真成海鮮火鍋 葵涌
最後更新:
真成海鮮火鍋推介
又到同娘親食飯嘅日子，原本想去隔離嗰檔，去到嗰邊差唔多滿座，咁就試吓呢度啦，點知中咗伏 🤣🤣🤣我哋叫咗豉汁蒸魚雲，但魚雲一啲都唔新鮮，食落有陣泥味，而豉汁又無味，最後連一路好慳嘅媽子都唔食 🤮🤮椒絲腐乳炒通菜比較正常啲，上檯時好似炒青菜，撈吓啲汁又 ok。星洲炒貴刁等如星洲炒米，係張米粉轉咗貴刁，比較油。小炒王啲腰果唔係炒埋落啲料度，係炒完加上面 🤣🤣 需然係好大方比好多，但太多都會膩。我自己都衰，無睇清楚餐牌就落單，呢頭落完單嗰頭又想改，但個老侍應都唔駛態度咁差，我都係話唔好意思睇吓改唔改到啫，改唔到咪唔改囉，都唔駛鬧個客嘅！
葵涌真成海鮮火鍋
| 餐廳分店 | 真成海鮮火鍋 |
|---|---|
| 地區 | 葵涌 |
| 電話訂位 | 24817728 |
| 餐單 Menu | 粵菜, 廣東, 火鍋, 海鮮, 中菜館 |
| 人氣指數 | 815 |
| 價錢幾錢 | $51-100 |
真成海鮮火鍋訂位位於葵涌區，詳細地址是葵涌和宜合道24號和宜合道熟食市場地下，餐廳寬敞座位數目共有未知幾多個。真成海鮮火鍋幾錢？價錢優惠後人均消費大約$51-100埋單，早餐午餐晚餐真成海鮮火鍋餐單包括有粵菜, 廣東, 火鍋, 海鮮, 中菜館等美食，付款方式有AlipayHK,支付寶,現金付款，Booking網上訂位可以電話致電 24817728 查詢訂座。
真成海鮮火鍋優惠
真成海鮮火鍋 評價 相片
又到同娘親食飯嘅日子，原本想去隔離嗰檔，去到嗰邊差唔多滿座，咁就試吓呢度啦，點知中咗伏 🤣🤣🤣我哋叫咗豉汁蒸魚雲，但魚雲一啲都唔新鮮，食落有陣泥味，而豉汁又無味，最後連一路好慳嘅媽子都唔食 🤮🤮椒絲腐乳炒通菜比較正常啲，上檯時好似炒青菜，撈吓啲汁又 ok。
星洲炒貴刁等如星洲炒米，係張米粉轉咗貴刁，比較油。
小炒王啲腰果唔係炒埋落啲料度，係炒完加上面 🤣🤣 需然係好大方比好多，但太多都會膩。
我自己都衰，無睇清楚餐牌就落單，呢頭落完單嗰頭又想改，但個老侍應都唔駛態度咁差，我都係話唔好意思睇吓改唔改到啫，改唔到咪唔改囉，都唔駛鬧個客嘅！
住系和宜合道甘耐，但都冇試過熟食市場d野食。
其實系一直搵唔到個朋友願意陪我試。
總於，等到有fd肯試下平民美食啦！！！！！！其實間鋪頭都幾整齊幾乾淨，其實餐牌都幾多選擇。
我地諗左一陣，最後揀左幾個小菜，西蘭花炒鮮魷&雜草煲&沙拉骨&炸魚。
整體黎講，d蔬菜都幾新鮮幾甜，但另外沙拉骨同埋炸魚則麻麻地，好似炸過龍。
最後平均每人消費$70，幾便宜但～～～～～～～～～～～～～～～～～～味道可以再有改進空間！！！！！
呢排凍凍地岩哂食烤魚，呢間野係冬菇亭入面，算乾淨. 晚飯時間都唔多人，walk in都即刻有位.2個人食，叫左酸菜烤魚$145 + 蘿蔔$32，另外加支青島 $23原來酸菜烤魚冇辣，一食完全唔對路，跟住叫佢加辣，唔知係咪老闆黎，拎左d黃黃地色既辣椒比我地，仲介紹呢隻辣椒個辣味香d, 食落脆口. 加左辣之後真係超正，好好食，魚又夠鮮，多肉少骨. 要後加其他食物的價錢偏貴，$32一碟蘿蔔都唔算平，不過都好大碟，但係d蘿蔔好大舊，食到尾都未夠林Btw, 呢度冇冷氣，夏天未必會黎，趁冬天要食多幾次.
