天寶茶餐廳 葵涌

天寶茶餐廳 評價 相片

今日係梨木樹村附近做野，到lunch時間，本想到街市裏面的熟食店食碗雲吞麵加碟油菜，點知全個街市要進行翻新，封左。

之後行左去2座樓下的茶餐廳，裝修好懷舊好有歷史。

我叫左午餐C － 茄汁豬扒飯、中湯和熱奶茶。

茄汁豬扒飯：豬扒新鮮炸，幾大件好香口，茄汁也足夠，但冇嘜味。

中湯：木瓜雪耳㷛豬骨。

（例湯還可選擇羅宋湯或忌廉湯）奶茶： 夠熱，都幾好飲。

這種舊式茶餐廳會隨著樓宇翻新而一一被淘汰，有D可惜。

黎左呢條屋邨開工, 就是但搵間餐廳食飯, 近近地試下呢間"天寶".要左午餐"蒸肉餅"飯, 仲有例湯餐飲, 午餐黎講夠晒豐富. 肉餅蒸得夠熟, 肉都幾嫩無蒸老左, 不過就多d肥膏位, 豉油甜甜地, 整體上ok.例湯唔太味精, 係老火湯, 幾好.

今日下晝要出開梨木樹做野BOR~, 做到LUNVH 見肚餓就去左間茶餐廳入去食下野啦間野叫 天寶茶餐廳.依間茶餐廳睇落都幾歷史悠久~環境又比較暗, 別有一番風味既~我呢就叫左個焗腿蛋包同龍鳳檸樂~首先講個包先~個蛋煎得喏喏好, 蛋又有蛋水, 又夠嫩滑~火腿又大塊, 正!!!咁大個包都係賣9$~抵食~反而杯檸樂我就唔係咁中意啦...$14蚊一杯, 但D咸檸好咸LOL~所以下次都係叫普通野飲好了~

星期日一早去完教會，１１點返到黎勁肚餓！即刻走去已經好耐無食過的天寶，買份蛋治　茶走。

返到屋企一打開，唔係呀嘛！件蛋治舊蛋的厚度只有半塊方包咁厚．．．以前舊蛋係成ｃｍ咁厚，超好味！而家我食舊蛋治好似只係食緊２塊方包咁。

轉左老細即刻差成咁！？梨木樹繼多年前特式之後，又無左一個食飯的地方。

昨日 (2009年4月4日 星期六 清明節+兒童節) 天氣涼快，與機師逛了他的母校、舊居、石籬村、安蔭村 (前名:石蔭村)。

旁晚，途經天寶茶餐廳，剛落了鐵閘，但閘門還未關上，遠望店內的裝修陳設，機師歡欣大叫... 店內依舊不變，與二十多年前的天寶一樣！店內老伙計(可能是老板)看見我倆凝望店舖，對笑一番，人間有情。

機師對我說 : [ 下次有時間，一定要到此店回味一番！ ]下次惠顧此店，再續食評.....

天寶茶餐廳餐單提供港式, 茶餐廳, 冰室等推介美食位於葵涌區，餐廳座位數20人均消費約$50以下，結賬可以用現金，Booking訂位可以電話致電 24257163 查詢。

您對於葵涌餐廳「天寶茶餐廳」有何 comment？

天寶茶餐廳餐廳詳細資料：

• 天寶茶餐廳地址:
  葵涌梨木樹村2座地下1號舖
  Tin Bo Restaurant, Shop1, G/ F, Blk2, Lei Muk Shue Estate,, Kwai Chung
• 天寶茶餐廳電話: 24257163
• 天寶茶餐廳價錢: $50以下
• 分類: 港式, 茶餐廳, 冰室
• 座位: 20
• 付款: 現金
• FB專頁: 天寶茶餐廳 Facebook

更多天寶茶餐廳相關資料:

• 天寶茶餐廳分店
• Youtube
• Facebook
• Twitter
• Google