一意點心燉湯專門店 葵涌

一意點心燉湯專門店 評價 相片

一意點心燉湯專門店 (葵涌) @yatyeedimsumsoup 📍：葵涌葵涌道1001號德昌大廈地下24號舖🚗：葵興地鐵D出口 步行12分鐘📞：+852 24881888💲：~HKD120/head for dim sum Food quality✔️：黑金流沙包、燒賣、蝦餃、柱候金錢肚、鱷魚肉花膠陳皮貝肉燉肉排、准山杞子花膠螺片燉雞👌🏼：咖哩魷魚、鳳爪、小籠包、排骨總結：😋黃店售賣燉湯及點心嘅專門店 暫時有兩間分店 今次嚟葵興分店真係非常少人 食完後覺得性價比咁高 仲要係黃店嘅真小店 絕對值得大家支持☝🏼😋我覺得整體就燉湯正過點心 本身我就偏愛飲清甜啲嘅 咁佢中藥味唔太重啱我口味 湯頭睇落都唔濁 $48$78一碗足料湯水真係抵飲 推薦😎😋點心基本上都好抵食 $26$30左右 高質雖然未到 但呢個價錢已經滿意有突 試咗幾款 黑金流沙包就最推薦 熱辣辣一開為二啲結稠嘅流沙好快就泌出嚟 正😝😋燒賣有蝦籽在上 蝦又大粒 魚肉都彈力 好食🤤 蝦餃都係大粒嘅 抵食 金錢肚就成本貴 但$28幾抵玩 cp值首選🤔️其餘點心都好食嘅 但冇咩特別之處 不過認真小店賣咁多款做到冇伏已經很厲害👍🏼🤔️環境就同普通樓下食肆冇咩太大分別 不過比茶餐廳乾淨好多 另外唔收加一但老闆娘服務極好 係有人情味同你傾下偈嗰款嚟 同埋最尾又請我哋食嘢 實在太好人了🤣😱有一點要彈就係葵涌店真係太難揾 隱藏喺住宅附近 距離地鐵站好遠要行12分鐘 但離工廠區又有啲距離 所以好明顯只係做街坊客 但我覺得小店真係值得大家一再支持嘅 要去附近做嘢嘅朋友可以一試🥺

餐廳服務完全無品格，欠訂單食物不盡力解決竟然照收取食物費用，事後電話聯絡態度惡劣兼無禮，只隨便叫客戶向外送平台申請退款，欠客戶食物，仍泰然自若振振有詞照收錢，並無心提出解決方法（例如客戶到店補取食物）。

客戶電話已經清晰記錄在外送平台戶口，仍然聲稱不能聯絡。

食物質素重要，服務品質和態度更加重要。

真心推介依間隱世燉湯點心店，舖頭位於一個好舊嘅大廈內，一啲都唔起眼，好彩佢有一邊係對住條街，咁先見到佢啲招牌，這裡地方不大，座位唔算多，但燉湯選擇幾多吓，湯嘅價錢雖然唔算平，平均六、七十點一盅，有啲價錢仲高啲，但真材實料，燉得好夠味，味道又調校得好好，冬天飲仲正，飲完暖笠笠，今次叫咗川芎天麻白芯紅棗燉魚頭湯$72，好好飲，湯嘅份量都唔少，另外叫咗牛肉餅飯$45，完全就係煲仔飯咁，牛肉大大舊，口感淋得嚟有彈性，豉油份量剛剛好，仲有幾條菜均衡營養，整體來講好好，值得支持小店.#午飯#lunch#牛肉#飯#rice#beef#湯#yummy#葵涌#隱世

尋晚順路經過入黎飲湯，門口跟裝修係有點簡陋，但店員煲湯的心機卻很認真，我叫左1. 鳳爪排骨煲仔飯（$45）：鳳爪跟排骨惹味，但煲底啲飯有點黏，我冇食晒2. 百花無雪（$68）：燉湯，飲得出靚料而且好夠火喉，骨都軟稔晒可以食。

雖然份量有點小，但啖啖精華，飲完有回氣Feel～3. 紅棗茶（免費）：好甜好潤，而且無限添飲，大家黎到要飲多幾杯呀燉湯熱潮過左，執左好多間燉湯鋪，依家有心機既燉湯店越黎越小，大家路過就試下啦 🤣

之前去葵涌工廈玩workshop，發現附近有好味點心黃店💛💛一入到去姐姐就比一壺紅棗杞子桂圓茶我哋，超級好飲，仲要係送嘅😍蝦餃同燒賣都大大隻🤩流心包黑色幾特別，黑襯金色心心好靚，奶黃好香🤤小籠包好細心有個兜兜，即使整爛咗皮都可以飲到曬啲湯🥣食到好飽，一件都無淨，下次有機會試吓佢啲燉湯😈

一意點心燉湯專門店餐單提供港式, 湯品, 點心等推介美食位於葵涌區，餐廳座位數未知人均消費約$51-100，結賬可以用現金，Booking訂位可以電話致電 24881888(Whatsapp) 查詢。

您對於葵涌餐廳「一意點心燉湯專門店」有何 comment？

一意點心燉湯專門店餐廳詳細資料：

• 一意點心燉湯專門店地址:
  葵涌葵涌道1001號德昌大廈地下24號舖
  一意點心燉湯專門店, Shop24, G/ F, Tak Ceong Building, Kwai Chung Road, Kwai Chung
• 一意點心燉湯專門店電話: 24881888(Whatsapp)
• 一意點心燉湯專門店價錢: $51-100
• 分類: 港式, 湯品, 點心
• 座位: 未知
• 付款: 現金
• FB專頁: 一意點心燉湯專門店 Facebook

更多一意點心燉湯專門店相關資料:

• 一意點心燉湯專門店分店
• Youtube
• Facebook
• Twitter
• Google