Cafe Ladle 葵涌

Cafe Ladle 評價 相片

新搬屋2個月~附近街道認識依然唔深~星期六下午，憑住Open Rice帶路~認識左一間小Café~週末下午2點，果然係Café人流高峰期~下層已經爆滿~興幸上層還有小量空位~~職員在下層廚房忙到一頭煙~完全分唔到身照顧上層食客~~所以大部份客人都會自己落樓下點餐~~今次食左：雞肉蕃茄乾配蒜香辣味橄欖油寬條面餐湯 / 沙律之間選了餐湯~飲品選了香蕉抹茶Latte先飲了Latte~香蕉味十分搶戲~~然後有淡淡豆奶的味道~~抹茶味就消失得無影無縱~~餐湯飲得出真材實料~~見到有好多蕃茄蓉~~天然酸味~~ 十分醒神~~細細碗，份量岩岩好~~意粉調味有驚喜~~辣得黎，重有蒜香~~雞肉份量都幾多~~唯獨.. 食完意粉，見到全個紙盒都滿滿油光..罪惡感唔少呢~~

今日很想鬆一鬆,決定去CAFE Ladle午餐一下大約幾個月沒黎,還是老樣子點了P3的煙三文魚蘆筍闊條面,今次特別一點沒叫到咖啡~~因為見到食評有人點了綠茶LATTE~~所以放棄最愛的咖啡綠茶LATTE不錯,很有綠茶味~~~很多綠茶LATTE都未必有香濃的綠茶味~~~~今次的煙三文魚闊條面...相對比幾個月前咸左D~~~重手左0_0雜菜湯不過不失0_0不過唔夠以前既湯好飲,地方還是和以前一樣~~~~係工廠區附近都可以有咁既休閒地方比人歇歇腳,都係唔錯既選擇~~可惜以前常見的侍應哥哥不見了~~~現在是侍應妹妹和姐姐~~~不過佢地的服務唔錯唷都很照顧坐吧枱的我

