潮點點心專門店 葵涌

潮點點心專門店 評價 相片

人開始大, 由唔知幾時開始,就會經常想當年, 想揾返以前曾經食過既味道唔係而家D 野唔好, 只因每段味道都有每一段故事今次比我係工業區, 就比我揾返小學時代樓下粥店既感覺潮點點心專門店係葵涌區做左咁多年,都冇留意原來工廠區內有間點心舖點心價格算中等款式都算多茶位每人$6現在係中午12點幾, 人流都多需要揾位搭枱坐糯米雞 $22大大隻糯米雞, 內饀都適中,有菇, 肉絲仲有隻咸旦黃各樣味道都能溶入在糯米飯午市粥餐~皮旦瘦肉粥+蜜汁叉燒腸$38兒時最喜愛在粥店叫既皮旦瘦+叉腸仲好記得細細個媽媽係粥店打工佢整既腸粉又薄又滑,同E度既一樣,粥都好綿 蜜汁叉燒包$16懷舊既叉燒包用料十足, 包好軟淋淋..好味

有日神咁早送迷你兵女皇返工，咁就諗食咩早餐好啦。

係我心入面葵盛除左住同工業外，係咩都冇．．．咁我地又唔知食咩好又唔想食老麥，行行下想飲茶就咁岩比我撞到呢間野啦。

入到去地方算大，都幾好坐。

但因為太黑所以無影到一坐低姐姐已經好快過黎問我飲咩茶啦，咁問完佢就即時去沖。

快手水仙茶 茶一杯淡、唔香茶一送到姐姐先比張特價點心紙我...如果唔比就唔知有其實價錢唔係差太遠咁我地叫左燒賣、奶皇包、蝦腸同鮮竹卷食燒賣同奶皇包大約5分鐘左加送到蟹籽燒賣皇 食落去味精味好出，以我咁鐘意食燒賣既人黎講，如果淡少少應該幾好味，肉都算厚無咩特別。

香滑奶皇包 奶皇包又係飲茶必食！呢個普通非常，不是流沙款式。

而奶皇因想做香滑口感所以加多左奶，所以會比較香奶味。

高湯鮮竹卷 我覺得最好食係呢個，可能呢味菜好食與可都只係睇個味精上湯。

足料皮薄，可以一試珍寶鮮蝦腸 最差呢碟，最耐都係佢。

等咁耐以為即拉即蒸，點知一黎到我摸到隻碟熱既，完全知咩事。

果然食落唔滑仲好粉，所以都冇食曬去。

最後因仲有時間所以坐多30分鐘都冇人理，呢個係幾好，同埋係工業區都算好坐。

埋單就覺得呢個質量就有點貴，不過我覺得比返工業區的食群，呢間算不過不失。

如果我係呢頭返工都應該會成日黎食。

初到工業區, 好多食堂, 呢間係其中一間唔係食堂, 睇落仲好乾淨企理..因為避開佐最多人時段, 唔使等位, 仲有卡座...好, 我叫 鯪魚球粥 + 蝦腸, 係午市餐, 但其實係 "迷你" 版..粥呢, 正, 四五粒鯪魚球仲無骨 (信我, 有D會有少少碎骨) 仲幾彈牙爽..底仲有生菜絲, 仲幾大"注"下.而粥本身都幾稠下, 岩我胃口.腸呢, 皮係 OK 的, 可以話靚..但蝦就真係少囉...三條腸粉, 加埋先得五隻蝦仔.......$42 + $6 茶, 其實唔算平.同一個餐, 其他區做到 $30 仲多幾隻蝦仔..不過同區裡仲未揾到有其他粥店.下次試招牌點心.唔去慣工業區既人, 一定覺得嘈. 無解, 係咁.

潮點點心專門店餐單提供潮州菜, 港式, 粉麵, 米線, 粥品, 燒臘, 點心, 茶餐廳, 冰室等推介美食位於葵涌區，餐廳座位數100人均消費約$50以下，結賬可以用現金,八達通。

您對於葵涌餐廳「潮點點心專門店」有何 comment？

潮點點心專門店餐廳詳細資料：

• 潮點點心專門店地址:
  葵涌華星街2號安達工業大廈地下
  Chiu Dim, G/ F., On Dak Industrial Building,2 Wah Sing Street, Kwai Chung
• 潮點點心專門店電話:  
• 潮點點心專門店價錢: $50以下
• 分類: 潮州菜, 港式, 粉麵, 米線, 粥品, 燒臘, 點心, 茶餐廳, 冰室
• 座位: 100
• 付款: 現金,八達通
• FB專頁: 潮點點心專門店 Facebook

更多潮點點心專門店相關資料:

• 潮點點心專門店分店
• Youtube
• Facebook
• Twitter
• Google