6個人叫左5樣野！ 椒鹽九肚魚同魷魚！夠火候，炸得好鬆脆！九肚魚入口即溶！正！$168！半條大鯇魚，好大條，唔係講笑！個湯好甜，好有魚味！好想再黎就係為左佢！正！芥蘭，炒得好香！蠔餅有d鹽得制，下次唔會再叫。
仲有叫左河葉獵味飯，好多料，但飯夠香。
珍饈百味唔使小弟多講，都知形容喺食盡好嘢，唔單止好，仲喺珍貴美味；餐餐食好嘢唔喺人人都俾得起，有幸有份穩定嘅工作，讓我間唔時都可以食餐好，享受一下。
借用「百味」一詞，除咗茶記，就令我諗起大牌檔，小炒、煲仔菜……乜都有，豈止百味，總之今晚嚟到「真成」，雖然唔喺咩珍饈百味貴價嘢，但絕對喺好懷念嘅港式風味。
晌個熟食市場內，其實有唔少鋪位，不過，真正有租用做生意嘅都只不過喺三、五、七檔，就連早前嚟過幫襯食晏嘅「813」都執埋。
故此，中心嘅空間都成為一、兩檔大排檔嘅地盤。
所有菜式由友人發辦，小弟無乜太多意見。
菜牌印到五顏六色非常搶眼，除散嗌嘅菜式，亦有啲抵食孖寶。
小炒以外，更做埋火鍋，有多款湯底選擇，新鮮海鮮及多種配料，一應俱全。
因為同行嘅友人唔喺太知小弟有寫食評，唔多方便擺晌面前慢慢影，所以，小弟都低調行事，碟碟菜都快拍一、兩張就算，故好多菜都喺長距離拍攝，效果未必理想。
黑椒牛仔骨 $78黑椒做得惹味，辣度適中又啱細路仔食，而牛仔骨都夠軟腍，又入晒味，剩番少少汁撈飯都好食。
菠蘿咕嚕肉 $60啲咕嚕肉裁得好大件，成件扒咁，粉漿有少許厚，但個汁調得唔錯，入口唔搶喉，不過，洋蔥、燈籠椒就多，菠蘿得幾粒！荔芋豬頸肉煲 $65晌大牌檔食煲仔菜寧舍有風味，以瓦煲盛載，有歲月嘅痕跡。
芋頭又腍又粉，豬頸肉質感咬落爽口，個汁似乎落唔少椰奶，帶點椰香。
豆腐炆斑腩煲 $60另一道煲仔菜都好食，雖然，預計都唔會好咩靚魚，但啲斑腩都好嫩滑，而豆腐亦不相伯仲，同樣入口嫩滑有豆香。
蒜蓉炒什菜 $48只要夠鑊氣，手勢唔太差，依道菜都應該唔差得去邊，什菜喺白菜仔溝菜芯，充滿蒜香。
魚湯浸菌蔬 $60以為淨喺得啲菜，原來仲加入魚腐，個魚湯不俗，嗒到有少少鮮味，加埋其他什菌、時蔬，大堆頭嘅菜式，夠大路人人啱食。
揀咗一份孖寶（B）， 豉椒炒蜆搭馬蹄蒸肉餅或京都汁豬扒，每份賣$108，一向依類組合都會比散嗌平十元八塊，但事後寫食評再翻睇先知：豉椒炒蜆散叫$55，馬蹄蒸肉餅就$48，京都汁豬扒則賣$60，我哋點咀前兩者，夾埋只喺$103，蝕咗$5俾佢！豉椒炒蜆炒蜆確然惹味，啲汁用嚟撈飯更喺一流，至於啲蜆，養得夠無乜沙，亦好少空殼無肉，所以，就算散點都抵食。
馬蹄蒸肉餅肉餅打得鬆化，仲混入好多馬蹄，所以，食落多一份爽口感，只喺略嫌加咗唔少肥豬肉，雖然脂香，但感覺有少少膩。
肉絲炒麵 $50個炒麵唔錯喎，炒得外層嘅麵條脆口，而肉絲、菇菌又落得唔少，碟頭夠大，抵食。
鹹魚雞粒炒飯 $50鹹魚配雞粒不嬲都喺好拍檔，炒飯夠乾身，食到尾都唔油，鹹香惹味，大牌檔嘅一貫水準，同樣，份量夠多。
都好一段日子無嚟大牌檔食飯，平均每碟餸菜都只喺六、七十，夠經濟，碟頭大，小菜夠鑊氣，煲仔滾熱辣，環境可能地踎少少，但勝在唔拘束，無茶芥，無加一，服務有時仲好過啲酒樓，難怪咁多街坊、食客支持。
政府搞埋咁多美食車，不如將啲熟食市場發大嚟搞，好似台灣夜市、新加坡啲熟食中心仲好啦！
真成海鮮火鍋餐單提供粵菜, 廣東, 火鍋, 海鮮, 中菜館等推介美食位於葵涌區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 24817728 查詢。
您對於葵涌餐廳「真成海鮮火鍋」有何 comment？
真成海鮮火鍋餐廳詳細資料：
- 真成海鮮火鍋地址: 葵涌和宜合道24號和宜合道熟食市場地下 Tsang Shing Seafood Restaurant, G/ F, Wo Yi Hop Road Cooked Food Market,24 Wo Yi Hop Road, Kwai Chung
- 真成海鮮火鍋電話: 24817728
- 真成海鮮火鍋價錢: $51-100
- 分類: 粵菜, 廣東, 火鍋, 海鮮, 中菜館
- 座位: 未知
- 付款: AlipayHK,支付寶,現金
- FB專頁: 真成海鮮火鍋 Facebook
更多真成海鮮火鍋相關資料:
香港餐廳2026推介8月