永利餐廳小廚 葵涌

永利餐廳小廚 評價 相片

今日外出午膳，時間尚早，所以到處都有位。

其實呢間野開咗唔太耐，同事未試過，於是同佢試一試。

本身自己去過一次食早餐，記得提字包頗美味，今日都點了一客常餐，本來order 係豬頸肉加沙爹牛肉麵，跟奄列同提子包。

阿姐落order時，我唔知佢係咪新嚟，價錢幾多唔清楚，供應時間又唔清楚，要我話返比佢知。

未幾，阿姐又嚟話冇豬頸肉，只係12點多少少已經賣晒？點做個午市呀？佢話早餐賣晒？乜你唔係預左嘅份量可以供應到比早午兩個市嘅咩？吹脹，所以轉要冬菇。

同事要嘅快餐係焗豬扒意粉，份量似係一般茶記嘅下午茶，連佢自己都話如果女士還可以，男士就一定唔夠飽。

到我碗麵都吃光光時侯，奄列+包依然未嚟，於是問問阿姐，原來冇落單，唉，真係鬧都無謂，都未到午市最最最busy喺時間，你都可以咁做野，一絕！原本的提子包沒有了，變做方包，失望。

而且味道亦不見得出色，牛肉「乸」到好鬆，可怕！我想，應該冇下次了。

上一次食過呢度嘅下午茶已經好吸引, 今次特地encore 晚飯, 呢度d 晚餐好平, 同平時出面嘅lunch價錢差唔多. 係一家人或者小口子晚飯之選. 例湯 今日係木瓜豬骨湯, 木瓜煲到溶晒, 又無味精, 幾好.節瓜蝦米粉絲煲 好住家嘅一味餸, 節瓜唔太腍, 又加咗好多菇, 好味!魚香茄子煲 Coco至愛茄子, 所以叫咗呢個餸, 魚香不足, 茄子個人覺得煮得唔夠腍, 但味道ok. 三杯雞煲 呢度嘅其中一個招牌菜, 可惜雞嘅份量比較少, 肉又唔多, 但係個汁又真係好味! 可以改善下就好喇!啫啫通菜煲 加咗d 豬勁肉炒, 好香好味! 通菜梗又爽口.麵醬梅子蒸排骨 好耐無食過嘅一個餸, 個人覺得梅子酸咗dd, 但排骨好腍, 唔差.茶走 對奶茶有要求嘅我覺得茶味唔太香濃, 奶加多咗d.P.S 上次下午茶食過呢度嘅脆豬扒飽, 飽身脆, 豬扒腍, 好好味! 同埋澳門咖啡係孖寶, 超好味! 而且咖啡香濃.

2010年3月26日 ( 1 ) 葵涌 (永利餐廳小廚 1) 下午茶食店輪流轉，此舖位前身是 ( 八方雲集鍋貼水餃專門店 )，結業後，前天還在裝修中，今天開張了，名字為( 永利餐廳小廚 )，剛好是下午茶時間，Johnny 隨即吃了一個下午荼餐。

鮑魚、沙嗲牛肉、肉丁、通粉：鮑魚味道甜美；沙嗲牛肉，沙嗲一般，牛肉輕微用過軟化粉處理，腍了點；罐頭五香肉丁是對味，好味湯底配合有紋的通粉，整體也好吃。

熱奶茶：茶味濃，奶味輕，微微苦澀，算是ok的奶茶。

今天新開張，環境、服務及衛生也不錯，這個茶餐18元，算是好吃及抵吃了。

永利餐廳小廚餐單提供港式, 茶餐廳, 冰室等推介美食位於葵涌區，餐廳座位數未知人均消費約$50以下，結賬可以用現金。

您對於葵涌餐廳「永利餐廳小廚」有何 comment？

永利餐廳小廚餐廳詳細資料：

• 永利餐廳小廚地址:
  葵涌石蔭路61-83號金祿樓地下7號舖
  永利餐廳小廚, Shop7, G/ F, Kam Luk Buildling,61-83 Shek Yam Road, Kwai Chung
• 永利餐廳小廚電話:  
• 永利餐廳小廚價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 永利餐廳小廚 Facebook

更多永利餐廳小廚相關資料:

• 永利餐廳小廚分店
• Youtube
• Facebook
• Twitter
• Google