茶悅 葵涌

茶悅 評價 相片

附近好少台式餐廳，呢排新開一間茶悅，聽同事講試過唔錯，特登抽左一日去試，結果令我相當驚喜，好開心有美味台食。

午市套餐都配有三小碟配菜，蓮藕粒，青瓜粒，醋黑木耳，三樣我都覺得交足貨，好食。

「台灣牛肉麵 🥩🍝 $52」首先賣相都唔錯，感覺豐富，有蔥有酸菜有紅白蘿蔔有菜，份量畀得好足，牛𦟌有四塊，牛𦟌相當軟糯，帶有香料味，麵條係刀削麵，咬落有口感，不會過硬過軟，性價比好高！「台南府城炸蝦卷配滷肉飯 🍤🍚$50」感恩讚嘆一下，炸蝦卷都有三條，滷肉超級慷慨，幾乎包裹全部飯，滷肉香不死咸，炸蝦卷好有蝦味。

追加小食非常抵食！「鹽酥雞$8」 & 「QQ地瓜棒$18」前者只係加八蚊，份量都好足，重點係佢鹽酥香，外脆內嫩滑！我原本諗住咁平都無特別期望，點知一直驚喜不斷，連綿不絕🤪後者本身以為係類似蕃薯薯條，點知係相當有口感，煙韌內裡，外層香脆，香甜地瓜味，完美。

「台灣鴨血 $18 」麻辣汁辣度剛好，惹味，鴨血軟身好味。

已經讚到唔想再讚，唔想以後要排長龍🥲

本來無諗住寫食評所以沒有拍照，食落又幾好喎，所以就寫兩句啦，經熊貓叫外賣，送到仲熱的，牛肉米粉+鹽酥雞，牛肉用牛展有紅白蘿蔔各2舊仲有青瓜粒小棠菜同酸菜，好淋入味，味道不錯，用幼身米粉好味。

鹽酥雞好滑夠脆，跟餐份量算多。

雞扒魯肉飯+鸭血，雞扒超大塊，魯肉香口惹味。

鴨血麻香夠辣，正。

跟餐飲品也是大杯裝，非常超值，飲品正常。

普遍份量多，味道也好，價錢正常，可能再食。

雞排好juicy好入味👍🏻食得出個配方係研究過，好有台灣夜市先食到果隻味，十分還原台灣風味😋珍珠奶茶都拍得住李圓圓／老虎糖果啲🤤覺得呢間店真係好著重台灣味係點樣，盡力去還原，食完即刻想嗌多個餐😂

2020年係災難的一年，又無得去旅行食好野，又無得周圍去捐窿捐罅睇下有咩隱世食店，對於吃貨既我黎講真係悲劇不過新年都有新驚喜既，係屋企附近既石蔭商場居然有新餐廳開張，仲要不是大型既連鎖食店，是獨立一間的小店，誠意滿滿。

新一年就去試試佢啦因為限聚令和禁晚市堂食，我只可以2人食午餐了價錢方面，可以話吸引，最貴都不過55，包小食和餐飲食物方面，我點左牛肉麵和口水雞飯，加了鴨血和鹽酥雞髀菇。

牛肉麵肉量很足，紅蘿蔔和白蘿蔔都非常入味，不過湯底就普普通通。

口水雞味道非常濃郁，而且份量真係可以以誇張來形容，性價比很高。

另外二份小食都不錯，其他就靠大家再發掘喇飲品都有驚喜，係其他台式餐廳未見過的，而熱飲都係大大杯，係冬天飲真係好幸福呀

茶悅餐單提供台灣菜, 台式飲品, 咪嘥嘢食店, 主題餐廳等推介美食位於葵涌區，餐廳座位數80人均消費約$50以下，結賬可以用Visa,Master,現金,八達通，Booking訂位可以電話致電 25198318 查詢。

您對於葵涌餐廳「茶悅」有何 comment？

茶悅餐廳詳細資料：

• 茶悅地址:
  葵涌梨木道120號石蔭商場LG2樓205-206號舖
  Lovely Tea, Shop205-206, L G2/ F, Shek Yam Shopping Centre, Shek Yam Estate,120 Lei Muk Road, Kwai Chung
• 茶悅電話: 25198318
• 茶悅價錢: $50以下
• 分類: 台灣菜, 台式飲品, 咪嘥嘢食店, 主題餐廳
• 座位: 80
• 付款: Visa,Master,現金,八達通
• FB專頁: 茶悅 Facebook

更多茶悅相關資料:

• 茶悅分店
• Youtube
• Facebook
• Twitter
• Google