飽，幸有2美的甜點與朱古力頂上；所以埋單$99是平，但不會很驚喜。

不過同大家又傾又講又真是很開心呢!

** 此 食 肆 的 第 二 個 OK **今日端午節(862008Sun)11:30am左右,跟父母到o黎呢間酒樓又同上次o個位疏堂親戚飲茶,目的係爸爸要宣佈一個壞消息.由於疏堂親戚食o左o野冇耐,所以都飽飽地,媽因病冇胃口,而佢又話想食牛,於是叫個乾炒牛河,我都出去拎碟菜心,順便又拎碟魷魚酥.見亞姐剪啲菜心太長,要求佢剪多一吓,佢都好樂意;當佢畀魷魚酥我時,有一細件跌o左落個盤度,佢夾走o左,我諗住佢唔會’補’返,點知會夾返兩條畀我.返埋位,好食吓魷魚酥先,雖然係翻炸,但都好脆,蛋漿唔厚.而菜心,食食吓覺得有啲苦,唔係咁靚.乾炒牛河都到o黎,媽只食o左少少,我都食先,覺得OK啦.爸話埋單一百零幾,食三樣o野咋喎,使唔使咁貴啊?

荔景酒樓餐單提供港式等推介美食位於葵涌區，餐廳座位數未知人均消費約$50以下，結賬可以用現金。

您對於葵涌餐廳「荔景酒樓」有何 comment？

荔景酒樓餐廳詳細資料：

• 荔景酒樓地址:
  葵涌荔景邨
  荔景酒樓,  
• 荔景酒樓電話:  
• 荔景酒樓價錢: $50以下
• 分類: 港式
• 座位: 未知
• 付款: 現金
• FB專頁: 荔景酒樓 Facebook

更多荔景酒樓相關資料:

• 荔景酒樓分店
• Youtube
• Facebook
• Twitter
• Google