Mr.& Mrs.Lam住處附近基本上是一個工業區。

想找吃的雖然不困難。

但幾乎都是粉麵之類的。

我們這麼「祟洋」。

卻想找家吃個西餐卻總是有點阻滯。

直至Cafe Ladle開張。

我們才脫離日日粥粉麵飯的日子。

喜歡Cafe Ladle。

除了因為「夠近」外。

(近的定義是我願意以索顏姿態逗留。

。

)更是因為它給我茶記價錢大餐廳質素的享受。

因為小店經營的關係。

人情味更濃。

他們都會記住常客的喜好。

更加倍貼心準備。

所以。

我們放假的時候都愛在這裡吃下午。

這裡裝潢隨意得來有點STYLE。

落地玻璃外陽光滲進。

曬曬的。

是我最愛的感覺。

Mr. & Mrs最喜歡點的是Lunch Set。

約$40一份。

有意粉有湯有飲品。

還要是手調的。

你說。

是不是超級划算。

如果你以為這樣的價錢吃不到好東西。

你就錯了。

Cafe Ladle絕對是一家誠意小店。

這$40換來的是高級餐廳水準的美味。

手調飲品有很多類型。

包括咖啡及茶。

雖然我是一個咖啡控。

但今次想說的不是咖啡。

(這邊的咖啡其實算是不過不失的啦)而是推介一下Green Tea Latte。

不愛咖啡的女生去咖啡店都喜歡點這杯。

有一次店員介紹下試了一次就愛上了。

濃香的綠茶入口幼滑細緻。

特別加了一層cream。

上面是滿滿的綠茶粉。

之前來個幾次。

店員知道我不喜歡太熱的飲品。

更特別為我不把奶打至很熱。

感覺特別窩心。

很多人都喜歡燙口的熱度。

但卻忽略了會把奶加熱得太OVER。

令其失去甜味。

應有的營養成份都會失去。

(做咖啡的道理來說。

最佳的溫度不要超過70度就好。

)來到Cafe Ladle我總會捨棄喝咖啡的機會。

也要喝一杯如此貼心的Green Tea Latte。

跟著套餐來的是小小一碗湯。

他們每天都有不同的Special。

今次是蕃茄。

濃濃的入口。

質感很滑。

裡面有很多茄茸。

很有住家Feel的感覺。

如果不想要餐湯。

你可選擇要沙律。

也是小小的一碗盛載著新解沙律菜。

最令人印象深刻的。

是裡面總是有一塊甜甜的菠蘿。

添了一份甜甜的清新。

十分討好。

之後就是主菜了。

我點是新「口味」。

乾蕃茄雞肉意長通粉。

最近很喜歡乾蕃茄這種食材。

這裡的乾蕃茄肉很厚。

甜中帶酸。

有點點麻香。

正好為整個意粉大大提味。

當然裡面還有大大份的嫩雞肉及白菌。

而且白汁十分足料。

每條長通粉都可蘸上醬汁。

Mr.Lam點的是煙燻黑椒燒牛肉牛角包。

鬆化的牛肉包充滿牛油香。

但又不會太油膩。

夾著的是一疊厚厚的餡料。

絕不欺場。

小店的誠意。

就是用料十足。

手工感重。

可能沒有大型連鎖店的穩定。

但就是這樣非倒模式的美意正好吸引著我。

Cafe Ladle往往就是Mr.& Mrs.Lam的假日小確幸。

今次係小弟第一次寫食評,其實我一直都想試寫,但今次終於恨下心來決定加入食評家呢個行列.今次一行三人,看過了有個ig專頁介紹後,又見咁近,決定來一試cafe ladle既下午茶.首先入到間舖感到好relax,雖然對住青山公路,但一啲都唔嘈.星期六既三點幾,唔見得有太多人會係到享受優閒既周未下午.由於tea set同beverage都有唔少選擇,但多數係toast,pasta,salad,法式crepe等等.過左十分鐘，我地先至決定到.(呢個係tea set,有兩件蒜蓉包加沙拉再加一杯綠茶latte.)(呢set都係蒜蓉包，不過係set B,呢杯係泡沫朱古力)首先講個沙拉,佢係用新既火箭菜同生菜,仲有蕃茄青瓜同菠蘿,賣相可以同啲酒店比,味道方面幾清新，沙拉醬唔會太多同鹹而搶走啲食材既味,而特別既係,通常一段既餐廳係唔會俾新鮮菠蘿，就算俾既都係用罐頭菠蘿,但佢有落到,有啲驚喜,呢點可以睇得出佢tea set都唔會做得好hea.到杯green tea latte,雖然唔及某大型連鎖店同銅鑼灣某知名店咁好飲,但佢個味淡得黎唔會得雪水既味,仍然保留左綠茶既原味,唔似得Mx cxfx既一味死甜最後到個蒜蓉包,我食左燒牛肉同雞蛋沙拉，其餘兩件蕃茄芝士同吞拿魚沙拉係我朋友食.所以我只講下個兩件咩味道.燒肉牛唔太似一啲buffet提供既咁chewy,再加上芝士竟然比意外中夾,唔會搶味,佢個味道唔會話好鹹,而個雞蛋沙拉就食到好香蛋黃味,可能佢啲食材新鮮或製法,我自己就覺得幾ok,唯一美中不足係佢既包焗得硬左少少,如果鐘意食脆硬既蒜蓉包既朋友會好開心.由於朋友叫既香蕉crepe冇影到相,所以冇得睇,但佢就話好好味,可能佢本身鐘意食香蕉掛.

在石籬搵間休閒的小店是十分難的，可能臨近工廠區加上屋村形式，所以多是快餐為多，快餐店自不然就係當您食完就想您快啲走。

幸好有次經過見到呢到開左間cafe。

食過早餐2次，午餐1次，都覺得此店在味道及環境不錯。

早餐大概為＄30左右，而LUNCH大概為＄40~＄50左右。

Cafe Ladle餐單提供西式, 咖啡店等推介美食位於葵涌區，餐廳座位數12人均消費約$50以下，結賬可以用現金。

您對於葵涌餐廳「Cafe Ladle」有何 comment？

Cafe Ladle餐廳詳細資料：

• Cafe Ladle地址:
  葵涌青山公路葵涌段450-454號名賢大樓地下A號舖
  Cafe Ladle, Shop A, G/ F, Ming Yin Building,450-454 Castle Peak Road( Kwai Chung), Kwai Chung
• Cafe Ladle電話:  
• Cafe Ladle價錢: $50以下
• 分類: 西式, 咖啡店
• 座位: 12
• 付款: 現金
• FB專頁: Cafe Ladle Facebook

更多Cafe Ladle相關資料:

• Cafe Ladle分店
• Youtube
• Facebook
• Twitter
• Google