合興隆美食中心 葵涌

合興隆美食中心 評價 相片

我哋喺葵興邨兜左好耐都唔知食咩好，最尾見到呢間好多街坊食嘅餐廳出面有個餐牌寫住有得食蒸魚就行左入去（因為我屋企好少買新鮮魚食😂😂）餐廳好多小菜可以揀 我哋最尾揀咗西檸雞同豉汁蒸倉魚魚既種類其實可以有好多揀 我地當有得揀牙帶魚、紅衫魚、泥猛、黃花魚（有d唔記得左） 個汁都唔只得豉汁揀 可以揀蒜蓉、蕃茄汁個d蒸魚係即叫即蒸，我地個碟好食好新鮮，但要食既話可能要等既時間會長少少西檸雞都好好食 夠哂酸味 真係見到有檸檬片係碟餸入邊 唔係求其搵啲檸檬汁開水就算。

數落都有十幾嚿雞塊 抵食之選

呢排都係葵興做野，呢日做得晏但太肚餓，所以決定係葵興食完先回家～不過附近冇乜選擇，誤打誤撞入左呢間茶餐廳食野。

一入到去，基本上都有位坐，因為都幾大下。

大多數都係住附近既人係到食飯。

種類都算多，價格亦唔太昂貴。

咁多選擇，我最終簡左個西式常餐食，叫左沙嗲牛肉公仔麵，配火腿煎蛋，仲有牛油餐包加熱飲，先係HK$38！！我就覺得好抵啦！沙嗲牛肉公仔麵，都算濃味，牛肉份量都OK 多，所以食得好飽下。

個煎蛋係半流心，我擺埋落個麵到一齊食，簡直係絕配。

不過個包就麻麻地，可能係冇烘底關係啦。

所以建議加１蚊轉烘底，起碼會硬身Ｄ，冇咁軟身。

食完，飲番杯熱利賓納，成個人都好暖好飽！以街坊食堂既質素黎講，味道都算正常，但價錢就好吸引我！CP 值高既一餐飯！

一連幾天嚮葵興工廠區附近,唔熟尼區,得自己一個又好攰,下午茶時段唔知食咩好,想搵間餐廳可以舒適咁食啲野真係話易唔易,咁啱經過尼間茶餐廳,門面好大,望入去有卡位座,就衝入去叫左碗雞扒公仔麵(出前一丁麵底丫唔該)配熱奶茶嘩～塊雞扒係金黃色脆皮咖~睇得出廚師用心煎,淨係睇已經加分,食落去雞扒厚肉無雪味~加上座位好闊落,食完嘆埋杯奶茶,開心哂!所以連續3日我都嚮尼間茶餐廳食下午茶~食左餐肉蛋三文治烘底 配熱華田再追加 奶油多烘底 尼款麵包真係越食越想食而今日終於(嚮下午茶時段)叫到我想食既午餐梅菜蒸鯇魚配白飯送例湯$38,師傅叫出黎問我想要魚頭定魚尾,我驚多骨,所以選左魚尾,魚清甜新鮮,唔係好重調味,簡簡單單,係家既味道~

8號風球下，來到這裹叫了一個午餐$38 （包例湯同油菜），心諗好抵食，但由於8號風球需要加多$2，湯同午餐都到了，還欠一碟油菜，即時問侍應，佢就同茶水講，佢話轉頭正，但聽到老闆同茶水講唔好正😡，跟住就同我講話冇晒😡😡😡😡，$2佢就識加，菜都識收，呢間平時做開街坊生意都咁冇良心，睇真d佢寫個餐牌都好鬼鼠，係餐牌底用細字寫：熱飲加$3，凍飲加$5。

同一個價$40附近餐廳包湯同熱飲，唔駛食得咁受氣😰

自轉到這區返工後，四處去試適合自己的午餐，因而在這食店醫肚，典形有幾款午餐自主打，看後選了梅菜扣肉飯，扣肉肥瘦比例是七比三，入口肉質煮得相當淋，跟餐的例湯也極有水準，凍奶茶甜味適中，整個午餐相當不俗。

合興隆美食中心餐單提供多國菜, 快餐店等推介美食位於葵涌區，餐廳座位數100人均消費約$50以下，結賬可以用現金。

您對於葵涌餐廳「合興隆美食中心」有何 comment？

合興隆美食中心餐廳詳細資料：

• 合興隆美食中心地址:
  葵涌葵興商場地下10號舖
  Hop Hing Lung Food Centre, Shop10, G/ F, Kwai Hing Shopping Centre, Kwai Hing Estate,, Kwai Chung
• 合興隆美食中心電話:  
• 合興隆美食中心價錢: $50以下
• 分類: 多國菜, 快餐店
• 座位: 100
• 付款: 現金
• FB專頁: 合興隆美食中心 Facebook

更多合興隆美食中心相關資料:

• 合興隆美食中心分店
• Youtube
• Facebook
• Twitter
• Google