瑪歷餐廳 葵涌

瑪歷餐廳 評價 相片

之前睇到有人話"穆斯林咖喱" 換了廚房, d 水準急跌~ 之後又有人放料話隔離街個間"瑪歷餐廳" d 味好似~ 話d 人過左檔~o~" 所以決定今天親身1 試~o~"去到~環境感覺上比穆記干淨, services 比穆記好(穆記d 人成日唔理人."), 出菜都比較快(穆記太慢了orz)...不過食物d 味道完全唔同~ (其實入到去已經聞不到穆記個陣咖喱香...)我亦見不到穆記d 人=0="因為試驗性質, so 叫了好少~ 諗住好食就叫多d, 唔好食就當tea =.=v一開始他問我要"drink or water ?"我就話"water is ok..."then 佢就放低左支礦泉水$5 (感覺有d 屈機." 因為佢台面有jar 水~)仲有佢放低左綠色個隻醬~我試左少少~稀好多~ 冇咁香...感覺蒜和乳酪的比例好似唔多岩~ d 味有少少怪...之前同大口, TWY 佢地經過好似唔見有咖喱角~今次去又有喎@_@~仲要佢推介~ $12/4隻(同穆記一樣不過冇續隻計~)咁就叫了來試~來到個樣已經差好遠... 穆記個d 係3 角椎體~ 佢個d 係扁左o既~_~"食~~~ 完全冇穆記個d 咁香~ 差好遠好遠~!而且冇"鯨"干d 油, 其中1 隻一咬我成口油__~仲有少少油"o益"味~o~" (but 只係好少, 其他人都食唔出~)當然~ 比普通咖喱角好食~不過完全冇穆記個d 咁香~ 咬落口個d 難忘感覺."佢個menu 好多好多野食~食物種類比穆記多好多~ 有燒呀香草呀Masala 呀咖喱等等等等~烤餅都有好多種~ 蒜蓉, 烤羊肉都有~仲有Kabab 食tim...不過今次是為了試下是不是穆記舊班底來了~so 叫了穆記都有得食的Masala 羊($35) + Naan(Naan 唔包ga, 分開叫$7)烤餅好食過穆記個d...個Masala 一來到我見到個樣已經知唔同."聞唔到d 香料味先啦~d 汁個賣相(隻色) 有d 似肉醬~_~"入口~d 羊肉都ok o既, 算是幾"林" and 入味...不過d 主角Masala...幾重茄汁味, 冇什麼香料味, 咖喱味都唔多重"~味道... 唔可以話差~不過完全同穆記冇得比=.="仲有~ 呢間貴d 同要收+ 1 ~穆記我會特登搭車入來食...呢間就唔值囉~ 我一定唔會咁做...疑問: 真係穆記舊班底過左來??!(定係我唔好彩d 人放哂假." 一係搵人試多次...) 後話~我諗住行去穆記外賣2 隻咖喱角睇下係咪d 味唔同哂~不過竟然冇開門! (平時開到成10 點幾呢_~) orz......

禮拜六去葵涌食"穆斯林" o既咖喱時, 無意中見到呢間餐廳, 原來佢同"穆斯林" 只係隔一條街, 賣o既又係巴式咖喱, 所以尋日就o黎呢度試o下, 同"穆斯林" 比較o下先.呢度o既格局比"穆斯林" 較似番間餐廳, 賣o既菜式亦較尖沙咀o既印式餐館廉宜. 我叫o左一客咖喱雞($28), 一碟白飯($8), 同一杯芒果乳酪冰($12). 咖喱雞用鑊仔上, 幾特別. 煮法雖然都係巴式, 但就同"穆斯林" 或"廚想曲" o既又有所不同. 佢個汁係小辣, 淡黃色, 無乜油o係面, 乳酪味甚重, 調味溫和, 口感有o的似北印度菜o既白汁燴雞(Chicken Shahi Korma). 呢種煮法會幾適合一般港客o既口味, 但對我o黎講就無咁有趣. o的雞肉係胸肉, 比較諧口, 唔算太入味. 成鑊雞o既份量唔算大, 唔夠撈晒碟白飯, 要就住o黎食. 同"穆斯林" o既巴式咖喱一樣, 呢度o的咖喱送跟埋一碟沙律同埋一細碟調味醬. 碟沙律係切粒o既生青瓜同蕃茄, 調味醬唔係平時食開o既薄荷醬而係乳酪醬(raita), 但呢度o的乳酪醬就同印菜o既raita好唔同, 質感較稀(望落似溝稀o左o既腐乳), 有好重o既青瓜味同青草味, 仲幾辣o下添(中辣), 感覺怪怪地. 一般港客未必會喜歡呢種特別版raita, 不過食o左幾啖之後我都覺得佢幾好味. 芒果乳酪冰比一般尖沙咀印式餐館o既較稀, 芒果味唔算重, 但勝在夠平夠大杯, 又唔會成杯都係冰塊, 12蚊算OK啦, 我諗叫淨乳酪冰會好飲o的.巴籍老闆相當健談又好客, 原本埋單要48蚊加一o既, 佢唔收我加一, 仲話俾我知午餐有送外賣服務, 30蚊一個咖喱送跟一個白飯(或兩塊naan)同一罐飲品, 聽落都幾抵同隔離街o既"穆斯林" 比較, 呢度o既巴式咖喱較為遜色, 但選擇較多, 服務好, 價錢亦好吸引, 值得我番去再試o下其他菜式o既.

瑪歷餐廳餐單提供印度菜等推介美食位於葵涌區，餐廳座位數未知人均消費約$50以下，結賬可以用現金。

您對於葵涌餐廳「瑪歷餐廳」有何 comment？

瑪歷餐廳餐廳詳細資料：

• 瑪歷餐廳地址:
  葵涌青山道454號名賢大樓地下6A號舖(由屏麗徑入)
  Malik Restaurant, Shop6 A., G/ F.,454 Castle Peak Road, Kwai Chung
• 瑪歷餐廳電話:  
• 瑪歷餐廳價錢: $50以下
• 分類: 印度菜
• 座位: 未知
• 付款: 現金
• FB專頁: 瑪歷餐廳 Facebook

更多瑪歷餐廳相關資料:

• 瑪歷餐廳分店
• Youtube
• Facebook
• Twitter
• Google